Æskan - 01.03.1969, Page 10
♦ JEvintýri og sögur, frá ýmsum löndum. ♦
Það var einu sinni prinsessa. Hún var svo fríð, að hundarnir á götunni
ætluðu alveg að horfa úr sér augun, þegar hún fór fram hjá, og gamli
presturinn, sem ekki þótti sérlega næmur fyrir kvenlegri fegurð, fór
meira að segja að þurrka gleraugun sín og sagði: „Hvert þó í heitasta!"
Því miður vissi prinsessan vel, hve fríð hún var. í níu stundir sat hún
dag hvern fyrir framan spegilinn og horfði og horfði og horfði, svo að flestum
ofbauð. Hinn tímann notaði hún til að skipta um föt. Sífellt var hún að fá
sér ný föt, þótt til væru 136 kjólar og 1278 hattar og svo mikið af skóm,
að byggja varð sérstaka skógeymslu við höllina.
Þetta var orðið skelfilegt ástand og foreldrarnir mjög áhyggjufullir út
af því.
„Ósköp er þetta orðið hégómlegt," sagði konungurinn. „Við verðum að
gera eitthvað."
„Talaðu við hana,“ stundi drottningin.
Konungurinn fór þvi upp til dóttur sinnar. Þar sat hún með allt fullt
af grænum höttum í kringum sig, sem hún var þá að máta.
„Og siturðu enn fyrir framan spegilinn?" spurði konungurinn.
„Ég verð að velja mér fallegan, grænan hatt,“ sagði prinsessan, „en allir
þessir grænu litir eru ljótir. Ég finn ekki rétta græna litinn, sem mig
vantar.“
„Barnið mitt,“ sagði konungurinn, „hættu nú þessu hattatilstandi. Taktu
heldur í slaghörpuna eða leystu úr nokkrum reikningsdæmum. Gerðu að
minnsta kosti eitthvað gagnlegt."
„Ég má ekki vera að því, ég verð að fá hattana fyrst," sagði prinsessan.
Þá varð konungurinn fokvondur, fleygði speglinum í gólfið, svo að hann
mölbrotnaði, og hrópaði: „Svona, farðu nú út og fáðu þér klukkustundar
göngu út í skóginn. Engan mótþróa, út með þig strax!“
Nú þorði prinsessan fríða ekki að mótmæla lengur, en fór út hrædd og
niðurlút. Hún fór út í skóginn þangað til hún kom að dálítilli tjörn. Þar
stanzaði hún.
„Hæ!“ hrópaði prinsessan. „Vatn! Nú hef ég aftur spegil.“ Hún beygði
sig áfram til að sjá sig í vatninu, en froskarnir í því ýfðu svo yfirborðið, að
ekki var hægt að spegla sig í því.
Annie M, Smidt:
^f-roókcL-
kóngurinn.
Fyrir dyrum stendur nú gift-
j ing hinnar írægu Nancy Sinatra.
í Þetta mun verða í annað skipti,
1 sem hún gengur í hjónaband.
I Væntaniegur eiginmaður er
j kvikmyndastjórinn Jack Haley
j í Hollywood.
»J«—uu—uii—mi—un—iiii—iiii—iiii—iiii—iiii—nii—mii——nn—H» «
Guli kafbáturinn
Nýjasta kvikmynd Bítlanna
ber sama nafn og velþekkt lag,
sem þeir hafa samið og sungið
inn á plötu, það er „Guli kaf-
báturinn." Um síðustu áramót
hófust sýningar á þessari mynd
í kvikmyndahúsum í Kaup-
mannahöfn, og hlaut myndin
mjög góða dóma í flestum blöð-
um borgarinnar. Gagnrýnendur
segja, að þessi kvikmynd sé
mjög góð dægrastytting í heimi,
þar sem ekki er of mikið af
glaðværð, því myndin sé ævin-
týramynd og hljóti því að vera
kærkomin öllum þeim, sem
kunna að njóta skemmtilegra
ævintýra. Hingað til lands mun
myndin koma næsta haust.
126