Vikan - 26.01.1978, Blaðsíða 6

KAUPIÐ ER LÁGT
Launakjör eru mjög bágborin á
Gran Canaria, og sem dæmi má
nefna, að matsveinn, sem vinnur
12 stunda vaktir 6 daga vikunnar,
hefur um 47.000 íslenskar krónur í
laun á mánuði. Eflaust þætti
matsveinum hér heima slík laun
ekki sérstaklega há! Að vísu er
ódýrara að lifa þar, t.d. eru
matvörur ódýrari á Gran Canaria
en hér, en þó ekki svo að miklu
muni.
íbúar á Gran Canaría eru í
kringum 600.000, og aðaltekjulind
íbúanna er ferðamannaiðnaður-
inn. Það fólk, sem við kynntumst
þarna, kom flest frá sveitabæjum,
þar sem það hafði alist upp við
fátækt, og aflar sér tekna með því
að starfa á P.d.l. Margir þeirra
senda hluta launa sinna heim f
foreldrahúsin og hjálpa þannig
fjölskyldum sínum.
„LASPALMAS"
í HÖFUÐBORGINNI Las Palm-
as, eru mörg söfn, sem gaman er
að skoða. „Pueblo Canario"
Það voru ekki aðeins spánskir og breskir listamenn, sem skemmtu á Gran
Canaria: Hér er Ómar Valdimarsson blaðamaður að sýna á tískusýningu í
fínu pelsafyrirtæki íLas Palmas, og pelsinn, sem hann sýndi, kostaði
aðeins 300. OOO krónur, en einhverra hluta vegna keypti Ómar sér hann
ekki! — Ómar var valinn úr hópi gesta, til að sýna þennan pe/s —
senni/ega sökum g/æsi/eika hans (þ.e. Ómarsl).
(Kanaríska þorpið) hefur að
geyma verk hins kunna Néstor de
la Torre, fallegar hannyrðir, unnar
af kanarísku kvenfólki, auk ýmissa
annarra fallegra muna. i Kanaríska
safninu (Museo Canario) er hægt
að sjá marga forna gripi, og er
fólki, sem hefur áhuga á að
kynnast hinum fornu lifnaðarhátt-
um og listum Kanaríeyjabúa,
ráðlagt að skoða þetta safn. Þar
eru einnig geymdar múmíur frá
fyrri öldum. í Las Palmas er einnig
safn, sem ber nafnið Hús Kölum-
busar, en Kristófer Kólumbus kom
við á Gran Canaria á leið sinni til
Vestur Indía árið 1492. Mikið er af
fallegum skemmtigörðum í Las
Palmas, og einnig eru þar margar
fallegar kirkjur, sem gaman er áð
sjá.
FERÐALAG Í FJÖLLUNUM
Samvinnuferðir hafa skipulagt
skipulagðarferðir upp ífjöllin, og að
sjálfsögðu er fararstjóri með í
ferðinni, sem lýsir öllu því, sem
fyrir augu ber. Þar sem við
höfðum fengið heldur hrikalegar
lýsingar á fjallvegum á Gran
Canaria, var afráðið að fara ekki á
eigin vegum upp í fjöllin, heldur
treysta rútubílstjóranum fyrir lífi
okkar, hann var jú vanur þessum
vegum. Við komum fyrst við í
þorpinu Ingenio, þar sem við
skoðuðum skemmtilegt þjóð-
minjasafn, sem hafði að geyma
marga forvitnilega muni. Næst lá
leiðokkartil Caldera de Bandama,
sem er gamalt eldfjall. Þaðan er
stórfenglegt — en vægast sagt
hrikalegt — útsýni ofan í eldgíg-
inn, sem er um 200 metra djúpur,
en þar er stundaður búskapur og
óneitanlega var furðulegt að sjá
sveitabýli þarna niðri á botninum!
Á barmi eldgígsins er 5 kílómetra
langur golfvöllur, sem er mikið
sóttur, jafnt af eyjarbúum sem
ferðamönnum. Frá brún eldfjalls-
ins sést vel niður til Las Palmas,
og þar sést einnig greinilega,
hversu þéttbýlt er þarna uppi í
fjöllunum. Frá Caldera de Band-
ama lá leið okkartil Tejeda, sem er
í 1.470 metra hæð yfir sjávarmáli.
Þar er hægt að sjá yfir til eyjunnar
Tenerife, þegar skyggni er gott —
en að sjálfsögðu var það ekki
þannig einmitt þennan dag! Við
fórum ekki inn í sjálft þorpið,
heldur höfðum viðkomu á sér-
stökum útsýnisstað, sem eyjar-
skeggjar hafa komið upp fyrir
ferðamenn. Þar var á boðstólum
ýmis konar varningur, sem freist-
aði ferðamanna, og að sjálfsögðu
voru þar gamlir, góðlegir karlar
með asnana sína, ef einhvern
skyldi langa á bak. Síðasti
viðkomustaður okkar í fjallaferð-
inni var þorpið Teror, sem er mjög
fallegt, lítið þorp. Þar er hið fræga
! Maríulíkneski, sem margir hafa
óbilandi trú á. Líkneskið stendur á
50-60 kg þungum silfurstalli, og er
styttan sjálf alsett demöntum,
gulli og fleiri verðmætum, sem
hafa borist að víðs vegar úr
heiminum. Algengt er, að fólk
krjúpi fyrirframan altari kirkjunnar,
beini augum sínum upp að
líkneskinu og biðji Maríu
hjálpar og lofi í staðinn að gera e-ð
fyrir hana. Meðan við dvöldum í
kirkjunni, urðum við einmitt vitni
að einum slíkum atburði, er kona
skreið á hnjánum inn eftir öllu
kirkjugólfinu og muldraði þakkar-
gjörð fyrir munni sér. Ekki fékkst
leyfi til að mynda líkneskið, nema
neðan úr kirkjunni, en þegar komið
var upp í herbergið, þar sem líkn-
eskið er, varð ekki hjá því komist, að
maður fengi ofbirtu í augun af
öllum skartgripunum og gullklæð-
unum. Þessi fjallaferð var sérstak-
lega skemmtileg, og mín skoðun
ersú, að þeir, sem ekki hafa notið
fjallasýnar á Gran Canaria, geti alls
6 VIKAN 4. TBL.