Vikan - 24.10.1940, Blaðsíða 10

10
VIKAN, nr. 43, 1940
Heimilið
■■■■■■■■■■■■■■■■■■■■■■■■■■■■■■■■■■■■
■■■■■■■■■■■■■■■■■■■■■■■■■■■■■■■■■
Matseðillinn.
Kjötréttur: Bixematur.
Tveir djúpir diskar af niðurskornu, soðnu eða
steiktu kjöti, tveir djúpir diskar af niðurskorn-
um, soðnum kartöflum, 4—5 laukar, 200 gr.
smjör, pipar og salt eftir bragði.
Leifar af steiktu kjöti eða soðnu eru skornar
niður í litla, ferkantaða bita, og soðnar, kaldar
kartöflur skomar niður á sama hátt. Laukurinn
afhýddar og brytjaðar fínt. Smjörið er látið á
pönnu, og þegar það er orðið fallega brúnt, er
laukurinn látinn út í og brúnaður þangað til
hann verður Ijósbrúnn. Þá er kjötinu og kartöfl-
unum bætt út í og salti og pipar stráð yfir. Síðan
hrært í þessu á pönnunni þar til kjötið og kar-
töflumar eru orðnar vel heitar og Ijósbrúnar.
Gætið þess að bera þetta á borð vel heitt.
Fiskréttur: Rauðsprettufilé.
3 kg. rauðsprettur, 2 egg eða hveitijafningur,
2 til 3 teskeiðar salt, 300 gr. steyttar tvíbökur og
flot til að steikja úr.
Rauðspretturnar em hreinsaðar, svarta roðið
tekið af og það hvíta skafið vandlega. Uggarnir
klipptir af. Fiskurinn er flattur í fjóra hluta,
salti stráð á og látið bíða í fimmtán mínútur.
Þá em bitamir skolaðir í köldu vatni og þurrk-
aðir í hreinum klút, velt upp úr eggjum eða
hveitijafningi og síðan upp úr steyttum tvíbök-
um. Steiktir á pönnu eða í potti með feiti í,
sem á að vera svo heit, að blá gufa rjúki upp af
henni. Bitamir eru steiktir þangað til þeir verða
ljósbrúnir. Borið á borð með ýmsum ljósum sós-
um svo sem karrýsósu, ætisveppasósu o. fl. og
hrærðu smjöri.
Ef þér ætlið að fara að gifta yður væri það
þá ekki heillaráð, að fara til tilvonandi tengda-
móður yðar og fá hjá henni uppskrift að öllum
þeim matartegundum, sem mannsefninu yðar
þykja beztar. Það gæti ef til vill forðað yður
frá að fá þessi alkunnu orð í eyra: „Þetta er
ekki eins gott og það sem mamma bjó til heima.“
Aðferð til að hreinsa barnaleikföng: Blandið
saman vatni og hvítri línsterkju þannig að úr
verði þykkur grautur. Nuddið leikföngin með
þessu og látið það síðan þorna á. Burstið þau
svo með stífum bursta á eftir.
Hreinlœti.
Aukið hreinlæti er krafa tímans. Vinnuveit-
andinn krefst hreinlætis af starfsfólki sínu,
maðurinn krefst þess af konunni sinni og börnin
eru ekki orðin stálpuð, þegar þau fara að taka
eftir þvi, ef móðir þeirra er eitthvað hirðulausari
með útlit sitt en venjulega.
Hreinlæti kostar óneitanlega dálitla fyrirhöfn,
en þegar þér hafið ástundað það um hrið, þá
verður það að kærum vana, sem þér ógjarnan
viljið láta af.
Baðið er nú eins og fyrr fyrsta boðorð hrein-
lætisins. En baðið má mikið bæta með því að
nota einhver af hinum mörgu baðsaltstegundum,
sem til eru á markaðinum; þau eru styrkjandi
og vinna gegn óeðlilegum svita. Já, það er jafnvel
til baðsalt, sem sagt'er að hafi megrandi áhrif.
Ef þér viljið sjálfar búa til handa yður baðsalt,
þá er hér uppskrift að því. Biðjið kaupmann
yðar að útvega yður gróft sævarsalt, en það
verður að vera hreinsað, því annars er hætt
við að i því séu oddhvassar kóralflísar eða þang-
agnir. Saman við eitt kíló af þessu salti skuluð
þér blanda 25 grömmum af furunálaolíu og lítlu
glasi af grænum ávaxtalit. Látið þetta í skál
og setjið skálina á miðstöðvarofn, svo að saltið
geti þornað við hægan hita. Ef þér verðið leiðar
á furunálalyktinni, þá getið þér notað lavendel-
olíu og lillabláan ávaxtalit eða rósaoliu og rauð-
an lit. Liturinn verður svo daufur, að þér þurfið
ekki að óttast, að hann hríni á yður. Þetta bað
er ákaflega hressandi.
Að lokum skuluð þér svo fá uppskrift að ágætu
meðali gegn svita: Blandið 20 gr. af alumíníum-
kloríd og 2 gr. af borax saman við 100 gr. af
eimuðu vatni.
Undur jurtaríkisins.
George H. Chisholm, forstöðumaður garðyrkju-
stöðvar i New York, sést hér á myndinni með
eitt af undruð jurtaríkisins, sem hann hefir
„skapað“ sjálfur, með því að frjóvga kartöflu-
plöntu með tómatplöntu. Þessi nýja jurt er kölluð
„Topato". Ávöxturinn kvað ekki ekki vera
fitandi.
Úr blöðum Eggerts frá Vogsósum.
Kona, sem var í meira lagi málgefin, kom til
læknis. Lá henni svo margt og mikið á hjarta,
að læknirinn fékk engu orði komið að. Loks
skipaði læknirinn henni að lofa sér að sjá tung-
una. Konan hlýddi og orðaflaumurinn stöðvaðist.
„Haldið nú tungunni svona, þangað til ég hefi
lokið máli mínu,“ sagði læknirinn þurrlega.
*
Aukinni þekkingu fylgir aukin þjáning. Því
minna, sem maður veit, því minna þjáist maður.
*
Tunga konunnar er sverð hennar. Þess vegna
gætir hún þess, að hún ryðgi ekki.
íþróttir eru mjög iðkaðar í Englandi, og þar eru allir jafnir. Knattspyrna og kricket er svo
mikið stundað þar, að það eru almennt taldar enskar iþróttagreinar.