Menntamál - 01.05.1944, Blaðsíða 23

MENNTAMÁL
121
barnaskólanna í Reykjavík. Húsmæðranámskeið hefur ver-
ið haldið í skólanum, þar sem nemendurnir hafa verið
látnir annast kennsluna að miklu leyti. Og yfir öllu hefur
hvílt vakandi auga forstöðukonunnar.
Mönnum er æ betur og betur að skiljast það, hvílík
nauðsyn hverri stúlku er á nokkurri kunnáttu í almennri
matreiðslu og öðrum helztu húsmóðurstörfum. Foreldrum
og skólanefndum verður það meira og meira áhugaefni
með hverju ári, sem líður, að matreiðslukennslu verði
komið á við skólann þeirra. Má sjá þennan áhuga í ýmsu.
Skólaeldhúsum fer fjölgandi við fasta skóla. Annars stað-
ar eru gerðir tilraunir að kenna í námskeiðum, annað
hvort með umferðakennslu eða í sambandi við annað
sérnám, t. d. sund. Enn er þetta þó á byrjunarstigi, en
búast má við, að mikill skriður komi á málið á næstu
árum. Markmiðið er, að matreiðslukennslu verði komið á
við hvern barnaskóla á landinu. Verður þá mikil þörf
sérmenntaðra kennara í þessum efnum. Má það því heppni
kallast, að húsmæðrakennaraskólinn skuli vera kominn á
fót, þar sem stúlkum, er lokið hafa námi í kennaraskól-
anum, gefst kostur á sérnámi í þessum efnum á tiltölu-
lega skömmum tíma, 9 mánuðum. Virðist það alveg ein-
sætt fyrir ungar kennslukonur, að afla sér þessarar sér-
þekkingar, því að mun betur standa þær að vígi á eftir í
samkeppni um sæmilegar stöður, auk þess sem þær þreyt-
ast miklu síður á kennslunni, er þær geta skipt kennslu-
tíma sínum milli bóklegrar kennslu og matreiðslukennslu.
Nú hefst nýtt námstímabil í skólanum 14. sept. í haust,
en vitanlega þurfa umsóknir um skólavist að vera komnar
áður. Margar stúlkur hafa þegar sótt um inntöku í hús-
mæðrakennaradeildina. Nokkurt rúm mun enn vera í skóla-
eldhúskennaradeildinni.
Ó. Þ. K.