Vikan - 11.09.1947, Blaðsíða 15

VIKAN, nr. 37, 1947
15
Vlada og sonur hennar
Framhald af bls. 7.
var hún látin þræla 16 tíma af sólarhringn-
um. Hún frétti ekkert af drengnum sínum.
Stundum var hún vongóð, en annað slagið
fylltist hún kvíða og örvæntingu. Er Rúss-
arnir nálguðust var Vlada látin fara með
öðrum föngum Þjóðverja yfir þvert landið.
Að lokum kom hún til hinna illræmdu
Belsenfangabúða. En þar frelsuðu Eng-
lendingar hana úr illvirkja höndum. Eftir
fjögra mánaða sjúkrahúsvist hafði hún
náð heilsunni og fékk starf sem hjúkrun-
arkona á stöð fyrir útlendinga.
Og svo gerðist kraftaverkið. Eitt kvöld
var hún að gera herbergi sitt hreint. Þá
var drepið á dyr þess sem bjó í næsta her-
bergi, og gengið inn í herbergið.
Einhver ókunnur maður spurði eftir
manni nágrannakonunnar. En hann var þá
ekki viðlátinn í augnablikinu. Konan og
maðurinn fóru að tala saman. Vlada gaf því
í fyrstu lítinn gaum, þó að hún gæti heyrt
hvert orð. Skyndilega heyrði hún ókunna
manninn segja: „Nei, ég á engin börn. En
ég hef tekið fósturson. Hérna hef ég mynd
af honum, ef þér viljið líta á hana. Vlada
þaut út úr herbergi sínu til þess að fá að
sjá myndina, því hún gleymdi aldrei drengn-
um sínum, og trúði því að hún fyndi hann
einhverntíma. Hún leit á myndina. Hún var
af Pavel! Hálfringluð af gleði og æsingu
hlustaði hún á frásögnina um björgun
drengsins. Þessi ókunni maður hafði verið
í skæruliðaflokki, er hélt til í skógnum
nærri þeim stað sem drengnum var ýtt nið-
ur af lestinni. Maðurinn fann drenginn illa
á sig kominn, hálfkalinn á fótum. Hann bar
Pavel heim í bækisstöðin og annaðist hann
svo vel að drengurinn náði sér. Seinna náðu
Þjóðverjar bæði Pavel og manni þessum á
sitt vald. Þeir voru fluttir í fangabúðir, og
voru frelsaðir rétt áður en átti að taka þá
af lífi. Svo hafði maðurinn ákveðið að taka
Pavel sem kjorson. Honum var farið að
þykja vænt um drenginn eins og hann væri
faðir hans.
Getið þið giskað á hvernig sagan endaði ?
Vlada fór aftur til Belgrad í fylgd með
Milan. En svo hét maðurinn. Er hann
Sloveni. Vlada var afar þakklát þessum
manni, og að skömmum tíma liðnum giftu
þau sig Vlada og Milan. Þau ætla í félagi
að ala Pavel litla upp.
kennisklædda menn úti á götu —
þér gætuð hitt mig í kvöld, ef þér
gerið ekkert múður meira!
Ferðamaður í Suður-Ameriku gekk
inn í verzlun í einni borginni og
keypti sér gullúr með festi. Kaup-
maðurinn vafði hvort tveggja vand-
lega inn í bréf, ásamt skammbyssu.
„En ég hefi ekki beðið um
skammbyssu," sagði ferðamaðurinn
undrandi.
„Keyptuð þér ekki gullúr og ætlið
þér yður ekki að eiga það sjálfur?"
Stjórnmálamaður einn, sem vildi að
friður ríkti á milli allra ríkja í
Evrópu, spurði einu sinni Clemenceau,
hvort Þjóðverjahatur hans styddist
við þekkingu á þýzku þjóðinni. „Haf-
ið þér einhvern tíma verið í Þýzka-
landi,“ spurði hann að endingu.
„Nei,“ svaraði gamla tígrisdýrið.
„Ég hefi aldrei verið í Þýzkalandi, en
tvisvar eftir að ég kom til vits og
ára hafa Þjóðverjami'r verið í
Frakklandi.“
| Brunabótafélag
| Islands
vátryggir allt lausafé
i (nema verzlunarbirgðir). i
l Upplýsingar í aðalskrif- |
i stofu, Alþýðuhúsi (sími i
Í 4915) og hjá umboðsmönn- i
Í um, sém eru í hverjum §
Í hreppi og kaupstað.
Bond Air Services
tilkynna, að þeir hafa útnefnt
Gotfred Bernhöft & Co. h.f.
sem aðalumboðsmenn sína á Islandi.
Þeir, sem hafa áhuga fyrir að flytja vörur loft-
leiðis frá meginlandinu, fá allar nánari upplýs-
ingar hiá umboðsmönnunum.

Fósturdóttir úlfanna
Sagan af Kamelu litlu, sem fóstruð var af úlfum, er
nú komin í bókaverzlanir. Sagan er sönn. Hún lýsir
hinni stuttu æfi litlu stúlkunnar, sem fannst meðal úlfa
skokkaði á f jórum fótum, gelti og urraði að mönnum og
lapti fæðu sína, en var að lokum farin að skilja og tala
mannamál og semja sig að siðum þeirra. Bókin sýnir,
hvernig uppeldið getur skapað manninn á hvorn veginn
sem því er beitt.
Amerískur prófessor og uppeldisfræðingur, Arnold
Gesell, hefir skrifað bókina, en Steingrímur Arason,
kennari hefir þýtt hana og fylgt úr hlaði.
Bókaverslun ísafoldar

Septembersýningin 1947
opin daglega frá kl. 11 til 11.
Sýningin stendur yfir til 14.
%
sept. Komið því tímanlega
j til að sjá sýninguna.