Ægir - 01.07.1997, Page 29

Aðspurður um markaðsmálin segir
Sigurður að þau komi stjórnvöldum
ekki við. Það sé ekki þeirra að hafa
áhyggjur af því hvort aflinn seljist.
Það sé í verkahring útgerðanna að
annast þau mál.
„Ef síðan í ljós kemur að útgerðirn-
ar ná ekki að selja þessar afurðir þá
verðum við auðvitað bara að taka því.
Stjórnmálamennirnir eiga að sjálf-
sögðu að sýna hugrekki, leyfa hval-
veiðar og fá þannig prik hjá þjóðinni.
Við getum án efa horft til fjölmargra
annarra en Japana. Eitt er víst að
stjórnmálamönnunum verður aldrei
kennt um það ef engir nást samningar
um söluna. Þeim verður hins vegar án
efa kennt um það áfram að ekki fáist
heimild til þess að veiða."
Veiðar árið 2000
Hvalaskipstjórinn segist bjartsýnn á að
hvalveiðar verði hafnar við ísland inn-
an skamms tíma. Hann segist ekki bú-
ast viö að þurfa að bíða lengur en til
ársins 2000.
„Mér sýnist allt stefna í að við fáum
að veiða hrefnu á næsta ári og í fram-
haldi af því kemur hvalurinn líka. Við
þurfum hugaða stjórnmálamenn sem
þora að taka djarfar ákvarðanir. Að
vísu hefur mér heyrst að forsætisráð-
herrann sé ekki alveg sáttur við þetta
en kannski verður hægt að beygja
hann. Eitt er víst að ég er klár í slaginn
og færi á morgun af kallið kæmi," seg-
ir Sigurður sem á sér þann draum að
hann nái að minnsta kosti einni vertíð
„Eitt er víst að ég er
klár íslaginn..."
áður en hann kemst á aldur. Hann
hefur ekki áhyggjur af því að frið-
unaröflin gætu skemmt fyrir
íslendingum á mörkuðum með fiskaf-
urðirnar. Það hafi ekki gerst á sínum
tíma og því skyldi það þá gerast í dag.
Hann segir vel hægt að halda úti
hvalaskoðunarferðum fyrir ferðmenn
þótt einhverjr aðrir á sama landi séu
að veiða hvalina. „Þetta á allt saman
að geta gengiö saman. Við getum al-
veg búist við einhverjum vandræðum
en ef menn eru undir þau búnir á vel
að vera hægt að leysa úr þeim farsæl-
lega. Réttlætið hlýtur að sigra að lok-
um, jafnvel þótt það taki langan
tíma."
Hvalbátarnir liggja bundnir við
hafnarbakka í Reykjavík og í maga
þeirra bíða gufuvélarnar eftir því að
verða ræstar. Gufuvélarnar voru not-
aðar þar sem talið var að hvalurinn
væri of viðkvæmur fyrir höggum dísel-
vélanna. En hvað með skipin sjálf, eru
þau enn í nothæfu ástandi?
„Já, það tel ég vera, a.m.k. til að
byrja með. Það mætti fara af stað með
þau og reyna svo að endurnýja ef vei
gengur og útlit verður fyrir að eitt-
hvert framhald verði á veiðum. Ég er
að verða gamall og kannski sýnist eig-
endum þessara fleyja að ekki sé pláss
fyrir mig þegar og ef af því kemur að
við fáum að veiða hval. Mig dreymir
um að spá mín um veiðar árið 2000
verði að veruleika og að ég þurfi ekki
að láta það duga að fara með sem far-
þegi þegar ég verð kominn á aldur,"
segir Sigurður Njálsson.
Rússunum gengur erfiölega við
þorskinn í Barentshafi
Þrátt fyrir aukna kvóta í Barentshafi
hafa fiskveiðar Rússa þar gengið frem-
ur brösuglega fyrstu mánuði þessa
árs. í lok apríl höfðu rússnesk fiskveiði-
skip sem gerð eru út frá Murmansk aðeins veitt um 14%
af þorskveiðikvóta sínum og 15% af ýsukvótanum en á
sama tíma í fyrra höfðu skipin veitt 25% af þorskkvótanum
og 35% af ýsukótanum. Veður hamlaði mjög veiðum í upp-
hafi órsins en samkvæmt heimildum frá Rússlandi hefur
það einnig gert sjómönnum erfitt um vik að þorsk- og ýsu-
stofnar hafa ekki fylgt hefðbundnu göngumynstri. Heildar-
afli Rússa fyrstu þrjá mánuði ársins er talinn vera um 1.245
þúsund tonn en það er um 110 þúsund tonnum minna en á
sama tíma í fyrra. Gera má ráð fyrir að veiðin í Barentsthafi,
hafi glæðst í maí og júní ef marka má tölur um landanir
rússneskra skipa í Noregi. Nú um
miðjan júní höfðu erlend skip (lang-
flest rússnesk) landað 61.300 tonnum
af fiski hjá Norges Rafisklag en það er
litlu minna en á sama tíma í fyrra. Þetta er ekki síður at-
hyglisvert í Ijósi þess að rússneska fiskveiðinefndin hafði
sett það sem markmið að draga skyldi úr útflutningi á
óunnum fiski frá Rússlandi um einn fjórða á þessu ári og
því höfðu menn almennt gert ráð fyrir mun minni löndunum
Rússa í Noregi. Hins vegar hafa rússnesk skip landað mun
minna af fiski hér á íslandi það sem af er þessu ári. Á tíma-
bilinu janúar-maí í fyrra lönduðu rússnesk skip alls um
10.856 tonnum af þorski á (slandi en á sama tímabili í ár
hafa Rússar aðeins landað um 2.500 tonnum af þorski og
nemur samdrátturinn hvorki meira né minna en 75%.
Reytingur
ÆGIR 29