Fréttablaðið - 29.12.2009, Qupperneq 50

30 29. desember 2009 ÞRIÐJUDAGUR
sport@frettabladid.is
HANDBOLTI „Ég var á fundi með for-
ráðamönnum Lemgo og eftir það
er endanlega ljóst að ég fer frá
félaginu næsta sumar,“ sagði Logi
Geirsson í samtali við Fréttablaðið
í gær. Samningur hans við félagið
rennur þá út og hann verður ekki
endurnýjaður.
„Ég er búinn að vera hér í sex ár
og þetta er því fínn tími til þess að
prófa eitthvað nýtt. Ég er dottinn í
meðalmennskuna hérna og orðinn
mubla í bænum. Það þýðir að tími
er kominn á ný ævintýri,“ segir
Logi sem vildi upphaflega komast
frá félaginu eftir Ólympíuleikana
en varð ekki að ósk sinni þá.
Lemgo er í fjárhagskröggum og
reynir að létta á launaliðnum þessa
dagana. Góðir og dýrir leikmenn
eru á förum og í staðinn er félagið
að kaupa minni spámenn.
Á fundi Loga með forráðamönn-
um félagsins kom fram sú krafa
félagsins að hann spilaði ekki með
íslenska landsliðinu á EM. Það tók
landsliðsmaðurinn ekki í mál og
hann ætlar að gera allt sem hann
getur til þess að hjálpa landsliðinu
í Austurríki.
Hvað tekur svo við hjá Loga
næsta sumar?
„Það er allt óráðið. Ég held öllum
möguleikum opnum. Það kemur
allt til greina, meira að segja
Ísland. Ég er alveg nógu bilaður
til að taka upp á því að koma til
Íslands í eitt ár og hlaða rafhlöð-
urnar,“ segir Logi léttur.
Lemgo verður því Íslendinga-
laust á næstu leiktíð þar sem félag-
ið ætlar ekki að endurnýja samn-
inginn við Vigni Svavarsson.
- hbg
Lemgo vill ekki að Logi Geirsson spili á EM í janúar:
Logi á förum frá Lemgo
HVERT SKAL HALDA? Logi heldur öllum möguleikum opnum. NORDIC PHOTOS/BONGARTS
Enska úrvalsdeildin
Blackburn - Sunderland 2-2
0-1 Darren Bent (51.), 1-1 Morten G. Pedersen
(52.), 1-2 D. Bent (64.), 2-2 El Hadji Diouf (76.).
Chelsea - Fulham 2-1
0-1 Zoltan Gera (3.), 1-1 Didier Drogba (72.).
Everton - Burnley 2-0
1-0 James Vaughan (82.), 2-0 Steven Pienaar (91.).
Stoke City - Birmingham 0-1
0-1 Cameron Jerome (49.).
Tottenham - West Ham 2-0
1-0 Luka Modric (10.), 2-0 Jermain Defoe (80.),
2-0 Jermain Defoe (81.)
Wolves - Manchester City 0-3
0-1 Carlos Tevez (33.), 0-2 Javier Garrido (69.),
0-3 Carlos Tevez (86.).
STAÐA EFSTU LIÐA
Chelsea 20 14 3 3 45-16 45
Man. United 19 13 1 5 40-18 40
Arsenal 18 12 2 4 47-20 38
Tottenham 20 11 4 5 42-22 37
Aston Villa 19 10 5 4 29-17 35
Man. City 19 9 8 2 38-27 35
Birmingham 20 9 5 6 20-18 32
Liverpool 19 9 3 7 36-25 30
Fulham 19 7 6 6 24-19 27
Sunderland 20 6 5 9 28-31 23
Everton 19 5 7 7 26-32 22
Stoke City 19 5 6 8 15-23 21
Blackburn 20 5 6 9 20-35 21
Burnley 20 5 5 10 22-40 20
Wolves 19 5 4 10 17-33 19
Wigan 18 5 4 9 21-39 19
West Ham 20 4 6 10 28-37 18
Bolton 17 4 5 8 24-34 17
Hull City 19 4 5 10 18-40 17
Portsmouth 19 4 2 13 17-28 14
NÆSTU LEIKIR
Aston Villa - Liverpool Í kvöld kl. 19.45
Bolton - Hull Í kvöld kl. 20.00
Portsm. - Arsenal Annað kvöld kl. 19.45
Man. United - Wigan Annað kvöld kl. 20.00
ÚRSLIT
Deildarbikarkeppni karla
Haukar - Akureyri 24-25 (11-13)
Mörk Hauka (skot): Guðmundur Árni Ólafsson
9/1 (13/1), Elías Már Halldórsson 4 (7), Tjörvi
Þorgeirsson 4 (7), Sigurbergur Sveinsson 3 (7),
Pétur Pálsson 2 (5), Stefán Rafn Sigurmannsson
2 (6), Jónatan Jónsson 1 (3), Björgvin Hólmgeirs-
son (4).
