Vikan - 27.10.1977, Síða 21

ekki líkaö, hefurðu móðgað hann á
einhvern hátt?”
Sara sat og hugsaði. „Nei, Alec.
Ég held ég hafi aldrei gert meira en
að vera í návist hans á daginn.”
Hún brosti. „Kannski er það
einmitt það gagnstæða. Kannski
hann finni til sektar yfir að hafa
stungið á sig gróðanum af eplunum
okkar fyrsta árið. Hann á kannski
bágt með að þola að hafa mig alltaf
fyrir augunum sem áminningu um
misgjörðir sínar.”
Þau fóru bæði að hlæja. Hugsun-
in um herra Turner niðurbrotinn af
samviskubiti, sér í lagi í sambandi
við viðskipti, sem hann græddi
peninga á, var ákaflega skemmti-
leg.
„En þú ert alveg viss um að þú
getir ekki í myndað þér nokkurn
annan, sem gæti viljað þér ill?”
Sara hristi höfuðið og Alec rauk
upp eins og hann hefði beðið eftir
merki.
Sara settist upp í flýti. „Hvað
ætlarðu að gera?”
„Hringja i lögregluna.”
„Nei, ekki gera það, Alec.Bíðum
með það þar til á morgun.”
Alec hikaði. „Það verður erfitt í
fyrramálið. Ég verð að fara á fund.”
Sara fann fyrir smávægilegri
reiði, en kyngdi henni. „Jæja, við
skulum þá biða þar til þú kemur
heim úr vinnunni á morgun.”
Hún vildi ekki fara ein . Þetta
var svo ævintýralegt að lögreglan
héldi kannski að hún væri ein
þessara móðursjúku kvenna, sem
voru að reyna að vekja á sér
athygli. Nærvera Alecs myndi gera
sögu hennar trúanlega.
„Ég held við ættum ekki að
draga það svo lengi.”
„En, Alec, ég held hann ætli sér
ekki að meiða mig líkamlega. Hann
hefði þá ekki látið tækifærið ganga
sér úr greipum i dag. Ég held í
hreinskilni sagt að einn dagur í
viðbót hafi ekki svo mikið að
segja.” Hún missti jafnvægið af
áreynslunni við að reyna að
sannfæra hann, og hann rétti út
hendina til að styðja hana.
„Þú virðist uppgefin. Allt í lagi
þá. Við förum strax og ég kem heim
frá vinnunni. Farðu nú i rúmið, ég
skal færa þér heitt að drekka.”
Hún lét til leiðast. I augnablikinu
var allt í lagi. Henni hafði verið
veittur frestur.
„Krepptu hægri hnefann og
dragðu saman vöðva hægri hand-
leggsins..." Það var daginn eftir.
Á meðan rödd ljósmóðurinnar gaf
henni fyrirmæli reyndi Sara að
einbeita sér til fullnustu. Allt í
kringum hana lágu konur í sömu
stöðu og hún.
Framhald í næsta blaði.
- vel þegin gjöf.
GEFJUN AKUREYRI
J-TEPPI. Stæró; 1,40X2.00 cm.
Tviofin. Um 20 mynsturgeróir
að velja.
GS-TEPPI Einofin, kögruö.
Stæró, 1 40 x 1.70 cm fyrir utan
kögur 20 mynsturgerðir
Útilegan misheppnast aldrei, ef
væröarvoöin frá Gefjun er viö hendina
þegar veöriö þregst. Rigning, næturkuldi
og rysjótt veöur skipta nær engu máli
þann, sem er umvafinn hlýju og nýtur
þægilegrar snertingar islensku ullarinnar
mjúku í Gefjunar væröarvoóinni.
Hentug til að breióa yfir bílsætið, tryggir
Ijúfan hádegisblund og er til flestra hluta
nytsamleg. •w ▼ -v.«
VærÖíU-v’ooin
fráGefjun
43. TBL. VIKAN 21