Heimir - 01.04.1911, Blaðsíða 21
HEIMIR
189
þaö væri ólöglega jþft frá sjónarmiöi kyrkju sinnar. Til skamms
tíma hefir kyrkjan ekki haldiö fram sínum löguin gegn lögum
landanna, en uúverandi páfi, sem vill í öllu halda fratn réttindurn
kyrkjunnar, þar sem þaö er mögulegt, hefir skipað svo fyrir, að
þeim skuli haldið fram. I fylkinu Quebec hér í Canada hefir
þetta valdið deilu, Meþódistar og aðrir hafa risiö upp á móti því
að kyrkjulög væru tekin fram yfir landslög, og að einum trúflokki
væri gert hærra undir höfði en öðrum. Vegna þess að kyrkjulög
voru eitt sinni landslög í Quebec, á meðan fylkið var alkaþólskt,
og lögunum hefir ekki verið breytt svo að þau séu tvímælalaus,
hefir boð páfans meira gildi þar en víðast hvar annarstaðar. I
deilu þessari er það eftirtektarvert, hversu langt mannkynið er
komið fram úr ýmsum stofnunum, sem fyrir fáum hundruðum
ára voru álitnar að vera óskeikular.
í lýðveldinu Portúgal hefir stjórnin nýlega lý7st því yfir, að
öllu sambandi á milli ríkisins og kaþólsku kyrkjunnar væri lokið,
og að hún, stjórnin, viðurkendi alment trúfrelsi. Auðvitað þýðir
það ekki að Portúgal hætti að vera kaþólskt land. Meiri hluti
íbúanna er efalaust kaþólskur í anda, en það þýðir, að mönnum
er gert jafn hátt undir höfði, hvaða trú sem þeir hafa, frárfkisins
hálfu. En í raun og veru á það hvergi sér stað, þar sem ríkis-
kyrkja er.
Óeirðir miklar hafa gengið á Frakklandi vegna þess að
stjórnin, sem er ný, hafði gefið leyfi til að vín það sem framleitt
er í vissu héraði, væri selt undir nafninu “sjampaní.” Þetta
spilti fyrir þvf héraði, sem áður hafði einkarétt til nafnsins.
Eignir voru eyðilagðar, og sá stjórnin sér ekki annað fært en að
taka málið til íhugunar aftur. Þegarþaðer íhugað hversu mikið
af eignum er notað til framleiðslu áfengra drykkja í ýmsum lönd-
um og hversu margt fólk hefir atvinnu viö hana, virðist eins
og það muni eiga langt í land ennþá að bindindi komist á yfir-
leitt. En takist að smá snúa þjóðunum frá áfengisnautninni, þá
verður framleiðslunni hætt af sjálfu sérogallir þeir sem að henni
starfa finna einhverja nytsamlegri atvinnugrein.