Vikan - 04.09.1947, Page 1

16 síðnr
Nr. 36, 4. september 1947
Guðmundur Jónsson söngvari
Hér birtist mynd af einum fremsta söngvara okkar, sem að vísu hefir enn ekki lokið
námi og þó þegar öðlast miklar vinsældlr meðal þjóðarinnar.
"C'R við heyrðum, að Guðmundur Jóns-
son væri í þann veginn að hverfa af
landi brott til Stokkhólms, gripum við
tækifærið og báðum um mynd af honum
og nokkrar upplýsingar.
Söngvarinn glæsilegi er hreinræktaður
Reykvíkingur og meira að segja bæði aust-
ur- og vesturbæingur, því að hann er fædd-
ur á Lindargötunni, en hefir frá sex ára
aldri átt heima í Vesturbænum og mega
því báðir bæjarhlutar eigna sér hann og
vel við una!
Guðmundur Jónssson er fæddur 10. maí
1920 í Stóragerði við Lindargötu, sonur
Jóns kaupmanns Þorvarðarsonar og konu
hans, Halldóru Guðmundsdóttur, og er hún
fædd og uppalin á Akranesi. Er Guðmund-
ur hafði lokið námi í Verzlunarskóla ís-
lands vann hann við verzlunarstörf og var
einn vetur á enskum verzlunarskóla.
Guðmundur hóf söngnám sitt hjá Pétri
Jónssyni óperusöngvara og var tvö ár hjá
honum. Síðan hélt Guðmundur til Ameríku
og stundaði nám hjá rússneskum söng-
kennara í Los Angeles, Samoiloff að nafni.
Þar var hann í tvö ár, en þó eitt ár heima
á milli. Guðmundur kom heim með Karla-
kór Reykjavíkur fyrir jól í fyrra; hann
söng með kómum vestanhafs.
Guðmundur hefir sungið hér víðsvegar
um land við hinar ágætustu undirtektir, en
nú er hann, einsog fyrr er sagt, á förum
til Svíþjóðar — og ætlar þar að læra meira.
Hinar beztu óskir fylgja honum í þeirri
för.
Kvæntur er Guðmundur Þóru Haralds-
dóttur og eiga þau eina dóttur, sem er
f jögra mánaða gömul.
Þeir Stefán Islandi og Guðmundur
höfðu sameiginlega hljómleika seint í síð-
astliðnum mánuði. Þeir sungu í Tripoli-
leikhúsinu og var söngnum útvarpað. Hús-
fyllir var á hljómleikunum og var söngv-
Tt.mnum báðum forkunnar vel tekið. Má
óefað telja þetta einhvern glæsilegasta
t”ísöng, sem hér hefir heyrzt.
Guðmundur Jónsson söngvari.