Vikan - 15.06.1978, Blaðsíða 13

Leikhús
um borö í báti
í vetur var ég fastráðin við barnaleikhús,
sem heitir Bádteater, en nafnið kemur til af
því, að leikhúsið er í rauninni gamall bátur.
Þessi bátur er innréttaður sem leikhús og
rúmar yfir 100 börn á sýningu. Bádteater
nýtur styrkjar frá ríkinu, og á sumrin er
siglt á milli hafnarbæja í tvo mánuði, maí
og júní. í fyrrasumnar tókum við upp þá
nýbreytni að hafa sérstakar kvöldvökur um
borð, þar sem allir gátu troðið upp og lagt
sitt að mörkum. Þessar kvöldvökur urðu
fljótt vinsælar, svo við héldum áfram að
halda þær, eftir að við komum aftur til
Hafnar úr siglingunni. Þar var þó minni
áhugi fyrir slíku og frekast hægt að fá ung
skáld til þess að lesa upp eigin ljóð.
Við vorum fjögur fastráðin i leikhúsinu
og höfðum þann háttinn á að velja okkur
eitthvert efni, sem við fengum síðan rithöf-
und til þess að skrifa um og leikstjóra til
þess að stjórna. Það eru mörg barnaleikhús
í Danmörku rekin á svipuðum grundvelli,
og þau hafa hreinlega ekki efni á því að
vera stærri í sniðum. Á síðasta ári fengu
Efri myndin er úr leikritinu „Hallo From
Bertha" eftir T. Williams. Fremst á mynd-
inni er Kristín, en að baki hennar Avi
Sagild og Birgrtte Bruun.
barnaleikhúsin 252 milljónir króna í styrk
frá rikinu, en til hinna leikhúsanna runnu 9
milljarðar króna.
— Líkaði þér annars vel að búa í Dan-
mörku?
— Já, alveg Ijómandi vel, og inn á milli
fannst mér ég eiga heima þar. Samt hefur
mig alltaf dreymt um að geta notað mitt
eigið mál við starf mitt.
— Gætirðu þá hugsað þér að búa í Dan-
mörku, án þess að hafa þar fasta vinnu?
— Það væri sennilega mun auðveldara
en hér, því ég þyrfti ekki að vinna fyrir mér
með því að skúra gólf. Félagar í leikarafé-
laginu eru tryggðir af ríkinu, þannig að
þeir eiga rétt á atvinnuleysisstyrk, ef engin
vinnafæst.
í fyrra var stofnað í Danmörku svonefnt
„Forfatter studio”, sem er eiginlega æfinga-
stöð fyrir leikritahöfunda. Svona stúdíóum
hefur verið komið upp á hinum Norður-
löndunum, og leikarar vinna þar oftast í
sjálfboðavinnu. Ég tók þátt í fyrstu leiksýn-
ingu danska stúdíósins, en upplestrarform
er yfirleitt algengara í svona æfingastöðv-
um.
— Hvað er svo framundan hjá þér?
— Ég get nú lítið sagt um það. Ég læt
mér nægja að lifa fyrir líðandi stund og geri
ekki áætlanir langt fram í tímann. Ég er hér
heima núna til þess að læra að leika á mínu
móðurmáli, en annars er ég ennþá á þessu
leitandi stigi, og mig langar til þess að reyna
sem flest. Maður lærir á öllu, sem maður
reynir, og ef fólk fær ekki tækifæri til þess
að reyna, þá kemst það ekkert áfram.
A.Á.S.
Á neðri myndinni er leikhópurinn, sem setti
upp einþáttungana eftir T. Williams. Frá
vinstri: Kristin, Níels, Eva, Avi, Birgrtte og
leikstjórinn Jan Maagaard.
24. TBL.VIKAN 13