Afturelding - 01.04.1981, Blaðsíða 29

20
RETTIR - ERLENDAR FRÉTTIR - ERLENDAR FRÉTTIR - ERLENDAR FRÉTTIR
Nú hljóma kirkjuklukkumar í Vástra Vingáker, í Sörmland í
Svíþjóð, ekki aðeins við guðsþjónustur eða aðrar þær athafnir
sem venjulega eru viðhafðar innan veggja kirkna, heldur láta
þær óspart í sér heyra þegar þjófar gerast of nærgöngulir við
silfurmuni kirkjunnar. í haust var tvívegis brotist inn í kirkjuna
og þá fengu menn þessa hugmynd: Um leið og þjófarnir brjótast
inn í kirkjuna, kviknar sjálfkrafa á öllum ljósum hennar og
kirkjuklukkumar slá eins og þær best mega, þar til einhver
kemur og stöðvar hringingarnar og hefur samband við lögregl-
una.
SR2381
Eftir að hafa sótt um leyfi svo árum skipti, hefur Billy
Grahams stofnunin í Minneapolis í Bandaríkjunum, nú loks
fengið leyfi yfirvalda til að byggja útvarpsstöð á Hawai. Stöðin
mun búa yfir stuttbylgju og FM-sendi og mun senda út á 250
kílóvöttum og ná með því til mikils hluta suð-austur Asíu.
FM-sendirinn er hannaður með þarfir Hawaibúa fyrir augum.
Nú er ekkert því til fyrirstöðu að byggingarframkvæmdir geti
hafist og búist er við að útvarpsstöðin verði tekin í notkun á
næsta ári.
SR 2381
Nýafstöðnum réttarhöldum í Kaliforníu á milli sköpunar- og
þróunarsinna, lyktaði með jafntefli. Irving Perluss dómari, kvað
upp þann úrskurð að þær stefnur sem réðu ferðinni í skólamál-
um í Kalifomíu tækju fullt tillit til trúarlegra réttinda þess fólks
sem væri á móti kennslu þróunarkenningarinnar í skólum
landsins. Yfirvöldum menntamála í Kaliforníu var gert að senda
yfirlýsingu til skóla borgarinnar og höfunda námsbóka, þar sem
þess var krafist að hugmyndir Darwins yrðu kenndar sem kenn-
ingar en ekki staðreyndir.
CAW 681
Eftir 8 ára þrotlaust starf, er nýrri þýðingu Biblíunnar yfir á
kínverska tungu, nú loks lokið. Hefur þýðingin fengið góða
dóma og er talin mjög aðgengileg lestrar. Hún leysir af hólmi
. eldri þýðingu frá 1919. Það er ekki talið með öllu útilokað að
hægt verði að fá leyfi til að útbreiða Biblíuna í Alþýðulýðveldinu
Kína. Þess vegna mun þessi nýja þýðing koma út innan tíðar, í
sérstöku upplagi, með breyttum og einfölduðum rittáknum.
Kínverska Biblían verður ekki lítil bók, en samt sem áður
verður hún engan veginn eins umfangsmikil og Biblía á blind-
letri hlýtur að vera.
SR 2381
^ttir -
Nýlega fékkst innflutningsleyfi fyrir 20,000 Biblíur og sama
fjölda sálmabóka til Víetnam. Bækurnar voru fluttar með
sovésku skipi til hafnarborgarinnar Haiphong og þaðan áfram til
Hanoi. Verða bækurnar notaðar af söfnuðum mótmælenda, sem
aðallega starfa í suðurhluta landsins. Bækurnar eru prentaðar i
hinu „fjarlæga Austri." Evangelískir söfnuðir í Vestur-Þýska-
landi standa straum að kostnaði Biblíanna, en kostnað við
prentun sálmabókanna, greiða evangelískir söfnuðir í Austur-
Þýskalandi.
KS58I
Fyrirlesarinn Josh McDowell, var staddur á heimavistarskóla í
Delaware, þegar fjölskylda nokkur hitti hann að máli og sagðist
hafa fylgst með sjónvarpsþætti hans „Leyndardómi Kærleik-
ans.“ Móðirin hafði verið að skipta um rás á sjónvarpstækinu
þegar Josh birtist á skerminum. Hún hlýddi á mál hans og ekki
leið á löngu þar til dóttir hennar kom inn og hlustaði einnig. Því
næst bað dóttirin föður sinn og bróður að fylgjast með. Við lok
þáttarins gafst áhorfendum tækifæri til að meðtaka Krist í líf sitt
og á þessari kvöldstund frelsuðust allir meðlimir fjölskyldunnar.
WCH 381
Samkvæmt nýjustu fregnum frá biblíufélögum í Þýskalandi,
fer þeim mótmælendum, sem lesa Biblíuna, fjölgandi þar í landi.
Næstum fjórar milljónir mótmælenda lesa Guðs orð oft, eða að
staðaldri. Árið 1967 er áætlað að aðeins 1,5 milljónir manns hafi
lesið Biblíuna að staðaldri í Þýskalandi. Biblíusala hefur einnig
stigið jafnt og þétt. Árið 1979 var 2,09 milljónum Biblía, eða
biblíuhlula, dreift um Þýskaland fyrir atbeina biblíumiðstöðv-
arinnar í Stuttgart. Áriðáður hafði sú tala numið 1,47 milljónum.
KS581
Árið 1980 var met ár í dreifingu Biblíunnar unt Austur-
Evrópu. í fyrra, stuðluðu Sameinuðu Biblíufélögin að dreifingu
352,000 eintaka til landanna þar, en 1979 var dreift 194,000
Biblium og 1978, 173,000. Sú dreifing sem hefur farið fram, það
sem af er þessa árs, bendir til áframhaldandi aukningar. Aukn-
inguna í fyrra má að miklu leyti þakka nærri 4 milljónum norskra
króna sem safnað var saman af Biblíufélögum ýmissa landa.
Mesta aukningin í biblíudreifingunni í fyrra, var í Tékkósló-
vakíu, en þar steig hún úr 21,000 eintökum, árið 1979, í 131,000
eintök, 1980. Þar með er innifalin ný biblíuútgáfa á tékknesku og
leyfi til að flytja inn 65.000 Biblíu á slóvakísku. Þar að auki hefur
Rómversk-Kaþólska kirkjan í Tékkóslóvakíu, nýlega fengið leyfi
til að gefa út 100,000 kynningarbæklinga um nýju tékknesku
biblíuútgáfuna, en sú tala er ekki tekin með í tölunum hér að
ofan, frá 1980.
Árið 1980, aðstoðuðu Sameinuðu Biblíufélögin Grísk-
Kaþólsku kirkjuna í Búlgariu, með pappír í 30,000 Biblíur.
í öðrum löndum Austur-Evrópu stóð biblíudreifingin nokkuð
í stað, en í Póllandi var þó talsverð aukning.
LG 581
ERLENDAR FRETTIR
ERLENDAR FRETTIR
ERLENDAR FRETTIR