Bjarmi - 01.12.1985, Blaðsíða 15
starfaði af lífi ogsál í KFUM, ekki síst
* í sunnudagaskólanum í Kópavogi
með Sigursteini Hersveinssyni og í
skíðaflokknum Éljagangi. Hann átti
sæti í stjórn KFUM og í stjórn
Kristniboðssambandsins.“
Ásgeir fórst í hinu mikla slysi er
flugvél Flugleiða hrapaði við Kólombó
á Srí Lanka í Asíu 15. nóvember 1978
og hátt á annað hundrað manns létu
lífið.
„Þegar þetta bar að höndum fann
ég vel hvílík hjálp er í því fólgin að
vera handgengin Biblíunni og eiga
trúna á Jesúm Krist. Já, ég á erfitt
með að skilja hvernig fólk sem á ekki
trúna á Drottin fær risið undir slíkum
áföllum. Ég vil segja: Drottinn er
styrkur minn. Það hef ég fundið og sú
er reynsla mín allt fram á þennan dag.
Ég hef oft fundið til návistar hans,
einnig þegar erfiðleikarnir voru hvað
mestir.
K Við stóðum ekki ein þegar slysið
varð því að margir réttu okkur hjálp-
arhönd. Eitt þeirra orða sem vinir
mínir minntu mig á og veittu mér
mikinn styrk var þessi kunna ritning-
argrein: „Guð er oss hæli og styrkur,
örugg hjálp í nauðum“ (Sálm. 46,1).
Ég fann að þetta var vissulega satt.
Orð Jesú í Jóh. 10 urðu mér líka til
mikillar blessunar þegar ég hugsaði
um afdrif Ásgeirs.“ Og Þórey tekur
fram lítið Nýja testamenti og les úr
„hirðiskapítulanum“,27. og28. vers:
„Mínir sauðir heyra raust mína og
ég þekki þá og þeir fylgja mér. Ég gef
þeim eilíft líf og þeir skulu aldrei að
eilífu glatast og enginn skal slíta þá úr
hendi minni.“
„Drottinn þekkir þá sem fylgja
honum. Ásgeir minn fylgdi Jesú. Og
fyrirheitið er skýrt: „Ég gef þeim eilíft
líf og þeir skulu aldrei að eilífu
glatast." Það er stórkostlegt að þeir
sem treysta honum fara úr þessum
heimi til að vera með Jesú alla tíma!
Eins fann ég styrk í orðum Jesú
þegar hann segir við lærisveina sína:
„Ég lifi og þér munuð lifa“ (Jóh.
14,19). Sá sem hefur helgað sig Jesú
veit að það að deyja er að fara til hans
og lifa með honum. Hvílík huggun!
Mér þykir líka afar vænt um „litlu
Biblíuna“, Jóh. 3,16, en það er ein
fyrsta ritningargreinin sem ég lærði
utan að og mér finnst hún ljúkast æ
betur upp fyrir mér: „Því að svo
elskaði Guð heiminn að hann gaf son
sinn eingetinn til þess að hver sem á
hann trúir glatist ekki heldur hafi
eilíft líf.“
Hér er auðvitað forsendan og upp-
haf þess að við njótum náðar og
miskunnar Drottins. Elska Guðs hef-
ur fallið mér í skaut. Guð hefur verið
mér góður."
Hvað ungur nemur...
„Viltu segja eithvað við okkur í
tilefni af „ári æskunnar“?“
„Ég veit að allir trúaðir foreldrar
þrá að börn þeirra fylgi Jesú Kristi.
Við Ásgeir eignuðumst þrjú börn og
ég er óendanlega þakklát fyrir að þau
vilja öll vera lærisveinar frelsarans.
Við hjónin fórum að kenna þeim að
biðja jafnvel meðan þau voru ómálga.
Og þar sem við hlutum svo mikla
blessun af verunni í KFUM og KFUK
vil ég hvetja foreldra til að beina
börnum sínum pangað til að hlusta á
Guðs orð og eignast þar góða vini -
það er jafnvel mikilvægara en að
eignast félaga í skólanum. Ég ráðlegg
foreldrum einnig að fara sjálfir á
fundi og samkomur í félögunum,
bæði til að sækja þangað uppbyggingu
í trúnni, til að leggja hönd á plóginn
- því að ekki vantar verkefnin - og til
að vera börnunum fyrirmynd um það
hvert þau skuli sækja styrk og þekk-
ingu í trúnni.“
Þórey lærði hjúkrun þegar hún
var ung að árum. Hún starfar nú á
Öldrunarlækningadeild Landsspítal-
ans í Hátúni í Reykjavík.
„í starfi mínu meðal gamla fólksins
hef ég m.a. lært hvílík nauðsyn það er
að innræta fólki trúna þegar á barns-
aldri. Sumt af þessu blessaða gamla
fólki hefur misst allt samband við
umheiminn eða er orðið mjög kalkað.
En það fer þó margt með bænir. Það
virðist helst muna vers og bænir sem
það lærði í bernsku. Ég heyri það oft
hafa það yfir í hálfum hljóðum á
kvöldin.
Við lifum á alvarlegum tímum. Það
er kallað á okkur úr öllum áttum og
tilboðin eru mörg. Kristið fólk þarf að
gera sér ljóst að ýmislegt í heiminum
getur ekki átt heima í lífi þeirra sem
játa trúna á Jesúm. Þetta ættu trúaðir
æskumenn sérstaklega að hugleiða.
Þeir þurfa að læra að greina það sem
slekkur andann og slævir trúna og
snúa baki við því.“
Stórkostlegt málefni
Kristilegt félag heilbrigðisstétta
leitast við að efla trú og kristinn
vitnisburð meðal fólks sem vinnur að
heilbrigðismálum og hefur Þórey ver-
ið þátttakandi í þeim samtökum frá
upphafi. Hún er einnig í Kristniboðs-
félagi kvenna í Reykjavík.
„Ég kynntist kristniboðinu þegar
ég var barn. Það var svo ríkur þáttur
í starfi KFUM og KFUK þegar ég var
að alast þar upp. Svo sóttum við
almennu mótin á sumrin og biblíu- og
kristniboðsnámskeiðin í Vatnaskógi
á haustin. Það var sífellt verið að tala
um kristniboðið og okkur þótti það
stórkostlegt málefni. Við drukkum
15