Vikan - 26.06.1986, Qupperneq 61

sumar verða daglega sýndar goskvikmyndirnar
heimsfrægu. Fjallgöngur, fuglaskoðun, sundferð
eða bara rölt um bæinn Vestmannaeyjar eru
óendanlegt athafnasvæði í starfi og leik. Að
kvöldi er sjálfsagt að skreppa á Skansinn og
taka tvö, þrjú spor.
Það má enginn yfirgefa Eyjar án þess að prófa
þjóðaríþrótt Eyjamanna, sprangið. Eyjamenn
eru gestrisnir, lífsglaðir og góðir með sig. Eyja-
ferð svíkur örugglega engan.
GÓÐUR PAKKI FYRIR GOLFARA!
Golfklubbur og Ferðaskrifstofa Vestmanna-
eyja hafa tekið höndum saman um stórskemmti-
lega Eyjaferð fyrir golfara og fylgifiska.
Sjálfstæð golfmót verða haldin á hverjum
fimmtudegi í allt sumar en þau bera yfirskriftina
Kico Cooler sem mun vera léttáfengur ávaxta-
drykkur, væntanlegur á markað. Golfvöllur
Eyjamanna í Torfmýrinni við Herjólfsdal er með
bestu völlum og vel grænn. Umhverfið er áreið-
anlega með því stórbrotnara sem um getur.
PAKKINN!
Flogið verður frá Reykjavík klukkan átta alla
fimmtudaga og við komuna til Eyja bíða leið-
sögumenn og báturinn Bravó. Skemmtileg
skoðunarferð á sjó og landi er inni í dagskránni
en mótið sjálft hefst eftir léttan hádegisverð.
Sérstök dagskrá er fyrir alla þá fylgifiska sem
vilja. Að kvöldi er veisla á Skansinum með „gala
dinner“ og verðlaunaafhendingu. Flogið er til
Reykjavíkur klukkan hálfellefu en þeir geta gist
sem vilja og gert þannig Eyjaævintýri sitt enn
fjölbreytilegra. Allt þetta kostar aðeins 4990
krónur og helmingi minna fyrir börn.
Upplýsingar um mótið og pakkann veitir Guð-
laugur Friðþórsson sjálfur, í síma 98-2877.
Góða ferð!
Eldgosið minnir alls staðar á sig.
Sennilega er þó tilviljun að Eldfellið
speglast í rúðunni hjá langmæðrum
Eyja hér að ofan.
26. TBL VIKAN 61