Muninn - 01.11.1961, Blaðsíða 3
B L A
u n i n n
A K U R E Y R I
HALLA TEKUR HAUSTI
Menntaskólinn á Akureyri er tekinn til
starfa einu sinni enn. A hverjum morgni
hópast unga fólkið að skólahúsinu gamla til
þess að bergja af brunni þekkingarinnar á
sama liátt og þar hefur verið gert áratugum
saman, og aðkomufólkið í skólanum er svo
margt, að það setur sinn svip á bæinn.
Komu haustsins og setningu skólans fylgir
svo, eins og verið hefur, útkoma fyrsta tölu-
blaðs Munins.
Muninn er nú búinn að fylgja skólanum
á fjórða áratug, og á vonandi eftir að gera
það enn um sinn. Hann hefur jafnan verið
hnarreistur, þegar blómlegt félagslíf hefur
verið innan veggja skólans, en drúpt höfði
ella. f vetur getur enn sem fyrr livort heldur
sem er gerzt í þessum efnum, og ég get ein-
ungis leyft mér að vona, að vel gangi.
Enginn má halda, að það krefjist mikill-
ar reynslu, þekkingar og vitsmuna að rita
i Munin, því að „þótt kraftana skorti, er
viljinn þó ætíð lofsverður.“ Undanfarin ár
hefur stundum gengið treglega að útvega
efni í blaðið, enda þótt ekki væri svo í fyrra,
og ritnefndin hefur þá jafnvel orðið að
skrifa mest sjálf, en það er mjög óheppilegt.
Því fleiri sem skrifa, þeim mun fjölbreytt-
ara verður nefnilega blaðið. Ég vil ennfrem-
ur benda á það í uppörvunarskyni, að yfir-
leitt er mjög litlu af efni því, sem berst,
kastað úr.
Muninn er orðinn svo samgróinn
Menntaskólanum á Akureyri, að hver sá,
sem heils hugar ann skólanum, hlýtur einn-
ig að bera hlýjan hug til blaðsins. Fyrir
því heiti ég nú á sem flesta þá, er penna
mega valda, að leggja blaðinu lið. Muninn
á allt undir stuðningi þeirra.
Þrítugasti og fjórði árgangur Munins er
hafinn.
Björn Teitsson.
MUNINN 8