Vikan - 16.05.1985, Side 4

Texti: Sigurður Hreiðar Myndir: Ragnar Th.
. . Fæðingardeildin verður langfallegust. Hún verður flott, maðurl Þar
verður allt gert til þess að sængurkonurnar hafi það sem best. Til dæmis,
bara til þess að sængurkonurnar sakni ekki húsbænda sinna eins mikið
verður voðalega fallegt lim-gerði fyrir utan gluggana hjá þeim, svo þær fái
síður grind-verk. .."
í SJALLANUM
I fyrra var upp hafin í Brodway í Reykjavík
skemmtun sem kölluð var Ómar í aldarfjórðung.
Upphaflega áttu þetta aðeins að verða nokkur skipti,
þar sem háðfuglinn og skemmtikrafturinn Ómar
Ragnarsson rifjaði upp nokkrar góðar lummur af 25 ára
ferli sínum sem helsti hláturvaki þjóðarinnar, en svo er
að sjá sem nokkur forspá hafi falist í þessum titli því
einmitt þetta prógramm Ómars hefur nú gengið rúmt ár
inn á næsta aldarfjórðung.
Ómar lét ekki þar við sitja að skemmta breiðsvæðis-
búum suðvesturhornsins og gestum þeirra heldur hefur
hann troðfyllt Sjallann á Akureyri viku eftir viku frá því
síðastliðið haust svo það var mál til komið að Vikan
bergði á brunni hans þegar hann kom þar fram í 15.
sinn. Þar er skemmst frá að segja að þessi síungi fjör-
fiskur og tiltölulega nýbakaður afi fór á rígakostum í
fast að þrjá og hálfan klukkutima. Ekki nóg með að
hann léti hvern brandarann fjúka eftir annan, svo menn
höfðu ekki við að hlæja, heldur fór hann í loft- og rassa-
köstum líka langtímum saman án þess að fatast texta-
framburðurinn eða vart yrði við að hann blési úr nös.
Látum hér við sitja lofrolluna og myndirnar tala — og
þeim til styrkingar stelum við stöku brandara úr búri
Ómars — þar sér ekki högg á vatni.
4 Vikan 20. tbl.