Fréttablaðið - 10.07.2010, Blaðsíða 58

30 10. júlí 2010 LAUGARDAGUR
timamot@frettabladid.is
Flugmódelafélagið Þytur fagnar fjöru-
tíu ára afmæli sínu um þessar mund-
ir og af því tilefni verður flugsýning
á Tungubakkaflugvelli í Mosfellsbæ í
dag.
„Sex flugáhugamenn stofnuðu Þyt á
sínum tíma, árið 1970. Þetta voru þeir
Einar Páll Einarsson, Einar Pálsson,
Þorgeir L. Árnason, Hörður Hjálmars-
son, Pétur Filippusson og Jón V. Péturs-
son,“ segir Steinþór Agnarsson, formað-
ur flugmódelafélagsins Þyts.
Steinþór segir að í upphafi hafi verið
flogið upp á Sandskeiði. Seinna var flutt
á Geirsnef. „Síðan varð allt vaðandi í
hundum þar þannig að menn urðu að
flýja þaðan. Þá vorum við svo heppnir
að Hafnarfjarðarbær tók vel í að útvega
pláss fyrir flugmódel.“
Að sögn Steinþórs hjálpuðust menn að
við að græða upp landið undir aðstöð-
una á gömlu öskuhaugunum í Hafnar-
firði. Hafist var handa við að byggja
völlinn árið 1988. „Þetta er glæsilegur
völlur sem því miður verður sjálfsagt
að flytja núna því það hefur þrengt að
okkur í gegnum árin,“ segir Steinþór
sem helst vill halda félaginu í Hafnar-
firði. „Já, það er meiningin. Menn eru
þó sjálfsagt opnir fyrir öllu. Mér finnst
flugmódelin samt setja svolítinn svip á
bæjarfélagið því um helgar er fólk að
koma hingað upp eftir og horfa á okkur
fljúga.“
Steinþór segir flugmódelafélagið Þyt
það elsta og stærsta sinnar tegundar á
Íslandi í dag. Meðlimir félagsins eru í
kringum hundrað talsins. Þeir eru flug-
áhugamenn og margir smíða vélar sínar
sjálfir. „Það eru nokkrir mjög virkir í
félaginu sem smíða og svo eru aðrir sem
kaupa tilbúnar vélar. Vélarnar sem verið
er að fljúga í dag eru frá smávélum og
upp í stórar vélar sem sumar þurfa heil-
an sendibíl á milli staða.“
Í tilefni af afmæli Þyts verður flug-
sýning á Tungubakkaflugvell í Mos-
fellsbæ í dag. „Stærsta númerið á sýn-
ingunni er Ali Machinchy. Hann er einn
besti flugmódelmaður í heimi og kom
hérna fyrir nokkrum árum og sýndi á
Akureyri og sló svona rækilega í gegn.
Fyrir flugáhugafólk má eiginlega ekki
missa af þessu. Þetta verður þvílík
skemmtun ef veður og allar aðstæður
verða góðar.“
Meðlimir Þyts koma til með að fljúga
stórum seinni heimsstyrjaldarvélum.
„Það verða alls konar flugvélar þarna,
alveg frá fyrra stríðinu og svo upp í
nútímavélar,“ segir Steinþór og bætir
við að flestar vélarnar séu smíðaðar af
meðlimum félagsins. „Þessar listflugvél-
ar sem flogið er mest í dag eru smíðað-
ar úti. Vélarnar eru fluttar hingað heim
og við setjum þær saman og bætum við
mótor og öðrum fylgihlutum.“
Sýningin stendur frá klukkan eitt til
fjögur. martaf@frettabladid.is
FLUGMÓDELAFÉLAGIÐ ÞYTUR: FAGNAR FJÖRUTÍU ÁRA AFMÆLI
Módelin setja svip á bæinn
ÞRENGIR AÐ ÞYT „Stærsta númerið á sýningunni er Ali Machinchy,“ segir Steinþór Agnarsson. FRÉTTABLAÐIÐ/ARNÞÓR
HELGI BJÖRNSSON, SÖNGVARI OG
LEIKARI, ER 52 ÁRA.
„Maður er bara eins og
sígauni. Hver dagur býður upp
á eitthvað nýtt.“
Helgi er einn af þekktari söngv-
urum landsins, meðal annars
með sveitinni SSSól og hefur líka
leikið í fjölda kvikmynda. Hann
rekur Leikhússhöll í Berlín og nú
er komin út ný plata með honum
ásamt sveitinni Reiðmönnum
vindanna. Hún nefnist Þú komst
í hlaðið.
MERKISATBURÐIR
1937 Danskur maður fellur um
70 metra niður í gljúfrið
við Dettifoss og lifir af.
1942 Í Laxá í Aðaldal veiðist 36
punda lax.
1948 Hengibrú er vígð á Jökuls-
á á Fjöllum.
1970 Ríkisstjórn Jóhanns Haf-
stein tekur við völdum.
1980 Greiðslukortaviðskipti
hefjast á Íslandi er Kredit-
kort hf. gefa út Eurocard-
greiðslukort.
1980 Fimmta hrina Kröfluelda
hefst.
