Fréttablaðið - 23.06.2010, Blaðsíða 22

23. JÚNÍ 2010 MIÐVIKUDAGUR2 ● fréttablaðið ● sumar og börn
Hressandi sundsprettur er endur-
nærandi fyrir alla í fjölskyldunni
á ferðalagi um landið. Á Höfn í
Hornafirði er ný sundlaug með
rennibrautum og vaðlaug fyrir
krakkana.
„Hér í vaðlauginni eða barna-
lauginni hjá okkur er trúður og
slanga og lítil rennibraut. Þar safn-
ast fjölskyldurnar saman og njóta
vel,“ segir Haukur Helgi Þorvalds-
son, forstöðumaður íþróttamann-
virkja á Hornafirði.
Sundlaugin á Höfn, sem tekin
var í notkun í apríl í fyrra er 25
metra löng og eru tveir heitir pott-
ar á laugarbakkanum. Annar pott-
urinn er með nuddi og er einn-
ig hægt að bregða sér í gufubað.
Þrjár rennibrautir eru í lauginni
sem búið er að nefna eftir fiskteg-
undum sem veiddar eru á Höfn.
Bláa rennibrautin, sem er um það
bil fimm metra há, heitir Kuðung-
urinn, rauða rennibrautin heit-
ir Humarinn og sú gula Lúran.
„Svo ætlum við að nefna vaðlaug-
ina hornsílið,“ bætir Haukur við
og segir aðsóknina í laugina hafa
verið mjög góða.
„Með skólasundi hafa um 77.000
gestir sótt laugina frá því við opn-
uðum. Gestir geta keypt hér kaffi
og kakó eftir sundsprettinn og
Ungmennafélagið Sindri selur
drykki fyrir börnin. Eins er stutt
í leiksvæði og verslanir en sund-
laugin er staðsett hér í hjarta bæj-
arins. Hér er því tilvalið fyrir
fjölskyldufólk á ferðinni að koma
við.“
Sundlaugin á Höfn er opin virka
daga frá klukkan 6.45 til 21 og um
helgar frá klukkan 10 til 19. - rat
Vatn og vellíðan á Höfn
Rennibrautirnar hafa verið nefndar eftir fiskitegundum sem veiddar eru á Höfn, það
er að segja Humarinn, Kuðungurinn og Lúran. MYND/ÚR EINKASAFNI
Vinkonurnar Auður Ester Gests-
dóttir og Anna Hildur Björnsdótt-
ur, tíu ára, eru með plönin á hreinu
í sumar. „Ég ætla að fara með Val
á fótboltamót á Siglufirði, en fyrst
fer ég til Akureyrar þar sem ég á
fullt af vinkonum og við ætlum að
leika okkur saman,“ segir Auður
Ester og eftirvæntingin skín úr
andlitinu. Anna Hildur ætlar hins
vegar í Vindáshlíð, þar sem KFUM
og KFUK eru með árlegar sumar-
búðir og leikjanámskeið. „Ég hef
aldrei komið þangað,“ getur hún
og Auður Ester grípur þá af henni
orðið. „Það hef ég gert. Það var
mjög gaman.“ Frítímanum í sumar
ætla þær að verja að mestu í úti-
veru og leiki. „Okkur finnst rosa-
lega gaman í parís og náðum meira
að segja að komast upp í 500,“
segja þær en viðurkenna þó með
bros á vör að kannski verði stolist
í eins og einn og einn tölvuleik. - rve
Leikjanámskeið og
fótbolti í sumar
Þær Auður Ester og Anna Hildur ætla að nota tímann vel til leikja og ferðalaga í
sumar. FRÉTTABLAÐIÐ/STEFÁN
Ferðafélag barnanna var
stofnað síðasta sumar og er nú
ýmislegt á döfinni.
