Vikan - 27.05.1992, Blaðsíða 30
▲ Árni
vinnur á
Ijósritunar-
stofu hjá
konunni
sinni fyrir
hádegi
virka daga,
síðdegis af-
greiðir
hann í
Bristol og
um helgar
verslar
hann í
Kola-
portinu.
◄ „Ég er
oft kallaður
Árni sálugi
á Fálkagöt-
unni.“ Hér
er hann
með
mæðgurnar
Perlu og
Tönju.
hætta búskap. Við bjuggum á
Selfossi í nokkur ár en svo
flutti ég suður.
Við hjónin eigum sex börn,
einn son og fimm dætur. Það
var glaðvær hópur og kvakað í
hverju horni. Einnig eigum viö
ellefu barnabörn svo þú sérð
að boðskortið mitt í lífinu er
stórt,“ segir Árni og brosir
breitt. Hann segir að konan
sín, Guðrún Lillý Ásgeirsdóttir,
hafi alltaf farið vel með sig og
betri húsbónda sé ekki hægt
að vinna fyrir.
Þetta hlýtur að vera satt því
Árni er svo glaðlegur og
snaggaralegur í viðræðum og
þegar síminn hringir og blaða-
maður heyrir ástúðlegt tal og
hlátur og fær hlýjar kveðjur frá
Lillý þá veit hann að Árni segir
satt, þrátt fyrir glettnissvipinn.
„Við vitum ekki alltaf hvað
bíöur okkar, margar tilviljanir
leiða okkur á vit hins óþekkta.
Það er kúnst að njóta lífsins.
Þegar sextíu ár eru að baki er
maður búinn að lifa tvenna
tíma. Breytingarnar hafa verið
svo hraðar en mest hrifinn er
ég af frjálsræðinu sem nú ríkir
en veit þó vel að fara þarf vel
með það. Hugsaöu þér, núna
versla ég bæði á laugardögum
og sunnudögum í Kolaportinu.
Þetta er frelsi.
Þegar ég rak Árnabúð í
gamla daga voru margs konar
höft i gangi. Það mátti ekki
versla á kirkjutíma og kvöld-
leyfi, sem kostaði mikið fé og
hafði veriö greitt fram í
tímann, var afturkallað. Það
voru mikil boö og bönn og eitt
sinn var ég kallaður fyrir rann-
sóknarlögregluna fyrir að
versla á sunnudögum. Þeir
voru hræddir um að ég myndi
ekki mæta og buðust til að
sækja mig. Ég varð að hlíta
þessu en fannst persónufrelsi
mitt skert.
Núna nýt ég þess að vera til
og þakka hvern dag. Ekkert er
sjálfgefið. Ég hef alltaf átt mér
eina ósk og það er að vera
bóndi á góðri fjárjörð, með
sterkan fjárstofn sem krafsar
til beitar og fær góða gjöf á
húsin. Samt vissi ég aö þetta
myndi aldrei verða. Hins vegar
eigum við hjónin sumarbústað
í Ásgarðslandi í Grímsnesi.
Álftavatn ber við himin. Stór-
brotið landslag og blæbrigði
himinsins speglast í augum.
Við erum á stöðugum mál-
verkasýningum hjá móður jörð
svo draumurinn um jörðina,
landið, hefur ræst að vissu
leyti," segir Árni Einarsson
sáttur og blaðamanni finnst
Perla og Tanja fullsæmdar af
að vera honum fjárstofninn á
meðan önnur hjörð er ekki í
sjónmáli. En hver veit? Árni er
enn ungur maður þótt árin séu
orðin þónokkur. Örlögin geta
tekið upp á ýmsu þegar um
mann eins og Árna sáluga í
Árnabúð er að ræða. □