Heima er bezt - 01.02.1962, Side 19

Næsta skipti sem Ingvar vaknar í skaflinum og yrðir
á Guðmund fær hann ekkert svar. Hélt hann þá að
Guðmundur væri sofnaður, sinnti hann því ekki frekar
og sofnaði sjálfur.
Þegar Ingvar vaknaði næsta skipti yrti hann enn á
Guðmund og fékk þá heldur ekkert svar. Greip hann
þá til Guðmundar og fann að hann var kaldur orðinn.
Ingvari var ljóst að félagi hans var látinn. Sjálfur
var hann yfirgefinn, grafinn í fönn með látnum manni
einhvers staðar á heiðum uppi, gegndrepa í köldum
skafli um miðja nótt. Yfir honum geisaði hríðin.
Mörgum jafnöldrum Ingvars litla mundi hafa brugð-
ið í brún undir sömu kringumstæðum, margir hefðu
bugazt, aðrir ærzt.
Ingvar hélt ró sinni.
Og ró hans var svo mikil, að eftir að hann hafði
þuklað hinn látna mann og vissi hvað skeð hafði sofn-
aði hann værum svefni, holdvotur eins og hann var.
Gat hann ekki búizt á hverri stundu við sömu örlög-
um og félagi hans?
Undir morgun brauzt Ingvar hrollkaldur út úr skafl-
inum frá látnum félaga sínum. Úti var enn myrkur og
snjóhraglandi og hestarnir bundnir á streng. Hann leysti
hest sinn, steig á bak og spretti úr spori þrátt fvrir þæf-
ingsófærð þar efra. Hann keyrði hest sinn sem mest
hann mátti og um fótaferðartíma knúði hann dyra á
Stóru-Giljá, sagði farir sínar elcki sléttar og kvað fé-
laga sinn látinn.
Drengurinn var háttaður niður í rúm, læknir feng-
inn og að því búnu gerður út leiðangur til þess að sækja
hinn látna mann upp í Sauðadal og flytja til bvggða.
Þetta er válegasti atburður sem skeð hefur í manna
minnum í sambandi við Undirfellsrétt.
í Vatnsdal mundi enginn slíkt réttardagsveður.
Eyjólfsstaðir i Vatnsdal. Þar býr Ingvar Steingrimsson nú
stórbúi.
Þorsteinn Jósepsson tók allar myndirnar.
Mældur Öræfajökull
Framhald af bls. 50. _________________________________
angur okkar allan skildum við eftir bundinn á sleðann,
og tókum ekki með okkur annað en eitt mælingatæki
og dálítið af einkaútbúnaði Leisteds. En það var glaða-
sólskin, og jökullinn var bæði háll og ósléttur, og okk-
ur hitnaði meira en góðu hófi gegndi. Eftir því sem
neðar dró á skriðjökulinn varð hann torveldari yfir-
ferðar. Loks gáfumst við upp á því að reyna að kom-
ast stytztu leið niður að Svínafelli, en tókum í þess
stað stefnuna niður í Skaftafellsheiðar, svo að við kæm-
umst niður í Skaftafell, og þaðan að Svínafelli. Þegar
við loks náðum heim að Svínafelli um miðaftan 7. júlí,
höfðum við verið að starfi og göngu í 30 klukkustund-
ir samfleytt.
Hér læt ég lokið frásögn minni um jökulferðir mæl-
ingamanna síðastliðið sumar. Jökulbreiðurnar eru stór-
fenglegar en tilbreytingarlitlar. Líf okkar og starf þar
uppi var einnig tilbreytingarsnautt. I hugum okkar
sjálfra, sem þátt tókum í framhaldsleiðöngrum á jökl-
inum eru minningarnar um erfiði, hættur og stundum
skopleg atvik þess virði að rifja þær upp og gera þær
að umtalsefni í okkar hóp. En í eyrum annarra yrði
það að mestu endurtekningar þess, sem þegar hefur ver-
ið lýst.
En til þess þó að gera frásögnina ekki alltof enda-
sleppa skal þess getið, að Leisted fór inn á Breiðamerk-
urjökul, og þaðan mældi hann og teiknaði austurhlíðar
Öræfajökuls, sem eru ófærar með öllu. Samtímis því
fór ég ásamt Mikkelsen á hinar fyrri slóðir, þar sem
sleðinn var geymdur. Síðan mældum við um 6 fer-
mílna svæði norður af Skaftafellsfjöllum. I framhaldi af
því mældum við Buchwaldt premierlautinant síðan um
8 fermílur af Breiðamerkurjökli og Vatnajökli um-
hverfis Máfabyggðir og Esjufjöll. Þar með var lokið
verkefni því, sem okkur var sérstaklega falið að leysa
af hendi á þessu sumri.
BRÉFASKIPTI
Magnfriður Þórðardóttir, Reykjanesskóla við ísafjarðar-
djúp, óskar eftir bréfaskiptum við pilta og stúlkur á aldrinum
16—22 ára.
Grctar Ástvaldur Árnason, Lækjampti, Víðidal, V.-Hún.,
óskar eftir bréfaskiptum við stúlkur eða pilta á aldrinum 13
—15 ára. Frímerkjaskipti geta komið til greina.
Gunnpóra Gunnarsdóttir, Hnappavöllum, Oræfum, A.-
Skaft., óskar eftir bréfaskiptum við pilta eða stúlkur á aldr-
inum 14—16 ára.
Unnur Bjarnadóttir, Hofi, Öræfum, A.-Skaft., óskar eftir
bréfaskiptum við pilta eða stúlkur á aldrinum 14—16 ára.
Guðrun Helga Jónsdóttir, Kolfreyju, Fáskrúðsfirði, S.-Múl.,
óskar eftir bréfaskiptum við pilta eða stúlkur á aldrinum 14
— 17 ára. Mynd fylgi.
Heima er bezt 55