Æskan - 01.02.1985, Side 4

O DANS
á
„Dansinn er aðaláhugamálið“
Hún heitir Sara Stefánsdóttir og er 11
ára. Hún varð íslandsmeistari í ein-
staklingskeppni í frjálsum dansi
(,,free-style“) sem haldin var í Þrótt-
heimum fyrir skömmu. I tilefni af því
lögðum við nokkrar spurningar fyrir
hana.
— Átturði von á því að sigra?
„Nei, en tvær vinkonur mínar, sem
fylgdust með undankeppninni, sögðu
að ég ætti góða möguleika. Ég trúði
þeim ekki fyrr en úrslitin komu í
ljós.“
— Hefurðu æft dans?
„Já, ég er á öðru ári í djassballett-
skóla Báru. Ég æfi þrisvar í viku, 80
mínútur í hvert skipti.“
— Hvernig fara æfingarnar fram?
„Það eru kenndir dansar og svo er
balletttími einu sinni í viku. Við för-
um í leikfimi og okkur er kennd
tækni til að hreyfingarnar verði
mýkri.“
— Æfifðu þig nokkuð heima?
„Já, oft. Ég set plötu á fóninn og
dansa í stofunni.“
— Svo að við víkjum aftur að úr-
slitakeppninni: Varstu kvíðin?
„Já, ég skalf áður en ég fór inn á
gólfið. En þegar ég byrjaði að dansa
varð ég öruggari.“
Frá undanúrslitum Islandsmeistarakcppninnar í free-
style dansi barna 10—12 ára.
4 ÆSKAN