Nýtt kirkjublað - 01.08.1914, Page 1

NÝTT KIRKJUBLAÐ
HÁLFSMÁNAÐARRIT
FYEIR KRISTINDÓM OG KRISTILEGA MENNING
1914
Reykjavik, 1. ágúst
15. blað
fjuðshugmgnd jjesú.
Synóduserindi síra Sigurðar P. Sívertsen.
Umræðuefni mitt er guðshugmynd Jesú og gæti eg hugs-
að mér, að sumum ]>ætti það óþarft efni til umtals á presta-
stefnu vorri, þar eð þar geti ekki verið um ólíkar skoðanir að
ræða, og prestar vorir þekki of vel kenningu Jesú um guð-
dóminn til þess að það efni þurfi að taka fram til nýrrar yfir-
vegunar.
En ef vér förum til reynslunnar, munum vér fljótt sann-
færast um, að hér sé um efni að ræða, er ekki sé óþarft að
rannsaka sem ítarlegast. Því reynslan sýnir, að kristnir menn
á ýmsum tímum hafa gjört sér allólíkar hugmyndir um guð-
dóminn, og reynslan kennir oss einnig að þetta sama eigi sér
enn stað á vorum dögum.
Slíkt hefir aftur á móti hinar víðtækustu afleiðingar fyrir
guðssamfélag kristinna manna, fyrir kristilega kenningu og
kristilegt siðgæðislíf. Því á guðshugmyndinni byggjum vér í
rauninni allar trúar og siðgæðisskoðanir vorar. Guðshugmynd
vor hlýtur eðlilega að móta trúarlíf vort og trúarskoðanir út
i ystu æsar og hafa víðtæk áhrif á siðgæðishugmyndir vorar.
En ólík guðshugmynd kristinna manna bendir til annars
af tvennu: Annaðhvort til þess, að allir byggi ekki guðshug-
mynd sína á kenningu Jesú einni, eða til hins, að allir skilji
ekki kenningu Jesú þessu viðvíkjandi á sama hátt.
Hvorttveggja hefir átt sér stað og hvorttveggja getur enn
átt sér stað. Kristnir menn hafa þráfaldlega blandað gyðing-
legum skoðunum inn í guðshugmynd sína, af því að þeir
hafa ekki lagt aðaláhersluna á kenningu Jesú sjálfs um guð-