Ægir - 01.01.1979, Page 37

Þó ekki hafi fengist fullkomin reynsla á hvað helst má
af þessum rannsóknum ráða gefur þó þessi tilraun
nefndarinnar vísbendingar, sem vel má styðjast við, þegar
leita þarf að gúmbátum.
Þeir sem að þessum rannsóknum stóðu telja nauðsyn-
legt að gerðar verði frekari kannanir með rek og fleira
varðandi gúmbjörgunarbáta. Athyglisvert verður að telja
að þeir gúmbátar sem nú eru notaðir í íslenskum
skipum eru mjög misjafnir að gæðum að menn telja.
Varðveisla bátanna um borð verður alltaf vandamál og
meðferð þeirra þarf alltaf að vanda. Áríðandi er að
áhafnir skipa viti sem allra mest hvernig meðhöndla á
þessi tæki og verður það seint full brýnt fyrir yfir-
mönnum skipa að kynna mönnum þau öryggistæki sem
um borð eru, þannig munu þau koma að mestu gagni
þegar áreynir. Eftir að þessum rannsóknum lauk hafa
orðið nokkrar umræður um þær og hefur siglingamála-
stjóri ekki talið þær mikils virði, að manni skylst.
Það er kunnara en frá þurfi að segja að hafið við
Island er oftast það kalt að menn sem verða fvrir því
að skip þeirra farist eiga ekki langra lífdaga auðið ef
ekki berst hjálp stuttu eftir að slys verður. Víða á
miðum við Norðvestur- og Norðurland er sjórinn
um frostmark og jafnvel kaldari, þess vegna meðal annars
er krafan um góða neyðarsenda. Rannsóknarnefnd sjó-
slysa hefur gert tillögu um það til samgönguráðu-
neytisins að slík tæki verði tekin í notkun, en þau hafa
lengi verið notuð i gúmbátum flugvéla.
Yfirbygging skipa
Mikið hefur verið um breytingar á loðnuveiðiskipun-
um að undanförnu og hefur það í mörgum tilfellum
ahrif á stöðugleika skipanna. Það er þess vegna mikils
um vert að stöðugleikaprófanir fari fram þegar breytingar
eiga sér stað. en menn telja að í sumum tilfellum hafi
legið við stórslysi eftir slíkar breytingar.
Margt breytist við breyttar veiðiaðferðir, meðal annars
er það svo að þegar búið er að byggja yfir skipin þá
hefur ekki verið hækkuð brúin svo að yfirsýn hefur mjög
skerst.
I mörgum tilfellum er þetta svo alvarlegt að standa
verður alveg á sérstökum stöðum i brúnni eigi menn að
^ja framfyrir skipið og geta allir séð hvað alvarlegt
astand er við slíkar aðstæður. Við svona útbúnað verður
ekki unað. það ber skylda til þess að úr svona augljósum
'anköntum verði bætt.
Ekki dugar að ljúka umræðunni um yfirbyggingu
shipa, án þess að minnst'sé á innréttingu efradekks. Það
'þrðist ekki vera gert ráð fyrir í mörgum tilfellum að
yfirbygging sú sem gerð er á skipunum og er oft úr mun
Þynnra efni en byrðingur geti fengið á sig gat, að minnsta
kosti er á mörgum skipanna ekki þiljað með vatnsþéttum
skilrúmum það rúm sem myndast hefur \ ið brevtinguna.
Þetta verður að laga.
Farist hefur til dæmis fyrir að halda vatnsþéttu skil-
rúmi í stafni, eins og gert er undir neðra þilfari.
Á síðustu árum hafa næturnar stækkað jafnt og þétt og
er nú svo komið að þær ná uppfyrir skjólborð þau sem
fyrir hendi eru, þarna þarf að gera úrbætur, svo menn
detti ekki í sjóinn við nótadráttinn.
Nokkur ágreiningur hefur orðið milli Siglingamála-
stofnunarinnar og Rannsóknanefndar sjóslysa útaf til-
lögum þeim sem gerðar voru af nefndarinnar hálfu,
vonandi geta þessar stofnanir slíðrað sverðin og tekið upp
umræðu um þær tillögur sem til úrbóta geta orðið.
Skipbrunar
Skipabrunar eiga sér stað enn sem fyrr. I flestum til-
fellum magnast eldurinn með svo skjótum hætti að við
ekkert er ráðið. Ekki liggur fyrir hvað valdið hefur í-
kveikjunni og sjálfsagt erfitt fyrir áhöfnina að gera sér
grein fyrir upptökum eldsins, hvað þá heldur Siglinga-
málastofnunina.
Mikilsvert er því að ávallt séu notuð þau bestu tæki til
brunavarna sem kostur er á. Nú er komið á markaðinn
brunavarnarefni, sem telja verður að valdi byltingu í
þessum efnum og verður vonandi unnið að því að taka
það í notkun þegar aðstæður eru orðnar þannig hér að
hægt er að þjóna flotanum. Búnaður af því tagi sem
um er að ræða er nú í nokkrum íslenskum skipum og á
vonandi eftir að ryðja sér til rúms á skömmum tíma.
Meðferð öryggistækja er eitt af því sem menn þurfa
helst að kunna, kannski er of lítið að því gert um borð
að hafa kynningu á þessum tækjum, en allir sjá hve það
er mikils virði ef eldur kemur upp, þá getur það skipt
sköpum, hvort áhöfnin er kunnug því hvar tækin eru stað-
sett og þeim sé kunnugt um meðferð þeirra, svo er um
öll þau tæki, sem um borð eru. Það hefur verið skorað
á samgönguráðherra að hann hlutist til um að gerð verði
kennslumynd um meðferð og notkun gúmbáta og myndin
verið notuð í t.d. Stýrimannaskólanum. í sjónvarpi og við
námskeiðahald þar sem kynnt eru hin ýmsu tæki, sem um
borð í skipunum eru.
Skiptapar af völdum leka
Skiptapar eiga sér stundum stað í besta og blíðasta
veðri og ekkert upplýsist um það, hver orsökin er fyrir
hinum bráða leka sem að skipunum kemur.
Menn velta þeirri spurningu fyrir sér hvort gleymst
hafi að skoða þessi skip og þau hafi haffæriskírteini
af vangá.
í þessum tilfellum verða yfirleitt ekki mannskaðar, en
þarna er eitthvað að, þó ekki gangi vel að spyrna við
fótum í þessum efnum. Hef ég ekki séð skýringar á þessu
fyrirbæri, og sú spurning læðist að manni, hvort það sé
víst að þessir atburðir komi ekki fyrir nema í logni?
ÆGIR — 25