Afturelding - 01.04.1982, Síða 10

fiMBIMKS
HEIMILIÐ —
STOFNUN GUÐS
Hjónabandið og heimilið er fyrsta
stofnun Drottins hér á jörð. í Biblí-
unni lesum við um tilgang þess og
hlutverk: . . .“Og Guð blessaði þau
(sköpun sína, mann og konu) og
sagði við þau: Verið frjósöm, marg-
faldistog uppfyllið jörðina . . .“ 1
Hjónabönd og heimilislíf byggjast
á elsku og kærleika. Á þeim getur
tognað við sjúkdóma og nauðir, en
dauðinn einn má slíta þau sundur.
Þegar slikt hefur átt sér stað, má
eftirlifandi maki stofna til hjóna-
bands og fjölskylduhalds að nýju.
Einnig ef um hórdómssök er að
ræða.2 Samkvæmt eðli sínu sakfellir
Guð aldrei saklausan, hvorki mann
né konu. Eftir þeim skilningi er
undirritaður hefur á Guðs orði, má
hinn saklausi aðili, sem líður vegna
riftunar heitorða og vígslu, þess er
gerist brotlegur við hjúskaparsátt-
málann, giftast aftur.3 Ekkjudómur
og ástvinamissir er nægjanlega sár,
þótt þeir er eftir standa, séu ekki
settir í fjötra fordóma og banna, sem
ekki eiga samleið með fagnaðarer-
indi Jesú Krists.
Einar J. Gíslason cr
forstöðumaður Hvfta-
sunnusafnaðaríns í
Reykjavík og hefur
gegnt þvf starfi frá 1.
október 1970. Fram að
þeim tfma, frá 1948,
gegndi hann forstöðu-
mannsstarfi f Betel,
Vestmannaeyjum. Hann lauk námi frá Biblíu-
skóla f Svfþjóð og hefur mikið unnið að krísti-
legu starfi, innanlands sem utan.
Fjölskyld ulífið er varið stórkost-
lega í tíu boðorðum Drottins í Gamla
Testamentinu. Þar lesum við m.a.:
„Heiðra skaltu föður þinn og móð-
ur.“4 „Þú skalt ekki drýgja hór.“5
„Þú skalt ekki girnast hús náunga
þíns. Þú skalt ekki girnast konu ná-
unga þíns.“ 6 Drottinn er hegnari alls
þvílíks.7
Orð Heilagrar Ritningar yfir
heimilið er á hebresku bajii, sem
þýðir liús. Gríska orðið er ovikos eða
ovika, sem einnig þýðir hús. Þá er átt
við húsföður, húsmóður og börn og
þá oft afa og ömmurogeinnigá þeim
tímum þræla og þeirra fólk. Húsfað-
irinn var og er höfuð heimilisins og í
því felst meira en fyrirvinna. Það
varð einnig að gæta trúar- og menn-
ingararfs feðranna. Jósúa segir í bók
sinni, 24. kafla: „En ég og mínir ætt-
menn munum þjóna Drottni.“ Um
ábyrgðarlilfinningu Jobs fyrir stóra
barnahópnum sínum má lesa í bók
hans, 1. kafla og 5. versi. Þar gætti
Job húsföðurskyldu sinnar.
Þáttur húsmóður fær sterkan og
góðan vitnisburð í Orðskviðum
Salómons, 31. kafla, versunum
10-31. Heimilið er ein af stærstu
gjöfum Guðs og verður aldrei of-
metið eða þakkað. Þar sem trú og
kristindómur fær að ríkja, er heimilið
metið. Einkenni vantrúar og guð-
leysis hafa ávallt í kjölfari sínu lítils-
virðingu á heimili og fjölskyldu-
böndum. Takist upplausnaröflum að
eyðileggja hornsteina heimilisins og
heimilislífsins, með sundurþykkju,
þá leggst heimilið í auðn og fær ekki
staðist. En þá fer fleira. Fái það ekki
að standa, riða hornsteinar þjóðfé-
lagsins og falla.8
Sérhver kristinn maður skyldi
meta heimili sitt, maka og fjöl-
skyldumeðlimi. Húsið skal notast
sem vé og skjól, athvarf og heima-
staður, en ekki hvað síst sem bæna-
staður. f fjallræðu Jesú Krists talar
hann um bænina og heimilið: „En
þegar þú biðst fyrir, þá gakk inn í
herbergi þitt, og er þú hefur lokað
dyrum þínum, þá bið föður þinn,
sem er í leyndum, og faðir þinn sem
sér í leyndum, mun endurgjalda
þér.“9 Hversu margir skyldu sjá
þessa hlið i heimilislífinu og notfæra
sér hana? í heimilinu skal því vera
bænaaltari, hliðstætt því sem gengur
og gerist í Guðshúsi. Altarið er til
notkunar i Guðsþjónustugjörð al-
mennt og svo ekki síður fyrir ein-
staklinginn.
Um fjölskyldulíf er talað áfram í
Efesusbréfi, 5. kafla 22.-30. versi og
Kólossubréfinu, 3. kafla, 18.-21.
versi.
Afturelding kemur inn á heimili
þitt, lesandi góður og vill vera þér og
allri fjölskyldu þinni til blessunar.
„Trú þú á Drottin Jesúm.og þú munt
verða hólpinn og heimili þitt.“10
Ritstjórinn
I) I. Mósebók, 1:28. 2) Matteus 19:9. 3) 5.
Mósebók, 24:1—3 og Jerimía 3:1. 4) 5) 6) 2.
Mósebók, 20. kafli, vers 12, 14 og 17. 7) 1.
Þcssaloníkubréf, 4:6. 8) Matteus, 12:25. 9)
Matteus, 6:6. 10) Postulasagan, 16:31.