Menntamál - 01.12.1951, Blaðsíða 12

130
MENNTAMÁL
stillt mig um að benda á ýmislegt, sem þau virðast gefa
vísbendingar um.
Því er stundum haldið allharkalega fram, að skólaskyld-
an sé hið mesta nauðungarákvæði. Eftir svörunum að
dæma mundu langflestir unglingar í Reyk.javík sækja skól-
ana, þótt um enga skólaskyldu væri að ræða, og þeir gera
það, þar sem milli 80 og 90% 16 ára unglinga sækja nú
3. bekk gagnfræðaskólanna, þótt það sé engin skylda.
Það eru því einhver önnur öfl að verki, sem knýja ungling-
ana í skólana í flestum tilfellum.
Mikið er rætt um skólaleiða. Og skal ég sízt bera brigður
á, að hann geri um of vart við sig. Hins vegar gefa svörin
tilefni til að ætla, að við margt sé fengizt í skólunum, sem
nemendurnir hafa ánægju af, og sérstaklega við margt,
sem þeir telja sér gagnlegt að nema.
Ekki get ég varizt þeirri tilhugsun að þykja dálítið
ískyggilegt, hvílíkt kvíðaefni prófin virðast nemendunum.
Kvíði og uggur eru lamandi kenndir og sízt fallnar til að
efla lífsorku og þrótt. Tel ég fulla ástæðu til, að íslenzkir
skólar svipuðust um eftir einhverjum miður uggvænlegum
aðferðum til þess að rannsaka starfsárangur sinn en nú
tíðkast.
Að öðru leyti læt ég góðfúsan lesanda um að draga álykt-
anir af þessari lítilfjörlegu athugun á viðhorfi ungling-
anna til skólastarfsins.
Á. H.