Bjarmi - 01.05.1927, Blaðsíða 16
108
B J A R M I
Hvert fóru þau?
Hvar eru bænabörnin roín?
Hvar blunda þau í nótt?
Láttu þau Drottinn leita þín,
leyf þeirn að sofna rótt.
Vaktu yfir þeim, herra hár
með helgri engla sveit
og græddu þeirra sorgarsár
að sefist mæðan heit.
Láttu þau dreyma Ijós og yl
og lífsins besta hnoss.
Pó mörg sje heimsins mæðan til
og mæti böl og kroSs.
Gefðu að beiskju bikar súr
í botn sje tæmdur þeim,
og leys þau þungri þrenging úr
og þau frá illu geym.
O Drottinn Jesús þökk sje þjer
þú gefur líkn í þraut.
Pú barna þinna þarfir sjer
á þyrnum stráðri braut.
Pú sendir hjálp á hentri tið
að hugga þreytta sál. '
Pín guðleg náð og gæska blíð
gefur oss bænarmál.
Ó livilík svölun særðri önd
að sjá þig DrotlinD kær.
Rú styrkir líf og stýrir hönd
og stendur beygðum nær.
Ó, herra Jesús, heyröu mig,
jeg hrópa af ást og trú.
Lát börnin kæru líta þig,
líknandi hjá þeim bú.
Snú þeirra sorg í sælu-tár,
er sólin vermir blíð.
Blessa þau Drottinn daga’ og ár,
dygðablómum þau skrýð.
Ó heilög þrenning himnum á,
mitt hjarta lítur þjer.
Vertu sorgmæddum vinum hjá,
vis þá sigurinn er.
Láttu þau sanna sælu fá
i sólardýrð hjá þjer.
Huggaðu hvern sem þrautir þjá.
Pökk og vegsemd þjer ber!
Iíelga Sigurðardótlir
Iloísncsi, Öræfum.
Heima.
Sra Árni Jóhannesson í Greni-
vík dó 4. maí, eftir langvinn veikindi.
Hann var fæddur 1859, tók embættispróf
1888 og fjekk Þönglabakka sama ár. Árið
1892 var honum veitt Höföi og Grenivík.
Kona hans er Valgerður K. Guðmunds-
dóttir, bónda á Brettingsstöðum.
Nú á Laufás-prestur að bæta öllu
Grenivíkur-prestakalli við sig og Þöngla-
bakka í viðbót, og verður þá Laufás eitt
af allra erfiðustu prestaköllum landsins.
Enda sækir ekki nema einn maður um
það nú, sra Björn O. Björnsson í Ásum.
Sra Jón N. Jólianncssen hlaut
kosningu að Staðarhrauni og er nú það
brauð veitt honum.
Erlendis.
B i b 1 i u h ú s er verið að reisa í Jerú-
salem, aðallega fyrir gjafir frá Bandaríkj-
um og Englandi. Á þar að vera miðstöð
útbreiðslu ritningarinnar í Vestur-Asíu.
Landstjórnin í Gyðingalandi lagði horn-
stein þess í vetur, en Mac Imes, biskup
í Jerúsalem, flutti aðalræðuna. Viðstaddir
voru biskupar frá grísku, armenísku,
koptisku og sýrlensku kirkjunum; og auk
þeirra fjöldi kristniboða og fulltrúa, þar
á meöal ábóli frá Abysseníu.
Gyðingar eru að reisa samkunduhús
mikiö i borginni, hið virðulegasta í heimi,
— lóðin ein kostaði 58 þús. dollara og
boöið hafa þeir Iram fje til að eudurreisa
musterið forna, ef þeir fongju Móríahæð,
en bæjarstjórn synjaði um lóðina.
Með hverju ári stórfjölgar ferðamönn-
um og inuflytjendum í Palestínu. — Síma-
fólkiú við bæjarsímann í Jerúsalem verð-
ur að vera vel að sjer í tungumálum,
því er sem sje skylt að svara áll málum:
arabisku,armenisku,ensku, frönsku,grísku,
hebresku, ítölsku, rúmönsku, spönsku,
ungversku og þýsku.
Blaðið er fullprentað 7. mai.
Útgefandi: Signrbjörn Á. Gfslason.
Prcntsmiðjan tiutcnberg.