Nýtt kirkjublað - 01.06.1910, Blaðsíða 10

130 NÝTT KIEKJUBLAÐ
sem ætlað er að stafi af því, að tilfínningin sljófgist fyrir hina
fyrstu ofraun.
En hvað sem um þetta er, þá er það víst að eg get nú
nokkurnveginn rólegur tekiS missi þessa míns máske efnileg-
asta barns, ekki siður en hinna annara; enda væri það mink-
un fyrir mig, sem svo þrátt og oft reyni að brýna það fyrir
öðrum ekki að syrgja, svo sem þeir er enga von hafa, ef eg
færi að ofurselja mig sorginni, eins og sjálfur eg væri von-
laus; nei það gjöri eg ekki, né þú, nn'n vina, sem enn á ný
átt einu þínu barni á bak að sjá; miklu heldur skulum við
trúarörugg segja: Sé nafnið drottins vegsamað, vegsamað
einnig nú, er hann um stund sviftir okkur þeirri gjöfinni, er
okkur hlýtur að metast einhver hin dýrmætasta af hans hendi
þegin.------------
— — — Far þú þá í friði héðan út, hugreifr Óleifr!*)
Stutt var leið þín, bæði að tíma og rúmi, frá vöggu til grafar.
Það er þegar farion að verða fjölskipaður reiturinn sem
eg á hér skamt frá. Mig hefir aldrei langað til að deyja, og
ekki heldur enn. En hvenær sem ])að verður, þá óska eg að
það mætti vera þar, að mér auðnaðist að hvíla við hlið þína
og Gyðríðar systur þinnar; eins og hitt Iíka er mín örugg
von, hvað lengi sem eg velkist í heim þessum, þá hafi eg
aldrei svo hrundið frá mér hjartalagi guðs barna, að mér ekki
auðnist að ná samvistum við ykkur, blessuð börnin
mín, til þess með ykkur að ná þeim þroska í öllu
góðu, er minn margfaldi breiskleikur meinar mér hór að ná.
Far héðan í friði drottins!
lirkjugjald eftir Gfnum og ástæðum.
Ekki leizt þinginu það fært að láta alt kirkjugjaldið verða
persónulegt, þar sem gjaldið vegna byggingarskuldar yrði nijog
hátt. Fyrst var þá tekið upp gamla lagið að láta helming
*) Bergmál frá minningavstefi Hallfreðar um Ólaf' Tryggvason:
Fyrr mun heimur og himnar bresta í tvau (tvent), áður en gœðingur
muni feeðast, glíkur (^líkur) liugreifum (glöðum) Óleifi (Ólati) að góðu,