Árbók Háskóla Íslands - 31.12.2003, Qupperneq 82

Guðfræðideild og fræða-
svið hennar
Starfsfólk
Arnfríður Guðmundsdóttir var ráðin í lektor í samstæðilegri guðfræði með sér-
stakri áherslu á kvennaguðfræði frá 1. júlí. Sólveig Anna Bóasdóttir sótti um
starfið á móti henni og voru báðar metnar hæfar en niðurstaða deildarfundar var
að mæla með því að Arnfríður yrði ráðin. Hún hafði áður gegnt um þriggja ára
skeið tímabundnu lektorsstarfi við deildina.
Arnfríður er fyrsta konan til að hljóta fastráðningu við guðfræðideild. Um leið og
hún var ráðin hlaut hún framgang í starf dósents þar sem dómsnefnd hafði fyrr á
vormisserinu komist að þeirri niðurstöðu að hún væri hæf til að hljóta slíkan
framgang í starfi.
Ráðning Arnfríðar nær ekki að vega upp á móti því að tveir af reyndustu kennur-
um deildarinnar höfðu látið af störfum í lok ársins 2002. þeir Björn Björnsson.
sem skipaður var prófessor við deildina 1. júní 1969. og Kristján Búason, sem
skipaður var dósent í ársbyrjun 1975. Það hefur því fækkað í hópi fastráðinna
kennara deildarinnar. Er óskandi að það ástand vari ekki lengi.
Nýskipan náms í guðfræðideild
Sú nýskipan guðfræðinámsins sem gerð var grein fyrir í Árbók 2002 hefur mælst
mjög vel fyrir meðal nemenda. Fyrsta námsárið í deildinni þykir mun betur
heppnað en áður. Miðað er við að það veiti innsýn í öll fræðasvið deildarinnar og
sé sameiginlegt fyrir nemendur. óháð því hvort þeir hyggja á BA-nám eða hefð-
bundið nám til embættisprófs (cand. theol.).
Eitt helsta nýmælið er raunar það að nú er miðað við að allir nemendur tjúki BA-
námi (90 einingum). Síðan eiga þeir þriggja kosta völ: (a) að láta þar staðar
numið, (b) að halda áfram hefðbundnu námi til embættisprófs eða (c) að taka MA-
nám með áherslu á einhvert fræðasviða guðfræðinnar.
Hugmyndin að baki nýrri námsskipan er ekki síst sú að með henni megi bæta
námsframvindu nemenda. BA-gráðan verði hvati til að Ijúka mikilvægum áfanga
og örvi jafnframt nemendur til að halda áfram náminu.
Nú er í boði þverfagtegt nám í almennum trúarbragðafræðum sem 30 eininga
aukagrein til BA-prófs og lofar góðu. Vonir standa til að fljótlega verði unnt að
auka fjölbreytni þess en að því standa guðfræðideild, heimspekideild og félags-
vísindadeild. Er ástæða til að ætla að þarna liggi einn helsti vaxtarbroddur guð-
fræðideildar.
Fjölgun nemenda
Nemendum fjölgaði talsvert á árinu. Nýnemar voru alls 44 og hafa ekki verið fleiri
áður. Að einhverju leyti má rekja þessa fjölgun til markviss kynningarstarfs sem
var einkum í því fótgið að nemendur deildarinnar heimsóttu framhaldsskólana og
kynntu deild sína. Litlu sem engu var hins vegar kostað til við gerð kynningar-
bæklinga.
Alls voru 148 nemendur skráðir í deildina á árinu en ekki dugði sú fjölgun til þess
að skila deildinni auknum fjármunum. Þarspilar inn í að námsframvinda nem-
enda er í mörgum tilfellum mjög hæg og skilar meðalguðfræðineminn tiltölulega
fáum þreyttum einingum. Konur eru sem fyrr í miklum meirihluta nemenda þótt
hlutföll milli kynjanna hafi jafnast nokkuð á árinu.
Nefndir og stjórnir
Kristján Valur Ingólfsson lektor var valinn fulltrúi guðfræðideildar í stjórn Leik-
mannaskóla þjóðkirkjunnar. Arnfríður Guðmundsdóttir dósent til vara. Einar Sig-
urbjörnsson prófessor var valinn fulltrúi guðfræðideildar í nefnd á vegum kirkj-
unnar vegna fyrirhugaðrar ráðstefnu um málefni kirkjutónlistar. Félag guðfræð-
inga var stofnað í upphafi haustmisseris og er það yfirlýstur vilji þeirra sem að fé-
laginu standa að eiga gott samstarf við guðfræðideild og að einn stjórnarmanna
komi jafnan úr guðfræðideildinni. Gunnlaugur A. Jónsson prófessor var kosinn í
fyrstu stjórn félagsins.
78