Árbók Háskóla Íslands - 31.12.1998, Side 82

Ráðgjöf og þjónusta
Málstöðin svarar fyrirspurnum um íslenskt mál og veitir ráð og leiðbeiningar um
málfarsleg efni. oftast í síma en einnig í tölvupósti og bréflega. Þessi ráðgjöf er
tímafrekur þáttur í starfseminni. Spurningar eru að jafnaði skráðar í gagnagrunn
í tölvu. Árið 1998 voru skráðar á þennan hátt um 2.400 fyrirspurnir en vanhöld
vilja verða á skráningu þegar annríki er mikið. Áætlað er að alls hafi fyrirspurnir
og svör verið samtals um 2.900 á árinu.
Umsagnir, ályktanir. samþykktir. álitsgerðir o.fl.
M.a. má nefna eftirfarandi:
Umsögn íslenskrar málnefndar um þingsályktunartillögu um nýtt starfsheiti fyrir
ráðherra.
Umsögn íslenskrar málnefndar um frumvarp til laga um breytingu á lögum nr.
73/1969. um Stjórnarráð íslands. með síðari breytingum.
Bréf til samgöngunefndar Alþingis vegna frumvarps til laga um loftferðir en
stjórn málnefndar taldi mjög varhugavert að lögfesta það óbreytt eða án frekari
skýringa.
Ábending um að forðast erlendan rithátt í auglýsingum. einkum þá tilhneigingu
að rita stóra stafi í stað lítilla í upphafi orða í auglýsingum og öðru ritmáli. (Send
auglýsingastofum. þeim sem kenna grafíska hönnun. dagblöðum og sjónvarps-
stöðvum.)
Ábending um að nota ekki sjálfvirka símsvörun á erlendu máli í opinberum
stofnunum. (Send háskólarektor og þjóðminjaverði.)
Bréf til forstjóra Landssímans hf. og afrit til forsætis-. menntamála- og sam-
gönguráðuneyta um þá ákvörðun Landssímans að taka í notkun hugbúnaðar-
lausnir úr upplýsingakerfinu SAP sem er allt á ensku og bjóða starfsmönnum
fyrirtækisins enskunámskeið í stað þess að þýða kerfið á íslensku.
Tekin var til umræðu í stjórn málnefndar staða íslenskrar tungu á Norðurlöndum
og í norrænu samstarfi. Ákveðið var að umræðuefni norræna málnefndaþingsins
1999 á íslandi yrði sambúð dönsku. norsku og sænsku við önnur tungumál á
Norðurlöndum.
Samdar voru álitsgerðir um ýmis atriði í íslensku máli að beiðni nokkurra aðila.
Guðrún Kvaran. Sigríður Sigurjónsdóttir og Sigrún Helgadóttir voru tilnefndar af
hálfu stjórnar íslenskrar málnefndar í stjórn Málræktarsjóðs frá júní 1998 til fjög-
urra ára. Kristján Árnason gaf ekki kost á sér til áframhaldandi setu í stjórn Mál-
ræktarsjóðs.
Nýyrða og íðorðastörf
Nýyrði og nýyrðatillögur, sem rekur á fjörur íslenskrar málstöðvar. eru tölvu-
skráðar.
Mikið af starfsemi íslenskrar málstöðvar er á einhvern hátt tengt íðorðastörfum.
Málstöðin annast fyrir hönd (slenskrar málnefndar tengsl við orðanefndir sem
starfa á ýmsum sérsviðum og er þeim innan handar á margan hátt. í árslok 1998
voru samtals 47 orðanefndir á skrá í Islenskri málstöð. Halldór Halldórsson pró-
fessor starfaði á vegum íslenskrar málnefndar sem málfarslegur ráðunautur
Orðanefndar byggingarverkfræðinga. Ritstjóri Tötvuorðasafns. Stefán Briem. hafði
vinnuaðstöðu í íslenskri málstöð og orðanefnd Skýrslutæknifélags Islands hélt
þar fundi. Haldið var áfram samvinnu við Orðanefnd Félags viðskiptafræðinga og
hagfræðinga um gerð hagfræðiorðasafns.
Orðabanki íslenskrar málstöðvar
I árslok voru í birtingarhluta orðabankans 22 orðasöfn. I árslok voru vinnusvæði í
orðabankanum fyrir 39 orðasöfn. Hinn 15. október var fullur aðgangur að birt-
ingarhluta orðabankans takmarkaður við áskrifendur. Samstarfssamningar. sem
undirritaðir höfðu verið við rétthafa orðasafna utan málnefndar og málstöðvar.
voru í árslok 18 talsins.
Þjónusta við þýðendur
Dóra Hafsteinsdóttir annaðist þjónustu við þýðendur ásamt umsjón með orða-
78