Vikan - 01.11.1990, Blaðsíða 54
í sjónvarpsþáttunum er valinn maður í hverju rúmi.
Gripur þá um sig ótfi og
skelfing í Tvídröngum
Anæstunni mun Stöö 2 sýna þátta-
rööina Tvídranga (Twin Peaks)
sem er unnin í samvinnu við Prop-
aganda Film, fyrirtækið sem Sig-
urjón Sighvatsson og félagar hans
reka. Þessi þáttaröð hefur hlotið óskipta athygli
vestanhafs og verið útnefnd til 14 Emmy-verð-
launa enda hefur verið haft á orði að þessir
þættir komi til með að hafa varanleg áhrif á
gerð þáttaraða fyrir sjónvarp í framtíðinni svip-
að og Rætur höfðu á sínum tíma og seinna
Dallas.
Bærinn Tvídrangar er einn af þessum hríf-
andi smábæjum í norðvesturhluta Bandaríkj-
anna, skammt frá kanadísku landamærunum.
Þar búa að vísu um fimmtíu þúsund manns en
samt ber hann öll helstu einkenni smábæjar.
Ferðamenn, sem koma þangað, grípa andann
á lofti og skortir orð til að lýsa ægifögru útsýn-
inu og dásamlegu samfélagi ánægðra bæjar-
búa. Á yfirborðinu virðist ekkert geta haggað
sveitasælunni - en ekki er allt sem sýnist.
Þegar nakið, illa útleikið lík skóladrottningar-
innar, Láru Palmer, finnst í tjörn skammt frá
bænum grípur ótti og skelfing um sig meðal
bæjarbúa. Skömmu síðar finnst önnur stúlka
sem hefur verið grimmilega misþyrmt en er
með lífsmarki. Það verður til þess að alríkis-
lögreglan sendir fulltrúa sinn, Dale Cooper, til
að rannsaka málið. Hann fær lögreglustjóra
bæjarins, Harry S. Truman, í lið með sér og
þegar rannsóknin kemst á skrið reynist vera
maðkur í mysunni á mörgum bæjum ...
í þáttunum um Tvídranga er valinn maður í
hverju rúmi. Mark Frost, sem skrifaði handritið
að sjónvarpsþáttunum Hill Street Blues, skrif-
aði handritið að Tvídröngum í samvinnu við
leikstjórann, David Lynch, sem meðal annars
stjórnaði myndunum Fílamaðurinn, Dune og
Blue Velvet. Hann hefur ekki áður stjórnað
sjónvarpsseríu.
Leikstjórinn fékk uppáhaldsleikarann sinn,
Kyle MacLachlan, sem lék í myndum hans
Dune og Blue Velvet, til að leika Dale Cooper
frá alríkislögreglunni, FBI. Michael Ontkean
leikur Harry S. Truman, lögreglustjórann ró-
lega sem fæddist og ólst upp í Tvídröngum.
Hann lék á móti Paul Newman í myndinni Slap
Shot og er nýbúinn að leika í myndinni Post-
cards from the Edge á móti Meryl Streep. Pip-
er Laurie leikur Catherine Martell, fram-
kvæmdastjóra sögunarmyllunnar í Tvídröng-
um. Hún hefur unnið til Emmy-verðlauna (fyrir
þátt sem heitir Promise) og þrisvar verið til-
nefnd til óskarsverðlauna fyrir leik sinn í mynd-
unum The Hustler með Paul Newman, Carie
og Children of Lesser God. Joan Chen leikur
Jocelyn Packard, eiganda sögunarmyllunnar.
Hún er sennilega best þekkt fyrir leik sinn í
myndinni Síðasti keisarinn, þar sem hún lék
keisarafrúna. Hún er kínversk að uppruna og
hefur stundum verið kölluð Elizabeth Taylor
Kína. Mádchen Amick er nýliði í hópnum. Hún
hefur aðallega leikið í auglýsingum og á mynd-
böndum frægra söngvara. Hún er alger and-
stæða stúlkunnar sem hún leikur; gengilbein-
una Shelly Johnson sem er gift vörubílstjóran-
um Leo Johnson. Richard Beymer leikur höf-
uðpaur Tvídrangabæjar. Hann á Great North-
ern hótelið og vasast í ýmsu. Richard byrjaði
tíu ára gamall að leika og vakti verulega at-
hygli fyrir leik sinn í myndinni Dagbók Önnu
Frank. Meðal annarra mynda, sem hann hefur
leikið í, má nefna Bachelor Flat, Adventures of
a Young Man (eftir sögu Hemingways), The
Longest Day og West Side Story.
Fjöldi annarra leikara tekur þátt í þessari
þáttaröð. Dana Ashbrock fer með hlutverk
kærasta Láru Palmer, Lara Flynn Boyle og
Sherilyn Fenn fara auk þess með áberandi
hlutverk og sömuleiðis Warren Frost en hann
er faðir handritshöfundarins.
Tvídrangar verða sýndir á laugardögum á
Stöð 2. Hver þáttur er klukkutíma langur nema
fyrsti þátturinn sem er hálfur annar tími. Rétt er
að taka fram að þessir þættir eru þónokkuð
mikið öðruvísi en kvikmynd um sama efni sem
hefur fengist á myndbandaleigum undanfarið.
TWIN PEAKS, FYRSTA STÓRA ÞÁTTARÖÐIN FRÁ PROPAGANDA FILM,
KVIKMYNDAFYRIRTÆKISIGURJÓNS SIGHVATSSONAR, SÝND Á STÖÐ 2
54 VIKAN 22. TBL1990
TEXTI: PORSTEINN EGGERTSSON