Ægir - 01.09.1971, Qupperneq 3

Æ G I R
RIT FISKIFÉLAGS ÍSLANDS
64. árg. Reykjavík, 1. september 1971 Nr. 14—15
Sjávarótvegnrinn 1970
Ef litið er á árið 1970 í heild, fer vart
hjá því, að það verði talið hagstætt ár
sjávarútveginum og raunar þjóðarbú-
skapnum í heild. Framhald varð á hinni
hagstæðu þróun verðlags á erlendum
mörkuðum, sem einkenndi árið 1969 og
urðu verðhækkanir á ýmsum afurðum
^jög verulegar. Meðaltalshækkun út-
flutningsverðs varð 39.2%, en þessa hækk-
un má rekja til hærra verðlags og breyttr-
ar samsetningar útflutningsins. Heildar-
aukning afla nam 6.3% eða 44.062 lestum.
Er það talsvert minni aukning en varð á
árinu 1969, en þá jókst afli um 87,505 lest-
ir. Vekur þetta nokkra svartsýni, svo sem
nánar verður að vikið.
Piskverð og samningar
Samningum við sjómenn um kjör var
lokið fyrir áramót, án þess að til verkfalls
kæmi svo sem orðið hafði árið áður. Hófst
því vertíð strax upp úr áramótum án þess
að tafir yrðu. Helzta breytingin í samn-
ingunum var sú, að hlutdeild í útgerðar-
kostnaði, sem með lögum um ráðstafanir í
sjávarútvegi frá 1968 var ákveðið að
nynni óskipt til útgerðar, var lækkuð úr
17% í 11%. 1 samræmi við þessa niður-
stöðu samninganefndar breytti Alþingi
síðan lögunum um ráðstafanir í sjávar-
útvegi og lækkaði hlutdeildina. Aðrar
stærri breytingar urðu ekki, en hins vegar
tók um ái'amótin gildi samningur um líf-
eyrissjóð bátasjómanna frá árinu áður og
hófust greiðslur í sjóðinn samkvæmt
fyrsta áfanga.
Það fiskverð, sem ákveðið var um ára-
mót gerði ráð fyrir talsverðri hækkun, eða
um 15% frá verði fyrra árs. Er hér miðað
við lágmarksverð. Hlutfallsleg hækkun
heildarverðs er nokkru lægri, þar sem eftir
er að taka tillit til þeirra breytinga, sem
orðið höfðu á hlutdeildinni og áður var
getið.
Um mitt ár þótti sýnt, að verðþróun er-
lendis mundi verða hagstæðari en reiknað
var með við ákvörðun fiskverðs. Fóru því
útgerðarmenn og sjómenn fram á endur-
skoðun fiskverðsins. Niðurstaða þeirrar
endurskoðunar varð hækkun verðsins um
rúmlega 5% til viðbótar því, sem áður
var komið. Það verð, sem gilti á seinni
hluta ársins var því um 21% hærra en
verðið var 1969.
Þing og ríkisstjórn
Af hálfu opinberra aðila kom tiltölu-
lega fátt það fram, sem í veigamiklum
atriðum hefði áhrif á stöðu eða afkomu
sjávarútvegsins sem heildar, nema laga
breytingin um hlutdeildina. Þó mætti
einnig nefna aukalaunaskatt 1 ýó %» sem
komið var á í sambandi við verðstöðvun.
Einnig voru samþykkt lög um viðbótar-
framlag til Fiskveiðasjóðs úr ríkissjóði.