Vikan - 14.01.1982, Blaðsíða 51

Draumar
Tvær sídbúnar
rádningar um ljón
og hreindýr
Kæri draumráðandi.
Mig dreymdi þennan
sérkennilega draum og bið þig
að ráða úr honum fyrir mig.
Ég var (að ég held) heima
hjá mér. Þar voru í einu her-
berginu þrjú Ijón, tvö án
kamps eða kórónu og var
annað mjög magurt. Systir
mín var með þetta sem heima-
verkefni úr skólanum og átti
hún að teikna Ijónin. Þau voru
alls ekki grimmdarleg, frekar
góðleg á svip, en samt var ég
hálfhrædd við þau. Ég sagði
eitthvað á þessa leið: „Ohoo,
hvað ég er hrædd. ” Þá labbaði
magrara Ijónið að mér og fór
að þefa af mér. Éyrst hélt ég
að ég myndi sturlast af hræðslu
en þegar ég sá hve<
vingjarnlegt það var róaðist ég.
Mér skildist að systir mín hefði
verið að koma með þau inn.
Ég var í leikfimi eða í
einhverju í sambandi við það
að verða módel (þetta var hálf-
gert próf). Þrjár vinkonur
mínar og fleiri stelpur voru
líka. Við vorum að lyfta okkur
og gera alls konar teygjur. En
lánið lék sko alls ekki við mig.
Ég fékk stórt sár eða skurð á
utanvert hægra læri, svo fékk
ég sár og verki um fœturna,
svo til um þá alla en þó var
minnst á leggjunum. Jæja, en
svo fórum við í lítið herbergi
og létum einhvers konar staura
svo að þeir mynduðu rétt-
hyrning. Við byrjuðum að
hlaupa í hringi I kringum þá
alla. Gerðum við það og tókst
mér mjög vel, var til dæmis á
undan öllum. Smátt og smátt
fóru stelpurnar að tínast út og
þegar ég var búin að hlaupa og
kom fram fékk ég að vita að
þetta hefði verið æfing en ekki
fylgt fyrrnefndu prófi.
Annað bréf barst frá sama
aðila. __
Draumurinn í því bréfi er
svohljóðandi:
Ég var I bíl og ókum við
Suðurlandsbrautina. Mér virtist
skógur vera þeim megin sem
Laugardalshöllin er ekki (eða
að hluta og voru trén fremur
hávaxin). Allt í einu kom
hreindýr á veginn og var eins
og það væri sært. Það gekk
hægty og var niðurlútt. Ég
sagði: „En gaman, ég hef aldrei
séð hreindýr áður. ” Um þetta
leyti breyttist vegurinn í
moldarveg og var mjög mikið
ryk frá bílunum. Allir virtust
vera að flýta sér. Vel á minnst,
þá var vegurinn með 3-4
akreinum bæði til og frá
bænum. Allt I einu byrjaði sá
sem var að keyra bílinn að
keyra rosahratt og vorum við
búin að keyra fram hjá
mörgum hreindýrum og virtist
mér þau vera á móti okkur og
vera að ráðast á okkur. Jæja,
við komumst brátt heim og
mig minnir að vinkona mín
hafi þá verið með. Ég leit út
um gluggann og sá þá her á
æfingu I rauðum búningum og
svo hreindýr. Svo komu
mamma, pabbi og Brésnef
forseti Sovétríkjanna og þau
kynntu mig fyrir honum. Hann
var að segja að hann ætlaði að
bægja burt hreindýrunum eða
hann hefði komið með þau til
að hreinsa eitthvað til! En alla
vega leist mér ekkert á að hann
vœri þarna eða hérna. Þessir
hermenn í rauðu búningunum
voru hermenn hans.
Takk fyrir ráðninguna, það
er að segja ef hún verður
einhver. Ein sem dreymir oft.
Ráðningin á þessum draumum
hefur verið óvenju lengi á
leiðinni en þrátt fyrir það vildi
draumráðandi ekki sleppa þeim
þegar hann var að grisja i
möppunni sinni (því miður er
ekki hægt að ráða alla drauma
sem berast þó þeir séu merktir
fullu nafni, sem er algjört
skilyrði). En þar sem draum-
ráðandi er hjátrúarfullur —
annars væri hann ekki að ráða
drauma — þá fannst honum að
einmitt nú væri rétti tíminn til
að ráða báða draumana í einu,
þó annar sé að minnsta kosti
orðinn liðlega ársgamall.