Varin skot: Aron Rafn Eðvarðsson 19/1 (43/4,
44%).
Hraðaupphlaup: 3 (Stefán Rafn 2, Elías Már 1).
Fiskuð víti: 1 (Jónatan 1).
Utan vallar: 8 mínútur.
Mörk Akureyrar (skot): Oddur Grétarsson 11/3
(15/4), Árni Þór Sigtryggsson 3 (10), Andri Snær
Stefánsson 2 (3), Jónatan Þór Magnússon 2
(6), Guðmundur Helgason 2 (4), Hreinn Þór
Hauksson 2 (3), Hörður Fannar Sigþórsson 2 (3),
Guðlaugur Arnarsson (2), Heimir Örn Árnason
(2), Geir Guðmundsson (1).
Varin skot: Hafþór Einarsson 22 (47/1, 47%).
Hraðaupphlaup: 9 (Oddur 4, Hreinn Þór 2, Andri
Snær 1, Jónatan Þór 1, Hörður Fannar 1).
Fiskuð víti: 4 (Guðlaugur 2, Hreinn Þór 1, Heimir
Örn 1).
Utan vallar: 6 mínútur.
Dómarar: Anton Gylfi Pálsson og Hlynur Leifsson,
mjög góðir.
Enska B-deildin
Barnsley - Middlesbrough 2-1
Emil Hallfreðsson lék allan leikinn með Barnsley.
Bristol City - Watford 2-2
Heiðar Helguson lék allan leikinn með Watford
og skoraði tvö mörk sem bæði voru dæmd af.
Nottingham Forest - Coventry 2-0
Aron Einar Gunnarsson lék allan leikinn með C.
Plymouth - Reading 4-1
Kári Árnason skoraði eitt marka Plymouth. Ívar
Ingimarsson, Brynjar Björn Gunnarsson og
Gylfi Þór Sigurðsson léku allir allan leikinn með
Reading en Gylfi skoraði mark liðsins í leiknum.
ÚRSLIT
Tjörvi Þorgeirsson var hetja Hauka en hann tryggði sínum mönn-
um sigur gegn Akureyri í úrslitaleik deildarbikarkeppni karla, 25-24.
Sigurmarkið skoraði hann af löngu færi á lokasekúndu
leiksins en Akureyringar höfðu frumkvæðið lengst af
í leiknum.
Norðanmenn byrjuðu mjög vel í leiknum en
Haukar skoruðu ekki mark fyrr en tíu mínútur voru
liðnar af leiknum. Hafþór Einarsson lokaði markinu og
varði alls tíu skot á fyrstu tíu mínútum leiksins. Reyndar
varði hann fyrstu sjö skotin sem komu á hann.
Eftir það komu Haukar sér æ betur inn í leikinn
og var munurinn aldrei meiri en þrjú mörk eftir
þetta. Varnarleikurinn var í fyrirrúmi hjá báðum
liðum en langbestu leikmenn liðanna í sókn voru
hornamennirnir og vítaskytturnar Guðmundur Árni
Ólafsson úr Haukum og Akureyringurinn Oddur
Grétarsson.
Haukar mættu án margra lykilmanna sem fengu frí
í keppninni og er sigur þeirra enn merkilegri fyrir vikið.
„Ég var mjög ánægður með leikmennina, sérstaklega þar
sem Björgvin var tekinn úr leik mjög snemma. Þá kom
Tjörvi sterkur inn á miðjuna og stjórnaði spilinu mjög
vel. Guðmundur Árni var frábær í horninu, Elías Már
[Halldórsson] var leiðtogi liðsins og Gísli Jón [Þóris-
son] mjög góður í vörninni. Mér fannst við sýna mik-
inn sigurvilja, sérstaklega eftir mjög slæma byrjun.“
Rúnar Sigtryggsson, þjálfari Akureyrar, var vitanlega
heldur niðurlútur eftir leikinn.
