Vikan - 11.05.1967, Page 6

VOLVO
hefur verið valinn sem bíll ársins af „Spiegel" í Hollandi og
„Teknikens Varld“ í Svíþjóð fyrir að vera öruggur, sterk-
byggður og nýtizkulegur í útliti.
- NÝTT ÚTLIT - AUKIN ÞÆGINDI -
- MEIRA ÖRYGGI -
1. Tvöfalt hemlakerfi.
2. Stýrisstöng með sérstöku
öryggi, þannig að hun fer í
sundur við harðan árekst-
ur.
3. Fullkomið hita- og loft-
rsestikerfi. Hitablástur
hreinsar einnig afturrúður.
4. Hurðir opnast 80*.
5. 9,25 m snúnings þvermál.
6. Sérlega þægileg sæti.
Framstólar með mörgum
stillingum.
'VOLVO'
6 VIKAN 19- tbl-
15 ÁRA í ÁSTARRAUNUM.
Kæri Póstur!
Ég hef haft það í huga að
skrifa þér eins og margir aðrir
um vandamál, sem ég á við að
stríða. Ég vona að þú gefir mér
gott svar. Það vill svo til, að ég
er hrifin af strák sem er 17 ára,
en ég er bara 15 ára gömul. Ég
var með honum fyrir stuttu síð-
an. En allt í einu byrjaði hann
að vera með annarri stelpu, án
þess að senda mér uppsögn. Ég
var með honum kvöldið áður en
hann byrjaði með þessari stelpu.
En hann hefur oft talað við mig
og við höfum verið ágætir vinir
síðan o.s.frv.
Ég hef verið að reyna við hann
núna undanfarið, en það virðist
ekki ætla að ganga neitt.
Kæri Póstur! Hver heldurðu
að orsökin til þess, að við hætt-
um að vera saman? Og finnst
þér ég ætti að halda áfram að
reyna við hann eða á ég að láta
hann alveg vera?
Ein í vandræðum.
PJS. Hvernig er skriftin og
stafsetningin?
Ef hann er hættur að sýna þér
minnsta snefil af áhuga, þá er
ekki annað að gera en láta hann
sigla sinn sjó og fara að svipast
um eftir einhverjum öðrum —
vonandi bæði miklu fallegri og
tryggari. Það er að vísu venjan
að segja mönnum upp vinnu og
slíku bréflega og meira að segja
moð löglegum fyrirvara, en í
ástamálum er það engin algild
regla, að því er við bezt vitum.
Það er því ekki við því að búast,
að þú hafir fengið skriflega upp-
sögn frá honum. Og þar sem þú
ert nú ekki nema 15 ára gömul
enn þá, þá skaltu bara vera kát
og glöð. Næsta ævintýrið þitt
verður áreiðanlega miklu meira
spennandi en þetta.
EIN RAFMÖGNUÐ.
Kæri Póstur!
Mig langar að biðja þig að
segja mér hvað ég á að gera?
Svö er mál með vexti, að ég er
svo rafmögnuð, að ég er að verða
vitlaus. Þegar hárið á mér er
hreint og ég greiði úr því, límist
það allt framan í mig og einnig
peysur, þegar ég fer úr þeim og
í. Þetta er alveg óþolandi. Gefðu
mér nú gott ráð!
Það hafa margir spurt þig um
hvernig hætt sé að ná gulu af
fingrunum á sér eftir reykingar.
Ég veit um eitt gott ráð: Það er
að nudda guluna með sítrónu-
berki. Ætlið þið ekki að birta
neinar myndir af Kristínu
Waage?
Ég óska ykkur svo alls góðs í
framtíðinni, Vika mín og Póstur
minn.
Ein rafmögnuð.
P.S. Hvernig finnst þér skrift-
in? Hvað heldur þú, að ég sé
gömul og í hvers konar námi
eftir stafsetningunni og skriftinni
að dæma?
Við kunnum ekkert ráð við
svona ægilegri rafmögnun, nema
að reyna að bleyta hárið eða
bera í það einhverja feiti. Og
hvað ullarpeysurnar snertir, þá
verðurðu að hætta að ganga í
þeim. Skriftin þín er sérstaklega
falleg og stafsetningin lýtalaus.
Við gizkum á að þú sért 17 ára
og stundir nám í kvennaskóla.
Skrifaðu okkur aftur og segðu
okkur hvort við fórum nærri því.
Myndir af Kristínu Waage eru í
þessu blaði.
VEGIÐ ÚR LAUNSÁTRI . . .
Ég gat ekki á mér setið, þeg-
ar ég sá 15. tölublað Vikunnar
nú síðast og sá þar grein, sem
einhver „Spurull" hefur letrað,
að setjast niður og helsa rétt að-
eins upp á þann kóna.
„Spurull" byrjar mjög gáfu-
lega á því að lýsa landfræðilega
stöðu Breiðdalsvíkur og vitnar
síðan í tvær greinar, sem koma
áttu frá þeim stað síðastliðið
sumar. Ég get þó frætt þennan
„Spurul“ á því, að greinar þær
sem um er að ræða, voru alls
ekki stílaðar frá neinum ákveðn-
um stað á Austurlandi. Hitt er
annað mál, að þær virðast hafa
komið við kaunin á einhverjum
og það ekki lítið, því að þeir sem
þar um ræðir vissu hvaðan á
sig stóð veðrið, réttara sagt vissu
upp á sig skömmina. Sannleik-
anum er hver sárreiðastur, eins
og þar stendur.
Nú virðist þessi „Spurull" vera
á einhvern hátt tengdur marg-
umtöluðum yfirmönnum á skip-
um Skipaútgerðar ríkisins, tengd-
ur þeim með leyniþræði, því að
mjög fer hann laumulega, þeg-