2009 Hótel Valhöll á Þingvöll-
um brennur til kaldra
kola.
Fjörutíu ár eru í dag frá hinu
hörmulega slysi á Þingvöllum
þegar Bjarni Benediktsson for-
sætisráðherra, Sigríður Björns-
dóttir, kona hans, og Benedikt
Vilmundarson, fjögurra ára
dóttursonur þeirra, brunnu inni
í Ráðherrabústaðnum. Fréttin
um það olli mikilli sorg meðal
íslensku þjóðarinnar.
Bústaðurinn var griðastaður
forsætisráðherrahjónanna.
Þó höfðu þau einungis ætlað
að dvelja þessa einu nótt í
honum að þessu sinni því
daginn eftir var för þeirra heitið
vestur á Snæfellsnes þar sem
Bjarni ætlaði að halda ræðu á
héraðsmóti.
Eldsins í bústaðnum varð
vart klukkan hálf tvö um nótt-
ina, af hollenskum ferðamönn-
um. Þeir bönkuðu á glugga og
dyr og reyndu að opna húsið,
árangurslaust. Einn þeirra
hljóp til Valhallar og lét vita.
Örskömmu síðar virtist verða
sprenging í húsinu, þakið lyftist
upp og eldurinn braust út.
Ráðherrabústaðurinn var
lengi nefndur konungshúsið.
Hann var reistur í tilefni af
komu Friðriks konungs áttunda
til Íslands 1907.
ÞETTA GERÐIST: 10. JÚLÍ 1970
Átakanlegur atburður á Þingvöllum
Hjartans þakkir sendum við öllum sem
sýndu okkur samúð og vinarhug við
andlát og útför okkar elskuðu
Huldu Guðbjörnsdóttur
hjúkrunarfræðings
sem lést á deild 11E LSH sunnudaginn 16. maí.
Sigurður Guðmundsson
Hrafn Tryggvason
Steingrímur Brynleifsson
Hrafnhildur Lára Hrafnsdóttir
Málfríður, Þórdís og Birna Sigurðardætur, makar og börn
Hrafnhildur Helgadóttir
Björn Guðbjörnsson Kolbrún Albertsdóttir
Hrafnhildur Soffía Guðbjörnsdóttir Kristján Kárason
Jóhanna Guðbjörnsdóttir Skúli Guðmundsson
Sveinbjörn Dagnýjarson Þorgerður
Sigurðardóttir
og fjölskyldur.
Hjartans þakkir fyrir hlýhug og kveðj-
ur vegna andláts og útfarar kærrar
frænku okkar
Ingibjargar Jónsdóttur
Sléttuvegi 11, Reykjavík.
Jón Jósefsson
Anna Guðrún Jósefsdóttir
Sesselja Ingibjörg Jósefsdóttir
Jón Ingvar Ragnarsson
Guðmundur Ragnarsson
Grasagarðurinn heldur upp
á íslenska safnadaginn á
morgun, sunnudag. Þá verð-
ur leiðsögn um garðinn í
umsjá Ingunnar Óskars-
dóttur garðyrkjufræðings
sem snýst meðal annars um
að skoða sérstakar sóleyjar,
svokallaðar bergsóleyjar.
Það eru plöntur af Clematis-
ættkvíslinni sem víða er að
finna í garðinum.
Grasagarðurinn er lifandi
safn undir berum himni og
í honum eru varðveittar um
5.000 tegundir plantna í níu
safndeildum.
Mæting í gönguna á morg-
un er við aðalinngang Grasa-
garðsins klukkan 13. Þátt-
taka er ókeypis og öllum
heimil. Að henni lokinni
verður boðið upp á pipar-
mintute. - gun
Söfnun sóleyja
á safnadaginn
BERGSÓLEY Planta af Clematis-ættkvíslinni. MYND/GRASAGARÐURINN
Hvalir nefnist handbók sem
er nýkomin út hjá Forlaginu.
Hún er sú fyrsta sinnar teg-
undar hér á landi.
Áhugi á hvalaskoðun hefur
aukist mjög á undanförnum
árum og bókin Hvalir er
hugsuð til að mæta vaxandi
þörf fyrir aðgengilegt efni
um þessar vinsælu skepnur.
Hún nýtist í senn við að skoða
hvali í náttúrulegu umhverfi
sínu og sem almennt upp-
flettirit. Þar er fjallað um
allar hvalategundir í tempr-
uðum og köldum sjó Norð-
ur-Atlantshafsins í grein-
argóðum texta og einstakar
myndir draga fram öll helstu
sérkenni dýranna.
Bókin skiptist í tvo hluta.
Sá fyrri auðveldar notandan-
um að þekkja á svipstundu
þá hvali sem hann sér og í
síðari hlutanum er almenn
umfjöllun um hvali og ein-
stakar tegundir í hafinu
umhverfis okkur.
Höfundar bókarinnar eru
Jón Baldur Hlíðberg mynd-
listarmaður og Sigurður
Ægisson textahöfundur en
þeir hafa reynslu af skrif-
um bóka um íslenska hvali
og íslenskar kynjaskepnur.
Ný handbók um hvali komin út
HVALIR Mikilfengleg spendýr í
hafinu sem margir hafa mætur á.