Dýraverndarinn - 01.05.1965, Qupperneq 18

Rotturnar og kvenskótízkan
Svo sem þið sjáið hér á myndinni ern tvær rottur
Jrarna hjá kvenskónum, og þær eru að ræða saman.
Önnur er ung og lítið reynd, hin gömul, hefur víða
farið og margt séð. Sú yngri virðir fyrir sér skóna,
og kannski eru þær báðar að hugsa um að leggja sér
þá til munns, en finnst þeir svo sem ekki ýkja matar-
miklir. Svo segir sú eldri við þá yngri:
„Ja, þú mátt gera hvort þú vilt, trúa mér eða trúa
mér ekki, en ég ætla nú samt að segja þér dálítið,
sem er ótrúlegt, en dagsatt.“
„Já, blessuð gerðu það, heillin," segir sú yngri.
„Nú, jæja. Það er þá þetta: Ég hef lifað það í æsku
minni að sjá kvenskó, sem voru það heillegir, að ég
gat einu sinni falið mig í öðrum þeirra og þannig
beinlínis bjargað lífi mínu.“
„Ég er svo aideilis hissa “, sagði sú yngri og sló sig
með halanum á lærið af hreinni undrun. „Það er
ekki slíku að heilsa nú til dagsl“
Landneminn í Surtsey
Þarna er mynd, sem dr. Finnur Guðmundsson tók
af öðrum landnema í Surtsey en þeim, sem var fram-
an á kápu seinasta blaðs. Og vesalingurinn, sem
kannski hefði orpið eggi í eyjunni og alið þar upp
unga, liggur nú trúlega dauður, varla að hrafninn
eða svartbakurinn hafi viljað leggja hann sér til
munns, ataðan liinni andstyggilegu olíu.
Verð blaðsins
Eins og frá er skýrt í síðasta tölublaði, hefur verð
blaðsins alltaf verið miklu lægra en svo, að von gæti
verið til, að jrað borgaði sig. Og þar eð kostnaðurinn
hefur alltaf verið að aukast, hefur stjórn og aðal-
fundur ekki séð sér annað fært en hækka þennan
árgang upp í kr. 75.00, sem er ekki hálfvirði, saman-
borið við verðhækkanirnar á öllu, sem til blaðsins
þarf.
DÝRAVERNDARINN
Útgéfandi: Samband dýravemdunarfélaga íslands. Ritstjóri:
Guðniundur Gíslason Hagalín. Pósthólf 1342, Reykjavík.
Simi 18340. Verð blaðsins er kr. 75,00. Gjalddaginn 1. apríl.
Afgrciðslumaður er Ingimar Jóhannesson, Laugarásvegi 47,
simi 33621. Daglega er unnt að greiða biaðið á Fræðslu-
málaskrifstofunni frá kl. 9—12 f. h., og er æskilegt, að
kaupendur komi þar sem flestir við og greiði andvirði
Dýraverndarans. Sími er þar 18340.
Prentsmiðjan Oddi h.f., Reykjavik.
50
DÝRAVERNDARINN