„Við þorðum bara ekki að vinna,“ sagði hann
við Fréttablaðið. „Síðasta markið í leiknum full-
komnaði klaufaskapinn. Við höfðum yfirhönd-
ina lengst af í leiknum en þeir komust svo yfir
þegar tíu mínútur voru eftir. Samt náðum við að
koma til baka en náðum ekki að halda þetta út.“
Hann segir að þó svo að það hafi verið margt ágætt við
frammistöðu Akureyringa í keppninni telji það lítið.
„Það er bara sigur sem telur í úrslitaleik – annað er bara til að
plástra mann.“
DEILDARBIKARKEPPNI KARLA: HAUKAR MEISTARAR EFTIR ÆSISPENNANDI LOKAMÍNÚTUR
Ótrúlegt sigurmark tryggði Haukum titilinn
> Fram deildarbikarmeistari
Fram varð deildarbikarmeistari kvenna eftir sigur á Hauk-
um í úrslitaleik, 27-25. Framarar voru með sex
marka forystu í hálfleik, 14-8, og var sigurinn
öruggari en lokatölurnar gefa til kynna.
Haukar áttu þó möguleika á að
minnka muninn í eitt mark undir lok
leiksins en allt kom fyrir ekki. Stella
Sigurðardóttir skoraði ellefu mörk
fyrir Fram og Ramune Pekarskyte
ellefu fyrir Hauka.
FÓTBOLTI Chelsea kom sér aftur á
sigurbrautina með naumum 2-1
sigri á sterku liði Fulham á heima-
velli í gær. Lengi vel leit þó út fyrir
að Fulham myndi ná þar óvæntum
sigri þar sem liðið komst yfir strax
á fjórðu mínútu með marki Ung-
verjans Zoltan Gera.
Fulham gekk ágætlega að verj-
ast lengi vel í leiknum en varð að
játa sig sigrað þegar Didier Drogba
skallaði í markið af stuttu færi seint
í síðari hálfleik. Sigurmarkið kom
svo stuttu síðar en um sjálfsmark
Chris Smalling var að ræða.
„Við vorum ekki góðir í fyrri
hálfleik en sá síðari var betri. Við
vorum mjög ákveðnir,“ sagði Carlo
Ancelotti, stjóri Chelsea, eftir leik-
inn. „Þetta var ekki auðvelt en við
áttum skilið að vinna. Drogba var
mjög duglegur og gaf liðinu mikinn
styrk fyrir utan að hann skoraði.
Þetta var góður sigur fyrir hann og
liðið allt,“ bætti hann við en Drog-
ba fer nú eins og svo margir aðrir
leikmenn ensku úrvalsdeildarinn-
ar í Afríkukeppni landsliða sem fer
fram í Angóla síðar í mánuðinum.
Chelsea hafði unnið aðeins einn
leik af síðustu sjö fyrir leikinn í
gær og sagði Ancelotti að sigur-
inn hafi markað tímamót. „Þetta
gæti reynst mikilvægur sigur fyrir
okkur og ég er afar ánægður með
hvernig liðið brást við eftir mótlæt-
ið. Með þessari frammistöðu er erf-
iðu skeiði lokið hjá okkur.“
Roberto Mancini tók nýverið við
Manchester City og hefur nú unnið
í báðum leikjum sínum með City
til þessa auk þess sem liðið hefur
haldið hreinu í báðum þessum leikj-
um. Nú var það Wolves sem fékk að
kenna á City en Carlos Tevez skor-
aði tvívegis og Javier Garrido eitt í
3-0 sigri á Wolves.
Birmingham heldur áfram
góðu gengi sínu en liðið komst
upp fyrir Liverpool í stöðutöfl-
unni með 1-0 sigri á Stoke. Liðið
hefur nú leikið ellefu leiki í röð
án taps. Þess má geta að Alex
McLeish, stjóri Birmingham,
hefur nú teflt fram sama liðinu í
átta leikjum í röð.
Everton og Tottenham unnu
einnig góða sigra í gær og þá
gerðu Blackburn og Sunderland
2-2 jafntefli. eirikur@frettabladid.is
Sluppu með skrekkinn
Chelsea endurheimti fimm stiga forystu á toppi ensku úrvalsdeildarinnar í gær
þökk sé 2-1 sigri á Fulham á heimavelli. Roberto Mancini vann sinn annan leik
í röð sem knattspyrnustjóri Manchester City er liðið lagði Wolves á útivelli, 3-0.
MARKAHETJAN Didier Drogba skoraði jöfnunarmark Chelsea í gær. NORDIC PHOTOS/GETTY