Fréttablaðið - 06.10.2010, Blaðsíða 10

10 6. október 2010 MIÐVIKUDAGUR
LÖGREGLUMÁL „Þetta var eitt af
stærstu verkefnunum sem við
höfum tekist á við og það gekk
bara býsna vel.“
Þetta segir Stefán Eiríksson,
lögreglustjóri á höfuðborgarsvæð-
inu, um aðgerðir lögreglu vegna
hinna fjölmennu mótmæla við
Alþingishúsið í fyrrakvöld.
„Ég get ekki nákvæmlega skot-
ið á þann aukakostnað lögreglu
sem slík mótmæli hafa í för með
sér, en kostnaðurinn við mót-
mælin í fyrrakvöld er að minnsta
kosti þrjár til fjórar milljónir,“
segir Stefán. Hann segir hægt
að miða við heildarkostnað bús-
áhaldabyltingarinnar í janúar
2009. Heildarkostnaður við hana
hafi numið vel yfir 50 milljónum
króna.
„Dýrustu kvöldin voru jafnvel
að hlaupa á milljónum,“ útskýr-
ir Stefán. Hann segir að aukið
sé við fjölda lögreglumanna á
vakt og menn í rannsóknar- og
tæknideildum séu lengur á vakt
þannig að þeir séu tiltækir þurfi
á að halda. Þetta fái menn greitt
í aukavinnu. Í gær hafði á annað
hundrað lögreglumanna komið að
mótmælunum, þar af um tuttugu
úr sérsveit ríkislögreglustjóra.
„Girðingin sem sett var í kring-
um Alþingishúsið sannaði gildi
sitt við þessar aðstæður og hrein-
lega kom í veg fyrir bein átök við
mótmælendur. Þau atvik þar sem
lögregla var í beinum tengslum
við ólátabelgina í hópnum voru
mjög fá og enduðu farsællega. Það
er þessari girðingu að þakka.“
Lögreglustjórinn á höfuðborgar-
svæðinu og ríkislögreglustjóri
lögðu fram fjármuni til smíði girð-
ingarinnar í kjölfar búsáhalda-
byltingarinnar. Stefán segir hana
ekki einungis til að auka öryggi
lögreglumanna heldur annarra á
svæðinu.
„Auk hennar var bætt við
öryggisbúnað lögreglumanna,“
bætir hann við. Spurður um notk-
un lögreglumanna á gasgrím-
um frá 1950 segir Stefán að slík
eintök sé vissulega enn að finna
í búnaði lögreglumanna, sem og
gamla hjálma.
Þrír lögreglumenn meiddust
í mótmælunum í fyrrakvöld, að
sögn Stefáns. Í öllum tilvikum
var einhverju kastað í þá, þar með
talið grjóti og flöskum.
Spurður hvort lögreglan hafi
mannafla, fjármuni og þanþol
í aðra búsáhaldabyltingu segir
Stefán sína menn tilbúna í það
sem koma kunni.
„Við tökumst á við þetta verk-
efni, undirbúum það vel og tökum
á því af þeirri alvöru sem því
sæmir,“ segir Stefán. „Það ber
árangur.“ jss@frettabladid.is
Girðingin sem sett
var í kringum Alþingis-
húsið sannaði gildi sitt við
þessar aðstæður.
STEFÁN EIRÍKSSON
LÖGREGLUSTJÓRI
Málþing á Egilsstöðum
11. október 2010, Icelandair Hótel Hérað
Verkefnið er styrkt af Samfélagssjóði Alcoa
Þjóðgarðastjórnun
- gildi þekkingar og menntunar
Skráning á www.rannsoknatorg.is
Dagskrá:
13:00 – 13:15 Setning
13:15 – 14:25 Building Protected Area Stewardship in an Era of Complexity and Messiness,
Stephen McCool, Professor Emeritus, Department of Society and Conservation.
The University of Montana.
14:25 – 14:50 Náttúruverðmæti, á friðlýstum svæðum, Snorri Baldursson, þjóðgarðsvörður á
Vestursvæði Vatnajökulsþjóðgarðs.
14:50 – 15:15 Þróun þjóðgarða Íslands – Störf og starfsemi, Sigþrúður Stella Jóhannsdóttir,
sérfræðingur á Náttúrustofu Norðausturlands og fyrrverandi þjóðgarðsvörður.
15:15 – 15:40 Kaffi
15:40 – 16:05 Ferðamennska á friðlýstum svæðum, Rannveig Ólafsdóttir, dósent við Líf- og
umhverfisvísindadeild HÍ og sérfr. við Rannsóknamiðstöð ferðamála.
16:05 – 16:30 Stefnumótun og þróun á ferðavörum á friðlýstum svæðum,
Edward H Huijbens, forstöðumaður Rannsóknamiðstöðvar ferðamála.
16:30 – 16:55 Menntun í þjóðgarðafræðum – mismunandi nálganir og þarfir,
Anna Guðrún Þórhallsdóttir, prófessor við Landbúnaðarháskóla Íslands.
