Hlín - 01.01.1930, Page 77

min
75
Einn þeirra pilta, sem lærðu undir skóla hjá afa
mínurn, var faðir minn. Kyntist hann þá fyrst móður
minni og feldu þau hugi saman. En ekki leitaði hann
þess ráðahags fyr en síðar. En afi minn var því mót-
fallinn. Mun honum hafa þótt þau of skyld. Þau voru
systkinab'örn. Sagði móðir mín mjer, að aldrei hefði
sjer til hugar komið að giftast gegn vilja föður síns.
Hann dó haustið 1878. Harmaði hún hann mjög..
Systurnar hjeldu áfram búskap á Hallormsstað eftir
lát föður þeirra, en sr. Sveini Níelssyni var veitt
brauðið. Hann var þá gamall maður og farinn að
heilsu. Sagði hann af sjer prestsskap að ári liðnu. Sr.
Páll Pálsson fjekk þá Hallormsstaðaprestakall, en
settist að í Þingmúla í Skriðdál. En þessi prestaköll
höfðu verið sameinuð um hríð.
Vorið 1880 flutti faðir minn að Hallormsstað ásamt
stjúpu sinni. Höfðu þau búið í Hrafnsgerði nokkur ár
eins og áður er sagt. 21. júní það sama ár, var haldið
brúðkaup þriggja brúðhjóna á Hallormsstað. Giftust
þar, auk foreldra minna, Margrjet Sigurðardóttir,
systir móður minnar og sr. Jón Jónsson í Bjarnarnesi
og Ragnhildur Stefánsdóttir frá Stakkahlíð, frændkona
þeirra systra og Páll Benediktsson frá Gilsá. Var þetta
ein hin veglegasta brúðkaupsveisla, er lengi hafði ver-
ið haldin þar um slóðir.
Stjúpa mín tók við búsforráðum með föður mínum.
Gerði hún það fyrir bænastað foreldra minna, því
móðir mín treysti sjer ekki til þess, bæði sökum van-
heilsu og líklega ekki síst vegna þess, að hún var slík-
um störfum óvön, eins og á hefur verið minst. En þetta
var erfitt starf, því heimilið var stórt og mannmargt.
Gerðist faðir minn brátt umsvifamikill í búskapnum.
Bygði hann timburhús það, sem enn er aðalíbúðarhús
á Hallormsstað, hjelt skóla á vetrum fyrir pilta og
stofnaði blað fyrir Austurland og gerðist ritstjóri 'þess.