Ægir - 01.12.1959, Blaðsíða 5

ÆGIR
395
sóknar þó óslitin eftirför hafi ekki átt
sér stað, enda fari handtakan fram inn-
an 24 klst.“
Þessi tillaga var felld með 37 atkv. gegn
10 en 11 sátu hjá og var hún þar með úr
sögunni.
Eins og áður segir var annað það, sem
þessi nefnd fjallaði um ekki þannig vaxið,
að það snerti hagsmuni fslands sérstak-
lega og verður því þetta látið nægja um
störf þessarar nefndar og þau mál, sem
hún fjallaði um.
Ráöstefnulok.
Hér á undan hefir verið lýst gangi
mála á ráðstefnunni og þó aðeins tak-
markað við þau atriði, sem snerta hags-
muni íslands beint, þar sem annars hefði
orðið um alltof langa skýrslu að ræða.
Eftir er þá að skýra frá tveimur til-
lögum, sem fram komu varðandi það,
hvert skyldi verða framhald á meðfeið
þeirra atriði, sem ráðstefnan ekki hafði
getað náð samkomulagi um, þ. e. víðáttu
landhelginnar og víðáttu fiskveiðilögsög-
unnar. Önnur þessara tillagna var fia
fjórum ríkjum, Ástralíu, Kanada, Ceylon
og Ghana og var á þá leið, að á meðan
frestað væri frekari umræðum um þau
tvö atriði, sem ekki hafði náðst um sam-
komulag á ráðstefnunni, væri lagt til við
öll ríki, að þau skyldu ekki færa út lög-
sögu sína, hvorki hina almennu né þá,
sem tæki til fiskveiða eingöngu. Enn-
fremur var framkvæmdastjóri SÞ beðinn
að kalla ráðstefnuna saman á nýjan leik,
í aðalstöðvum SÞ eftir lok þrettánda Alls-
herjarþings (en það var haustið 1958)
til þess að taka til meðferðar víðáttu
landhelginnar og fiskveiðilögsögunnar.
Frá Kúbu kom tillaga, sem gerði ráð
fyrir, að kölluð yrði saman önnur íáð-
stefna til að fjalla um þau atriði, sem
þessi ráðstefna gat ekki leyst. Skyldi
þetta tekið til athugunar á Allsherjar-
þinginu 1959 og þá ákveðið, hvenær ráð-
stefnan skyldi kvödd saman. f meðförum
ráðstefnunnar var þessu þó breytt þann-
ig, að málið skyldi koma fyrir Allsherjar-
þingið þegar um haustið 1958, en það
varð raunverulega til þess, að önnur ráð-
stefna var einu ári fyrr á ferðinni en
ella hefði orðið.
Skoðanir voru allskiftar um þessar til-
lögur, og fleiri sjónarmið komu raunar
fram þó þeirra verði ekki getið hér enda
snerust umræðurnar nær eingöngu um
þessar tvær tillögur. Svo fór þó að lok-
um, að tillaga Kúbu var samþykkt með
smávægilegum breytingum. Greiddu 48
atkvæði með tillögunni en tveir á móti og
26 sátu hjá. Hin tillagan var þá úr sög-
unni.
ísland sat hjá við þessa atkvæða-
greiðslu og gerði formaður íslenzku
nefndarinnar þá grein fyrir þeirri af-
stöðu, að ef ísland hefði samþykkt tillög-
una, mætti skilja það svo, að með því
væri fallist á að hafast ekki að varðandi
víðáttu fiskveiðilögsögunnar við ísland.
Ríkisstjórn fslands hefði beðið þolinmóð
til loka þessarar ráðstefnu, en samkomu-
lag hefði ekki náðst, og engin trygging
væri fyrir því, að samkomulag næðist á
annarri ráðstefnu. Væri ekki með sann-
girni hægt að ætlast til að ísland biði
lengur með að tryggja lífshagsmuni sína.
í þessu sambandi gat hann þess einnig,
að tillaga Suður-Afríku um hin sérstöku
tilfelli, sam samþykkt hefði verið af ráð-
stefnunni væri gagnleg, að því er varð-
aði fiskisvæði utan lögsögu strandríkis-
ins en hefði ekkert að gera með fisk-
veiðilögsöguna sem slíka.
Mun óhætt að segja, að fáar eða engar
yfirlýsingar á þessari ráðstefnu hafi vak-
ið jafn óskifta athygli þeirra, sem þar
voru eins og þessi síðasta yfirlýsing ís-
lenzka fulltrúans, en með henni var raun-
ar gefið til kynna, að ísland myndi, ef
það teldi það varða lífshagsmuni sína,
gera nauðsynlegar ráðstafanir varðandi
fiskveiðilögsöguna, að lokinni ráðstefn-
unni.
Tillaga Kúbu, sem samþykkt var og