16:55 – 17:45 Umræður / Samantekt
Ath! Málþingið fer fram á ensku
Í tengslum við málþingið verður farin vettvangsferð inn á Austursvæði Vatnajökulsþjóðgarðs
þar sem umræður halda áfram í hópum (12.okt) , vinnustofa í LAC aðferðafræðinni og
málstofa um alþjóðlega ábyrgð okkar varðandi friðlýst svæði (13-14.okt).
OKTÓBER
11
Eldhústæki
kr. 10.000
Eldhústæki
útdraganlegt
kr. 24.900
LAGERSALAN
dalvegi 16b, Kópavogi
MILLJÓNAKOSTNAÐUR Fjölgun lögreglumanna á vakt, fleiri lögreglubílar í notkun
og ýmislegt fleira hefur í för með sér mikinn kostnaðarauka fyrir lögregluna, þegar
mótmæli eiga sér stað.
Girtu fyrir
bein átök við
Alþingishúsið
Mótmælin í fyrrakvöld kosta lögregluna þrjár til
fjórar milljónir aukalega. Lögreglustjóri segir verk-
efnið hafa verið stórt en býsna vel hafi tekist til.
Mótmælendur slettu mjólkurmat á
nokkra þingmenn sem voru að ná
sér í leigubíla í Vonarstræti í fyrra-
kvöld. Þetta staðfestir Helgi Bern-
ódusson, skrifstofustjóri Alþingis við
Fréttablaðið. Hann segir að enginn
hafi meiðst og enginn hafi átt fótum
fjör að launa.
Milljónatjón var unnið á Alþingis-
húsinu í mótmælunum. Þrjátíu
og tvær rúður voru brotnar með
grjótkasti í húsinu, þar á meðal
bogagluggar sem dýrt er að skera
gler í og vinna. Helgi telur kostnað
við nýjar rúður tvær til þrjár milljónir
króna. Að auki var gler brotið við
dyr í skála Alþingishússins. Húsið
sjálft, og umhverfi þess, var útbíað
í rauðu litarefni, eggjum og öðrum
matvælum. Helgi segir að heildar-
kostnaður við að koma húsinu og
umhverfi þess í samt lag nemi hátt
á fimmtu milljón króna, samkvæmt
bráðabirgðatölum. Þá sé þinghúsið
viðkvæmt fyrir háþrýstiþvotti sem
hafi valdið rakaskemmdum.
Ráðherrabílar voru líka stór-
skemmdir með grjótkasti og högg-
um, einkum bíll fjármálaráðherra.
Milljónatjón á þinghúsinu
SLYS „Maðurinn var orðinn alveg
blár þegar þeir komu með hann upp
úr. Svo blésu þeir lífi í hann. Það var
algjör unaður að sjá fólkið að störf-
um, það gerði allt rétt,“ segir Birkir
Guðjónsson sundlaugargestur.
Maður á þrítugsaldri var hætt
kominn í Sundhöll Reykjavíkur á
mánudagskvöld. Maðurinn, sem
er flogaveikur, hafði stokkið af
stóra brettinu ofan í laugina. Þar
fékk hann kast og komst ekki upp
af sjálfsdáðum. Sundlaugargest-
ir og starfsmenn sundlaugarinnar
brugðust skjótt við og náðu mann-
inum upp á bakkann.
Maðurinn hafði stífnað og því
reyndist það þrautin þyngri að ná
honum upp.
„Við byrjuðum að hnoða hann og
þegar hann byrjaði að æla gáfum
við honum súrefni. Það var læknir
á staðnum sem sagði að hann hefði í
raun verið farinn. Það var heppni að
við skyldum ná honum svona fljótt
upp úr og geta byrjað í hvelli,“ segir
Bjarni Valtýsson sundlaugarvörður,
sem blés lífi í manninn.
Birkir sundlaugargestur segir að
þegar sjúkraliðar hafi komið á vett-
vang hafi starfsfólk sundlaugarinn-
ar spurt hvort þeir vildu taka við að
hnoða manninn. „En sjúkraflutn-
ingamennirnir sögðu þeim bara að
halda áfram því þeir voru að gera
allt rétt,“ segir Birkir.
Jón Gnarr borgarstjóri kom í
Sundhöllina í gær til að sýna Bjarna
og öðrum bjargvættum þakklæti
sitt.
„Mér finnst þetta skýrt dæmi um
kosti og mikilvægi þess að vera vak-
andi fyrir umhverfinu og öðru fólki
í kringum mann,“ segir Jón.
Samkvæmt vakthafandi lækni
á gjörgæsludeild Landspítalans er
líðan mannsins eftir atvikum góð.
Hann er á batavegi. -kh
Starfsmenn og gestir Sundhallar Reykjavíkur brugðust skjótt við:
Blésu lífi í flogaveikan mann
BJARNI VALTÝSSON Bjarni sundlaugar-
vörður og gestir Sundhallarinnar
björguðu manni frá drukknun í gær.
FRÉTTABLAÐIÐ/GVA