Ægir - 01.07.1997, Page 5

„Islendingum mjög mikilvægt að
miðla af sinni reynslu í
fiskveiðum og fiskvinnslu“
segir Grímur Valdimarsson, nýráðinn forstöðumaður
fiskiðnaðarsviðs FA(
Dr. Grímur Valdimarsson, forstjóri
Rannsóknastofnunar fiskiðnaöarins,
var nýverið rá&inn forstöðuma&ur
fiskiðnaðarsviðs Matvæla- og land-
búnaðarstofnunar Sameinuðu þjóð-
anna, FAO. Hann mun taka við starf-
inu 1. október næstkomandi og er
ráðning hans til þriggja ára. Að mati
sjávarútvegsráðuneytisins skapar
ráðning Gríms á ný mikilvæg tengsl
íslendinga við starfsemi fiskideildar-
innar og í samtali við Ægi sagði
Grímur að athyglin á íslenskum
sjávarútvegi verði óneitanlega meiri
innan FAO eftir þessa ráðningu.
Grímur telur ótvírætt að íslendingar
hafi margt að kenna öðrum þjóðum
í fiskveiðum og vinnslu og hann er
þeirrar skoðunar að Islendingar ættu
að vera ófeimnari við að miðla sinni
þekkingu og reynslu.
Grímur mun stýra fiskiðnaðarsviði,
sem er eitt af þremur sviðum fiski-
deildar FAO.
„FAO er ekki skipulagt þannig að
lönd eigi þar ákveðna fulltrúa í störf-
um en allir viðurkenna að það hefur
mikið gildi að fylgjast með hvað er að
gerast hjá þessum stofnunum. Þó svo
að mikilvægi stofnana af þessu tagi í
ýmsum málaflokkum sé mismunandi
frá einu tímabili til annars þá getur
það breyst á mjög skömmum tíma. Til
dæmis hefur FAO verið að velta fyrir
sér hvort stofnunin geti veitt vottun
um hvort lönd séu að veiða skynsam-
lega úr sínum stofnum og það sýnir
að tengslin við stofnunina geta verið
mikilvæg, ekki síst fyrir okkur íslend-
inga," segir Grímur.
Grímur Valdimarsson, verðandi forstöðu-
maður fiskiðnaðarsviðs FAO.
Undir fiskiðnaðarsvið FAO, sem
Grímur mun stýra, heyra fiskvinnsla,
markaðsmál og veiðarfæri.
„Starfið felst í ráðgjöf, fræðslu og út-
tektum en bæði er um að ræða að FAO
hafi sjálft frumkvæði að einstökum
verkefnum og að leitað sé til stofnun-
arinnar eftir ráðgjöf. Undir þetta svið
heyrir einnig upplýsingakerfi á inter-
netinu um markaðsverð á fiskafurðum
víða um heim og ýmis starfsemi tengd
því," segir Grímur.
Eigum að miðla reynslu
af fiskveiðistjórnuninni
Aðspurður um hvort með starfi
hans skapist tækifæri fyrir íslendinga
til að koma á framfæri íslenskri
þekkingu á fiskveiðum og fiskvinnslu
segir Grímur að íslendingar ættu að
horfa meira til þess að miðla reynslu
sinni en hingað til.
„Það eru mjög fáar þjóðir sem hafa
jafn mikla og nána reynslu af veiðum
og fiskiðnaði. Ég held þess vegna ab
við höfum miklu meira að miðla en
við gerum. Reynslan af fiskveiöi-
stjórnunarkerfinu er mjög eftirtektar-
verð en við höfum í raun verið frá
1976 í tilraunum með aflamarkskerfi í
einhverri mynd. Kerfið er þannig búið
að ganga í gegnum mikla umræðu og
mikla gagnrýni og endurskoðun en í
dag er það svo að á íslandi finnst varla
nokkur mabur sem mælir með frjáls-
um fiskveiðum. Ég held að þab sé
mjög fróðlegt fyrir aðrar þjóðir að fá
að heyra hvernig þróunin varð hér og
hvaða árangri þetta skilaði. Við sjáum
að sumar þjóðir eru að reyna að tak-
marka veiðar með því eingöngu að
takmarka vélarafl skipa og gerð
veiðarfæra sem að mínum dómi er
varhugavert og getur leitt til óhag-
kvæmni. Þab er staðreynd að óhag-
kvæmni í fiskveiðum í heiminum er
alveg gríðarleg. Alþjóöleg tenging er
þess vegna mjög holl fyrir okkur, hvort
heldur er í gegnum fyrirtæki eða með
tengslum við alþjóðastofnanir eins og
t.d. FAO," segir Grímur.
Eins og áður segir tekur Grímur
Valdimarsson við starfi sínu þann 1.
október, en dr. Hjörleifur Einarsson
tekur við starfi hans hjá Rannsókna-
stofnun fiskiðnaðarins. Starfsvettvang-
ur Gríms verður í Róm þar sem em
höfuðstöðvar FAO.
ÆGIR 5