Heima er bezt - 01.07.1959, Blaðsíða 6

BALDUR BALDVINSSON, Ófeigsstöðum:
sveitum, svo að hann hafi ekki gegnt þeim mörgum
samtímis, og flestum frá unga aldri fram undir þenna
tíma, að hann hefur smám saman losað sig við þau. Sýn-
ir það gleggst hvert traust sveitungar hans hafa til hans
borið, og geta má þess að Skaftfellingafélagið í Reykja-
vík gerði hann heiðursfélaga sinn. Ekki verða hér rakin
einstök störf, en þess skal þó getið, að á Búnaðarþingi
hefur Sigurður setið um tugi ára, og formaður Menn-
ingarfélags Austur-Skaftfellinga frá stofnun þess. En
sá félagsskapur er næsta sérstæður og hefur unnið
merkilegt menningarstarf á liðnum árum, en Sigurður
alltaf verið einn af máttarstólpum þess.
Getið hefur verið um miklar og margháttaðar fram-
kvæmdir á Stafafelli, en ekki er þó sagan öll sögð með
því. Sigurði hefur ekki nægt það eitt að starfa mikið og
búa stórt. Fegurð og snyrtimennska hefur hlotið að
haldast í hendur við framkvæmdir allar og störf. Er
umgengni öll á Stafafelli með slíkum snyrtibrag að
fátítt er. Fagrir trjágarðar setja svip á umhverfið, og
hvarvetna blasir við regla og snyrtibragur jafnt í smáu
sem stóru.
Sigurður á Stafafelli hefur ferðazt mikið urn Island.
Árið 1916 fór hann ásamt tveimur sveitungum sínum í
hringferð um landið. Mun slíkt ferðalag ungra bænda
eða bændaefna hafa verið fullkomið eins dæmi um þær
mundir, en sýnir að Sigurður hefur farið sínar leiðir.
Allmikið hefur hann ferðazt síðan og mörgum kynnzt
sem vænta má. Á ferðum sínum hefur hann eins og
hann segir í bréfi til Lleima er bezt „sannfærzt um að
við elskum landið og þjóðina, sem það byggir því meir
sem við kynnumst því betur.“
Þegar Sigurður lét af búskap 1955 tók hann til við
nýtt verkefni. Hann seldi gamalt bókasafn föður síns
en varði andvirðinu til landnáms á aurum Jökulsár, sem
fellur með landi Stafafells, og oft hefur veitt því þung-
ar búsifjar. Hefur hann girt þar um 6 ha. land og hafið
ræktun þess. Blasir þar nú við sjónum iðgrænn óasi, sem
hlotið hefur nafnið Sigurðarfit. En blettur þessi „er
mér kærri en öll önnur gróin jörð“, segir hann í áður
nefndu bréfi.
Sigurður á Stafafelli hefur verið hraustmenni alla
ævi, enda er starfið mikið. Hann er maður fastur í
lund og „sjálfstæður í hugsun og afskiptum af almenn-
um málum, þótt heitið hafi hann flokksbundinn“, segir
Gísli Sveinsson. í framkomu er hann glaður og reifur
og drengilegur og hlýr. Ber hann aðalsmerki hins sjálf-
stæða bændahöfðingja í fasi sínu öllu.
Fyrir mörgum árum komum við nokkrir félagar að
Stafafelli í Lóni síðla kvölds. Höfðum við þá verið í
ferðalagi um óbyggðir unt þriggja vikna skeið. Má
fara nærri um hversu við nutum þess að fá þvegið okk-
ur, sezt að ágætum kveldverði og loks háttað í góð rúm
eftir skrínukost, vos og útilegur. En þótt mér séu þeir
hlutir minnisstæðir, þá er mér miklu minnisstæðara
hlýa og alúð húsbændanna og menningarbragur sá all-
ur, sem á heimilinu hvíldi.
SIGURÐUR JÓNSSON, Stafafelli
SJÖTUGUR
Vígði fót í fjörugrjóti
fjallsins þekkti eggjar bláu,
dalsins kyrrð og dýrð á vori, —
dagsins önn í stóru og smáu.
Rösklega stýrði ríki sínu,
ráðsvinnur drengur fram í elli.
Höfuðbólið sat með sóma
Sigurður á Stafafelli.
Veitti ástúð fornum fræðum,
færði margt úr sporum deyfðar.
Sat í háum söðli renndum
sinnar glæstu föðurleyfðar.
Félagsmála — gildi garpur
greiddi för til margra þinga,
hollráður í hverjum vanda.
Höfuðsmaður Skaftfellinga.
Tignaði hann tind og grundir.
Trúði á mátt og veldi foldar.
Átti skjól við angan lundsins —
ávöxt frjórrar gróðurmoldar.
Þar sem léttbrýnn lítill drengur
lék sér fyrr með skel og legginn,
leikur sér nú ljúft í þeynum
limskrúð upp við bæjarvegginn.
Nú er halur hæru-skotinn
hnignar æskufjör í æðum.
Leiftrin björt frá liðnum dögum
lifa þó í fornum glæðum.
Vinafjöld frá starfsins stundum,
— störfin öll í hverjum ranni
þakkar — marga sókn og sigra
sjÖtíu ára heiðursmanni.
Starir sól og stafar geislum
Stafafells á tún og engi.
Jarðargull, hinn græni teigur,
gleði bóndans verður lengi. —
Sigurður hefur í sókn og vömum
sigrað í því, er mestu varðar.
Hann hefur verið sveitar-sómi
sinnar kæm fósturjarðar.
226 Heima er bezt