Vikan - 27.10.1977, Blaðsíða 47

Ronald Biggs kennir Mike Fernand syni sínum ensku með aðstoð segulbands.
Scotland Yard yfir höfði sér. Og
ekki varð það til að létta geð varða
laga og réttar í Bretlandi, er
aðmírállinn á freigátunni, Martin
Wemyss, lýsti þvi yfir, að hefði
einhver undirmanna hans ætlað
að taka Biggs fastan, hefði hann
þegar í stað látið sleppa honum.
,,Ég er ekki lögreglumaður að
atvinnu, og það er ekki í mínu
verksviði að handtaka menn þvert
gegn þeim lögum, sem ríkja í
Brasilíu," sagði aðmírállinn, og
þar með var því máli lokið.
Biggs er þegar orðinn þjóð-
sagnapersóna. Hann var smiður
að atvinnu, mikið kvennagull,
hljópst á brott með dóttur
púritansks kennara, tók þátt í
lestarráninu mikla og slapp þrisvar
úr klóm Scotland Yard. Nú lifir
hann í vellystingum I Ríó — en
hver endir sögu hans á eftir að
verða leiðir tíminn i Ijós.
43. TBL. VIKAN 47
,,Sonur minn skal ekki verða
afbrotamaður," segir Biggs, þar
sem hann heldur á Mike litla fyrir
framan Kristsstyttuna frægu í Rió.
Fáir feður eiga sonum sínum jafn
mikið að gjalda og Ronald Biggs,
einn frægasti afbrotamaður
aldarinnar, sem rændi forðum
póstlestina hjá Glasgow í Skotlandi.
Þótt Mike Fernand, sonur Ronalds,
sé ekki nema þriggja ára, hefur hann
tryggt föður sínum frelsi, svo lengi
sem hann heldur sig innan
landamæra Brasilíu.