„Við erum að keyra á aðeins meiri
krafti í sumar og setjum meira
púður í starfið,“ segir Guðrún
Selma Steinarsdóttir, starfsmað-
ur Ferðafélags barnanna. „Þetta
er félag til að halda utan um það
að börn tengist náttúrunni og fái
að upplifa hana á sinn hátt. Þetta
er ekki endilega spurning um að
komast á toppinn heldur frekar að
sjá náttúruna og hvað hún hefur
upp á að bjóða. Einnig til að virkja
fjölskyldufólk til að taka þátt í úti-
vist og ferðalögum.“
Guðrún segir að Ferðafélag
barnanna sé hugsað fyrir nýfædd
börn og upp í unglinga um tólf
ára aldurinn. Skráning í félagið
gengur vel að sögn Guðrúnar en í
kringum hundrað börn og ungling-
ar eru nú þegar skráð. „Ferðirn-
ar eru sniðnar að þörfum barna.
Þetta verður algjört fjör.“
Guðrún segir að Ferðafélag
barnanna fari í ferðir allt árið
og að þær séu fjölbreyttar. En
hvernig ferðir eru þetta? „Þetta
eru fuglaskoðunarferðir, fjöru-
ferðir og svo vorum við með álfa-
og tröllaferð um síðustu helgi,
seinna förum við í fjölskylduferð
á Laugaveginn og unglingar fara
á Hornstrandir, í haust verður svo
berja- og föndurferð, aðventuferð
og blysför um jólin.“ Hún getur
þess að í dag verði farið á Esjuna
með börnin á bakinu.
Guðrún segir að ferðunum sé
skipt niður í þrjá flokka fyrir
mismunandi aldur. „Veita þarf
aldri barnanna og unglinganna
sérstaka athygli. Athafnaþrá er
til dæmis í blóma á aldrinum sex
til níu ára,“ útskýrir Guðrún og
heldur áfram: „Það þarf að passa
þegar um börn er að ræða að þau
verði aldrei svöng, aldrei kalt og
ekki leið. Þau verða að hafa eitt-
hvað fyrir stafni og við erum til
dæmis með leiki. Við ætlum að
skoða það sem við sjáum á leið-
inni, hvernig steinarnir og trén
eru.“
Nánari upplýsingar má finna á
www.allirut.is. - mmf
Sjá náttúru, steina og tré
Guðrún segir fjölbreyttar ferðir í boði
fyrir börn hjá Ferðafélagi barnanna.
FRÉTTABLAÐIÐ/VALLI
Ferðirnar eru fyrir nýfædd börn upp í unglinga um tólf ára aldurinn. MYND/GUÐRÚN SELMA STEINARSDÓTTIR
AFS á Íslandi • Sími 552 5450 • www. afs.is • fjolskylda@afs.is
HVAÐ SEGIR ÞÚ UM NÝJAN FJÖLSKYLDUMEÐLIM?
Það er gefandi reynsla að taka að sér ungling af erlendum
uppruna og kenna íslenska siði og venjur í 10 mánuði. Á
hverju ári eru fjölmargar fjölskyldur sem nýta sér tækifærið!
VISSIR ÞÚ AÐ...
... í Ekvador býr lítil ekvadorsk hnáta sem heitir Dýrleif?
Faðir hennar var skiptinemi hér á landi og skírði frumburðinn í
höfuðið á íslensku „mömmu” sinni.
● TÓNLIST OG TEXTAR VIÐ ALLRA HÆFI Börn kunna vel að
meta góða tónlist og því tilvalið að
hafa nokkra geisladiska meðferð-
is í sumarbústaðinn eða ferðalög al-
mennt í sumar. Nýverið kom út disk-
urinn Meira Pollapönk sem hefur
að geyma fimmtán lög sem taka á
málum sem bæði börn og fullorðn-
ir velta fyrir sér og gæti stytt þeim
stundir í sumar. Diskurinn kemur úr
smiðju hljómsveitarinnar Pollap-
önks sem er hugarfóstur vinanna
og leikskólakennarana Haraldar
Freys Gíslasonar og Heiðars Kristj-
ánssonar, en markmið þeirra er að búa til tónlist og texta sem bæði börn
og fullorðnir geta haft gaman af.
● UMFERÐARÖRYGGI Alltaf er gott að
brýna reglulega fyrir börnum og ungmenn-
um að fara varlega í umferðinni, en á heima-
síðu Umferðarstofu er að finna alls konar
fróðleik sem tengist umferðaröryggi með
sérstöku tilliti til barna og ungmenna í um-
ferðinni. Sjá www.us.is.