Draumar eldast nefnilega mis-
jafnlega og þessir þola betur bið
en margir aðrir. Svo er að sjá að
draumarnir tákni nokkuð langt
tímabil i lífi þínu og allsviptinga-
samt. Ljónin eru sérlega góð
tákn, svo og hreindýrin (sem
tákna hagnað og góða efnahags-
lega afkomu). Þú virðist vera
gjörn á að ráðast í stórræði og
taka áhættu og áreiðanlega áttu
eftir að verða fyrir einhverjum
áföllum í ástum, sem verða þér
til góðs þegar fram í sækir, því
þú brynjar þig hörku og dugnaði
og lætur ekki víl og vol ná
tökum á þér. Ef þú ert ákveðin i
því hvað þig langar að gera eru
miklar líkur á að þér takist að ná
settu marki og þá með hjálp
góðra manna, ef til vill fólks sem
hefur yfir þér að segja að ein-
hverju leyti. Þú mátt búa þig
undir stórfel’dar breytingar á
högum þínum (og af því hve
ráðningin er seint á ferðinni
getur verið að þeirra sé farið að
gæta nú þegar) og að nokkru
leyti verða þessar breytingar af
ástæðum sem þú ert ekki ánægð
með. Draumráðandi freistast til
að spá því að þú munir ná langt
á einhverju sviði í framtíðinni og
að hamingja í tilfinningamálum
sé mjög tengd þessum frama og
þú munir í rauninni ekki verða
sátt við sjálfa þig fyrr en þú
hefur gengið í gegnum ákveðið
þróunarskeið sem þú hefur
áhuga á sjálf. í draumunum eru
tákn um hamingju í persónu-
legum málum (líklega ástar-
málum) en svo virðist sem þú
sért ekki (eða verðir) við eina
fjölina felld í þeim málum á
ákveðnu tímaskeiði en snúist
síðan hugur og leitir meiri friðar.
Nú veit draumráðandi ekki
hvorn drauminn þig dreymdi á
undan, þvi aðeins annar
draumurinn var dagsettur, en
því má bæta við að sá draumur
sem þig dreymdi fyrr er þér mjög
hagstæður (ef frá er talið smá-
áfall í ástamálum) en sá seimmi
snýst um baráttu, erfiðleika og
óvæntan gang mála og reyndar
sigur í erfiðleikum. Þú veist hins
vegar sjálf í hvaða röð þig
dreymdi draumana. Ýmislegt er
þeim þó sameiginlegt og eru þeir
þess vegna hér teknir saman.
Vonandi að þú sjáir þetta
síðbúna svar við draumunum og
haltu áfram að skrifa fyrst þig
dreymir svona mikið. Þú verður
varla eins óheppin aftur, að fá
svör svona seint.
Bónorð og hringur
Kæri draumráðandi!
Viltu ráða þennan draum fyrir
mig. Hann er svona:
Mér fannst ég vera að heim-
sækja fólk sem ég var hjá I
fyrrasumar. Ég var bara að tala
við þau þegar bílflaut heyrðist
úti og mérfannst ég þurfa út.
Þá sá ég strák sem ég hef verið
hrifin af undanfarið og hann
bað mig að giftast sér. Eg sagði
já og hann lét mig hafa ósköp
venjulegan hring með annað-
hvort rauðum eða bláum steini
I. Mér fannst hringurinn lítill
og var alltaf eitthvað að þukla
hann. Svo allt í einu fannst
mér ég sitja í bíl og X sat í
framsætinu farþegamegin en
einhver annar í bílstjórasætinu.
Ég var aftur í. Ég held að það
hafi verið mamma sem sat í bíl-
stjórasætinu oghún spurðiX
hverri hann ætlaði að giftast.
Þá klappaði X á hnéð á mér
og sagði: HENNI. Þá var
draumurinn búinn en mér
fannst hringurinn skipta miklu
máli. Með fyrirfram þökk, 13 ára.
Draumurinn er þér fyrir
vandasömu verkefni sem þér er
hreint ekki ljúft að takast á við
og þér finnst þrengja að þér á
allan hátt, það er minnka mögu-
leika þína til að gera það sem þér
er hugstæðara. Engu að síður
muntu valda verkinu með prýði
og jafnvel hljóta einhverja
upphefð og ábata af. Allt bendir
til að eftir að þú stenst þessa
raun munir þú fá meiri tima
fyrir sjálfa þig og það sem þig
mest langar að gera og sannast
sagna eru horfurnar í ástar-
málum framtíðarinnar býsna
góðar. En hvort það verður
þessi strákur eða einhver annar,
sem þá verður efstur á blaði, veit
draumráðandi ekkert um.
2. tbl. Vikan 51