Heima er bezt - 01.03.1969, Side 5

Hjónin á Löngumýri ásamt barnabörnum. Fremri röð: Kjartan Ágústsson, Ragnheiður AgústscLóttir, Ragnheiður, Ragnheiður
Jónsdóttir, Eiríkur, Eirikur Pálsson, Sigrún Pálsdóttir; Magnús Ágústsson, Eirikur Agústsson, Tryggvi Eiríksson, Guðni Eiriks-
son, Gisli Jónsson, Höskuldur Pálsson, Kristin Ágústsdóttir, Móeiður Agústsdóttir og Móeiður Jónsdóttir.
framkvæmdir á jörðum sínum en margir aðrir. Áveitu-
heyið mjög gott kúahey og varð undirstaða þess að
bændur fjölguðu fljótlega mjög kúnum, voru þeir því
tiltölulega vel undir það búnir að hefja mjólkursölu
er möguleikar opnuðust til þess urn 1930. í kjölfar
áveitunnar hófst svo mikil ræktunaralda er dráttarvélar
komu til sögunnar.
Eiríkur Þorsteinsson, bóndi á Löngumýri á Skeiðum,
er fæddur á Reykjum, í sömu sveit, 6. október 1886.
Var hann yngstur 13 systkina er til aldurs komust.
Foreldrar Eiríks voru Þorsteinn Þorsteinsson bóndi og
smiður á Reykjum og kona hans, Ingigerður Eiríks-
dóttir. Þau hjón létust í hárri elli og höfðu þá lifað
í 62 ár í hjónabandi. Þorsteinn var þjóðhagasmiður.
Lagði hann mildð fyrir sig járnsmíði. Var sérstaklega
talað um hvað vel hann smíðaði hestajárn. Hnífar, sem
hann smíðaði, þóttu bíta með afbrigðum vel. Sóttust
sjómenn í verstöðvunum austan Fjalls mikið eftir flatn-
ingshnífum frá honum.
Þorsteinn á Reykjum var sonur Þorsteins bónda í
Brúnavallakoti, Jörundssonar á Laug í Biskupstungum,
Illugasonar á Drumboddsstöðum, er var kallaður stað-
arsmiður vegna þess, að hann stundaði mikið smíðar
í Skálholti á dögum Finns biskups Jónssonar. Var Ulugi
þekktur hagleiksmaður og hefur sú gáfa fylgt niðjum
hans til þessa dags.
Ingigerður, móðir Eiríks, var dóttir Eiríks yngra
dbrm. á Reykjum, en hann var sonur Eiríks Vigfússon-
ar hreppstjóra er þar bjó lengi. Kona Eiríks eldra var
Guðrún, dóttir sr. Kolbeins í Miðdal. Eru afkomendur
þeirra Guðrúnar og Eiríks orðnir mjög margir og
nefndir Reykjaætt. Hefur þótt áberandi hvað margir
í þeirri ætt hafa náð háum aldri.
Um Guðrúnu Kolbeinsdóttur og Eirík Vigfússon
segir Brvnjúlfur frá M.-Núpi:
„Þrátt fyrir alla erfiðleika var Eiríkur Vigfússon
talinn meðal tilkomumestu bænda, er þá voru á Skeið-
um. Var hann þar hreppstjóri 40 ár og sáttamaður 30
ár. Var hann ger dannebrogsmaður í viðurkenningar-
skyni. Forsöngvari var hann í Ólafsvallakirkju í langa
tíð, því hann þótti framúrskarandi söngmaður eftir
þeim kröfum, sem þá voru gerðar til fagurrar söng-
listar. Hjálpsamur var hann, sem hann mátti, og gest-
risinn. Guðrún var honum samhent í öllu, og þótti
heimilislíf þeirra hið fegursta, bæði að trúrækni og
áreiðanleik og um leið að glaðværð og góðvilja. Hann
var og athugull fróðleiksmaður og minnugur vel.“
Það sem sagt var um heimilislíf þeirra Guðrúnar og
Eiríks, í hinum tilfærða kafla,, verður og tekið hér sem
umsögn um heimilishætti Ingigerðar og Þorsteins, for-
Heima er bezt 77