Ægir - 01.06.2000, Side 10

FISKVEIÐISTJÓRNUN
Sjávarútvegsráðherra
ákveður
hámarksafla og aflareglu
Miklar sveiflur hafa verið í stofnstærðarmælingum á þorski á síðustu misserum og væri óbreyttri
aflareglu beitt við ákvörðun hámarksafla á þorski fyrir næsta fiskveiðiár yrði aflahámarkið ákveðið
203 þúsund tonn, en var 250 þúsund tonn á yfirstandandi fiskveiðiári. „Svo miklum sveiflum milli
ára fylgir augljóst óhagræði," segir sjávarútvegsráðuneytið.
Sjávarútvegsráðherra hefur
gefið út reglugerð um
leyfilegan hámarksafla á
næsta fiskveiðiári. Er þar
að verulegu leyti farið eftir
ráðgjöf Hafrannsókna-
stofnunar, nema hvað
nokkuð er vikið frá tillögu
stofnunarinnar um há-
marksafla í þorski. Hafró
lagði til að hann yrði 203
þúsund lestir, en ákvörðun
ráðherrans var 220 þúsund
lestir. Hámarksþorskafli
yfirstandandi fiskveiðiárs
var 250 þúsund lestir.
Hámarksþorskafli í ýsu á næsta fiskveiði-
ári verður 30 þúsund lestir, jafn mikill í
ufsa og 57 þúsund lestir í karfa. Sé vikið
að flatfisktegundum þá verður á næsta
fiskveiðiári heimilt að veiða 20 þúsund
lestir af grálúðu, fjögur þúsund lestir af
skarkola, 1.100 lestir af langlúru, 5.500
lestir af sandkola, 5.000 tonn af skráp-
flúru og af þykkvaflúru verður heimilt að
veiða 1.400 lestir. Hámarksafli í steinbít
verður 13 þúsund lestir. I síld verður há-
marksaflinn 110 þúsund lestir, í úthafs-
rækju 20 þúsund lestir, í síld 110.000
þúsund lestir og í úthafsrækju 20 þúsund
lestir. Þá verður heimilt að veiða 1.200
lestir af humri, af hörpudisk 9-300 lestir
og af innfjarðarækju 2.200 lestir.
„Akvörðun um leyfilegan heildarafla í
innfjarðarækju verður endurskoðuð að
fengnum nýjum tillögum Hafrannsókna-
stofnunarinnar. Þá er gert ráð fyrir að
leyfilegur heildarafli loðnu verði 975 þús.
lestir á fiskveiðiárinu og af því magni
koma um 790 þús. lestir í hluc Islands,"
segir í frétt frá sjávarútvegsráðuneytinu.
Síðustu fimm ár hefur verið í gildi
svokölluð aflaregla í þorski. Hún er þess
efnis að einungis er heimilt að veiða 25%
af stærð veiðistofns þorsks, sem er meðal-
tal í upphafi árs og upphafi þess næsta, en
þó ekki minna en sem nemur 155 þúsund
tonnum hvert fiskveiðiár. Þessi aflaregla
var samþykkt af ríkisstjórninni. Alla tíð
var þó gert ráð fyrir að aflareglan kæmi til
endurskoðunar að liðnum nokkrum árum
frá upphafi hennar.
Miklar sveiflur hafa verið í stofnstærð-
armælingum á þorski á síðustu misserum
og í frétt frá sjávarútvegsráðuneytinu seg-
ir að væri óbreyttri aflareglu beitt við
ákvörðun hámarksafla á þorski fyrir næsta
fiskveiðiár yrði aflahámarkið ákveðið 203
þúsund tonn, en var 250 þúsund tonn á
yfirstandandi fiskveiðiári. „Svo miklum
sveiflum milli ára fylgir augljóst óhag-
ræði,“ segir í fréttinni.
Sjávarútvegsráðherra hefur því sett nýja
aflamarksreglu f samráði við Hafró. Hún
felast í að fella niður 155 þúsund tonna
lágmarkið en takmarka breytingar á afla-
hámarki í þorski milli fiskveiðiára þannig
að afli milli ára breytist aldrei meira en
sem nemur 30 þúsund lestum. Aflahá-
markið í þorski verður því samkvæmt
nýrri reglu 220 þúsund tonn á næsta fisk-
veiðiári. Reglan gildir bæði til hækkun-
ar og lækkunar, þannig að á fiskveiðiár-
inu 2001 til 2002 getur hámarksafli ekki
orðið meiri en meiri en 250 þúsund tonn.
„Þessi nýja regla mun, þegar litið er til
næstu framtíðar, ekki síður hafa jákvæð
áhrif á viðgang þorskstofnsins en eldri
reglan, en mun draga úr sveiflum í
ákvörðun um hámarksafla milli ára,“ seg-
ir í frétt frá ráðuneytinu.