Heilbrigðismál - 01.03.1983, Blaðsíða 25

Húsnæðismál heilsugæslustöðva / 8:
Reykj a ví kurlæknishérað
Hér birtist áttundi og síðasti hluti
greinaflokks um heilsugœslustöðv-
ar. Sú stefna sem mörkuð var með
heilbrigðisþjónustulögunum árið
1973 hefur ekki komist í fram-
kvœmd í Reykjavík nema að litlu
leyti, en breytinga er að vœnta á
nœstunni.
Það er Ingibjörg R. Magnúsdótt-
ir, deildarstjóri í heilbrigðis- og
tryggingamálaráðuneytinu, sem
hefur tekið saman þessar greinar,
að beiðni ritstjóra Heilbrigðismála.
Reykjavíkurborg er eitt læknis-
hérað. íbúatalan var 85.782 hinn 1.
desember 1982. í Reykjavíkurhéraði
er veitt mun fjölbreyttari heilbrigðis-
Þjónusta en annars staðar á landinu,
°g þangað sækir því fjöldi lands-
nianna hvaðanæva að ýmiss konar
heilbrigðisþjónustu. Þar situr yfir-
stJórn heilbrigðismála, þar eru
stærstu sjúkrahúsin með sérhæfða
Þjónustu, þar eru sérfræðingar í
ýmsum greinum læknisfræði og öðr-
ntn heilbrigðisgreinum, og þar hljóta
heilbrigðisstéttir að mestu leyti
ntenntun sína.
1 Reykjavík er Landspítalinn,
Borgarspítalinn og St. Jósepsspítali
að Landakoti. Allt eru þetta deilda-
sjúkrahús, er veita sérhæfða með-
ferð í helstu greinum læknisfræðinn-
ar og hafa stoðdeildir, svo sem rönt-
gendeild, svæfingadeild, rann-
sóknadeild og endurhæfingardeild.
Þá er þar geðsjúkrahús ríkisins,
Kleppsspítalinn. Landspítalinn,
Kleppsspítalinn, Vífilsstaðaspítali í
Garðabæ og Kristneshæli í Eyjafirði
eru rekin af ríkinu sem ein heild,
Ríkisspítalar. Reykjavíkurborg rek-
ur Borgarspítalann og Fæðingar-
heimili Reykjavíkur, og Félagsmála-
stofnun Reykjavíkur rekur Hjúkrun-
ar- og dvalarheimili fyrir aldraða -
Droplaugarstaði. Þá eru tvær fjöl-
mennar sjálfseignarstofnanir, sem
reknar eru sem hjúkrunar- og dval-
arheimili. Það eru Elli- og hjúkr-
unarheimilið Grund og Hrafnista,
dvalarheimili aldraðra sjómanna.
Grund hefur tvö „útibú" í
Hveragerði, Ás og Ásbyrgi. Reykja-
víkurborg hefir komið upp allmörg-
um íbúðum fyrir aldraða á ýmsum
stöðum í borginni. Margar fleiri
heilbrigðisstofnanir og starfsemi ým-
iss konar mætti nefna, en hér verður
staðar numið.
Lyfjabúðir (apótek) eru nú 13 í
Reykjavík og búið að veita rekstrar-
leyfi fyrir þeirri fjórtándu, sem stað-
sett verður í Breiðholti III, og einni
á Seltjarnarnesi. Tannlæknar í
Reykjavík eru 117. Héraðslæknir í
Reykjavík og um leið borgarlæknir
er Skúli G. Johnsen, aðstoðarborg-
arlæknir er Heimir Bjarnason.
í lögum um heilbrigðisþjónustu
nr. 57/1978 segir svo um Reykja-
víkurhérað: „Staðarval heilsugæslu-
stöðva og fyrirkomulag um sam-
vinnu stöðva innan héraðsins verði
ákveðið af borgarstjórn í samráði
við héraðslækni og staðfest af ráð-
Gert er ráð fyrir tólf til fjórtán
heilsugæslustöðvum í Reykjavík
en fjórar hafa tekið til starfa
HEILBRIGÐISMÁL 1/1983 25