Valsblaðið - 01.05.1990, Side 20

HVER ER VALSMAÐURINN?
„MESTA PÚLIÐ VAR
AÐ LABBA HEIM
EFTIR ÆFINGAR“
Jóhannes Bergsteinsson, leikmaður í fyrsta íslands-
meistaraliði Vals — 1930 — og einn af þeim sem
stóðu fyrir kaupunum á Hlíðarenda
Texti: Þorgrímur Þráinsson
Á því herrans ári 1990 voru 50 ár, eða hálf
öld, liðin frá því Valur varð fyrst íslands-
meistari í knattspyrnu. Þeir kappar, sem urðu
þess heiðurs aðnjótandi að verða fyrstu ís-
landsmeistarar Vals, eru allir fallnir frá utan
tveggja. Aðeins Jón Eiríksson læknir og Jó-
hannes Bergsteinsson múrari eru á lífi. Það er
ætlunin með þessu viðtali við Jóhannes Berg-
steinsson að varpa örlitlu ljósi á lífsmáta
þeirra manna sem komu Val á spjöld sögunn-
ar og segja frá því hvernig aðstæður til knatt-
spyrnuiðkunar voru á þessum árum. Timarn-
ir hafa breyst og mennirnir með en við meg-
um aldrei gleyma þeim sem lögðu jarðveginn,
sáðu í hann og lögðu grunninn að því stór-
veldi sem Valur er í dag. Hvar væri Valur í dag
ef framtaksamir menn og hugrakkir hefðu
ekki fest kaup á Hlíðarenda? Er mögulegt að
Valurinn hefði hreinlega flogið til fjalla að
nýju og ungarnar hans stækkað og dafnað í
öðrum félögum? Sem betur fer þarf ekki að
svara þessari spurningu en Jóhannes Berg-
steinsson er sá maður sem geymir minning-
arnar innra með sér og hann ætlar með okkur
í örstutt en forvitnilegt ferðalag -50 ára aftur
í tímann. Óminnishegrinn lætur ekki á sér
kræla því Valurinn hafði vinninginn hér á ár-
um áður og svo verður um ókomna tíð.
Jóhannes segir að fótboltinn hafi tekið
sinn toll. „Ég fótbrotnaði fyrir 60 árum og
núna eru þau meiðsli farin að hrjá mig aftur.
Ég á frekar erfitt með að ganga en ég sé ekki
eftir neinu sem ég hef upplifað með Val. Þetta
var allt þess virði”
Jóhannes tekur á móti mér á snotru heimili
sínu í Hafnarfirði. Hann er yfirvegaður og
afslappaður og fer sér að engu óðslega. Segist
ekki hafa afrekað neitt sem er i frásögur fær-
andi en felst þó á að rifja upp sitthvað frá ár-
unum í Val. Rjúkandi kaffi og kökur eru á
boðstólum og það er ekki hamagangnum fyr-
h
l
20