Vikan - 14.01.1982, Blaðsíða 19

1 <Í til að klæða sig í sokk, en það getur verið
Iðjuþjálfun
Iðjuþjálfi útbýr spelkur fyrir sjúkling.
löng handföng á krana til að beita þurfi
minna afli, sérstök skæri og hnifar með
stóru gripi, greiður með löngu skafti og
þannig mætti lengi telja.
Iðjuþjálfar fara og heim á heimili
sjúklinga og gera úttekt á heimilis-
aðstæðum ef með þarf. Þeir gera tillögur
um nauðsynlegar breytingar til að
sjúklingur geti þrifist og athafnað sig
sem best. Þarf þá oft að breyta inn-
réttingum i eldhúsi og á baðherbergi,
fjarlægja þröskulda og fleira.
Hjálpartækin eru keypt frá hjálpar-
tækjabankanum i Reykjavík. Þau eru
aðallega flutt inn frá Svíþjóð, Vestur-
Þýskalandi og Bandarikjunum. Sumt er
fyrirliggjandi en annað þarf að panta og
getur biðin þá stundum orðið löng.
Hjálpartæki eru dýr og kemur hvorl
tveggja til að innkaupsverðið er hátt og
síðan bætast við tollar og aðflutnings-
gjöld. Sum tæki eru að visu tollfrjáls en
á önnur er lagður hár tollur eins og um
lúxusvarning væri að ræða. Trygginga-
stofnun ríkisins greiðir um 50-70 %
kostnaðar en sjúklingurinn sjálfur
afganginn.
Iðjuþjálfun er nauðsynlegur liður í
endurhæfingu og eftirmeðferð sem
þjónar þeim tilgangi að gera einstaklinga
sem þjást af líkamlegum og andlegum
sjúkdómum hæfari til þálttöku i sam-
félaginu. Skilningur á mikilvægi
þessarar greinar er slöðugt að aukast og
sífellt fleiri eygja nú von um að geta
lifað og starfað þrátt fyrir töllun og
sjúkdóma.
k3
Beita þarf minna afli til að fá vatn úr krana ef
langt handfang er á honum.
Málað til að æfa handahreyfingar.
2. tbl. Vikan 19