Tímarit lögfræðinga - 01.12.1985, Page 46

endurgjaldslausu afnot.
Árið 1980 tóku STEF, Samband flytjenda og hljómplötuframleiðenda
og Rithöfundasamband íslands upp baráttu fyrir því að lagt yrði gjald
á þessi afnot og er greind lagabreyting árangur þeirrar baráttu.
Sá munur er á þessum nýju reglum um höfundarréttargj ald af auð-
um böndum og upptökutækjum annars vegar og samningnum um gjald
af ljósritun verndaðra verka að hið fyrrnefnda nær til einkaafnota en
einkanot af ljósritun verndaðra verka eru gjaldfrjáls sem fyrr.
Með þessari löggj öf hefur verið reynt að bæta höfundum, flytj endum
og framleiðendum að nokkru það tap sem hlýst af hinni auknu „heima-
kópieringu" verndaðra verka án þess að það hafi leitt til neinnar óbæri-
legrar hækkunar á verði hljóð- og myndbanda og upptökutækja.
Þessi tvö mál hafa verið leyst á mismunandi hátt, annars vegar með
samkomulagi rétthafa og stjórnvalda um gjald fyrir ljósritun í skólum
og hins vegar með löggjöf þar sem ekki var um neina augljósa samn-
ingsaðila að ræða. Það tók langan tíma að leysa ljósritunarmálið með
samningum en það var gert án þvingunar og tel ég það nokkurn sigur
fyrir alla aðila.
252