Nýtt kirkjublað - 01.08.1914, Síða 11

NÝTT KIRKJUBLAÐ
179
legu merkingu, er eðlilegt, að þær tali um að verða synir
guðs eða börn. Því aðeins hinir trúuðu eru synir guðs í
dýpri og fylstu merkingu þess orðs. Aðrir hafa brotið af sér
sonerni sitt, þótt þeir eigi réttinn og möguleikann til að verða
það, sem þeir eiga að vera.
Með öðrum orðurn: Þótt Jesús kenni oss um algöríeika
kærleika guðs, nefnir hann ekki sonerni mannanna þann skyld-
leika við eðli guðs, sem öllum er gefinn í manneðlinu, heldur
notar hann heitið til þess að tákna hina nánari afstöðu, sem
maðurinn kemst í við guð fyrir trú og hlýðni.
Þessi aðgreining liggur til grundvallar bæði fyrir málvenju
samstofna gúðspjallanna og 4?? guðspjallsins.
Sannur sonur guðs verður maðurinn ekki fyr en hann er
farinn að Iifa sem guðs barn, ekki fyr en kærleikseðli föðurs-
ins himneska hefir náð tökum á eðli hans og er farið að
móta einkunn hans.
Faðerni guðs og guðssonerni manna sameinast í því, að
bæði heitin eiga við siðferðilega einkunn: Faðerni guðs tákn-
andi það, að guð er fullkomlega góður; guðssonernið það, að
maðurinn sé guði líkur. Hvorttveggja lýsir því, sem samsvar-
ar hugsjón þeirri, er felst hak við orðin. Bæði heitin eru
því hugsjónarlega samsvarandi, og þessi hugsjónarlega sam-
svörun er grundvöllur verulegrar samsvörunar, sem kemst í
framkvæmd að sama skapi, sem maðurinn fullægir sannri
ákvörðun sinni.
Tvö orð, sem auk föðurnafnsins eru notuð í heimildum
vorum til þess að tákna siðferðilegt eðli guðs, verður hér líka
að minnast á, og benda þau bæði til sömu skoðunar á eðli
guðs og hér að undan hefir verið haldið fram.
Það er talað um guð sem fullkominn (Matt. 5, 48).
Það er verið að tala um elskuna, sem engin takmörk megi
setja sér, og af því samhengi má sjá, að það er fullkomnun
í kærleika, sem héi er átt við. Guð er fullkominn í kærleik-
anum, því hann lætur kærleiksgjafir sínar öllum í té án mann-
greinarálits. En mennirnir eru ekki fullkomnir á þennan hátt.
Jafnvel hinum beztu þeirra hættir við, að sýna þeim einum
kærlejkshót, sem kærleika sýna á mó(i. Allur jarðneskur