Fréttablaðið - 06.10.2010, Blaðsíða 32
MARKAÐURINN 6. OKTÓBER 2010 MIÐVIKUDAGUR14
H É Ð A N O G Þ A Ð A N
Ú R F O R T Í Ð I N N I
Maður kann hálfilla við að kalla
Audi Q7 jeppling, enda er hann
stór og voldugur. Heitið sport-
jeppi fer honum betur. Tekin
var til kostanna 2007 árgerð-
in af þessum bíl, Audi Q7 TDi
með þriggja lítra dísilvél, hlaðin
aukabúnaði og hægindum. Spurn-
ingunni um hvort bíllinn standi
undir því að vera kallaður „for-
stjórabíll“ er auðsvarað, hann
gerir það vel.
Bíllinn er fallegur á litinn og
sportlegur á 20 tommu álfelgum.
Því var ekki að undra að stöku
sinnum mátti við reynsluakst-
urinn sjá vegfarendur líta hann
aðdáunaraugum. Hann er með
gagnsætt sólþak sem nær aftur
fyrir aftursæti. Ökumaður dreg-
ur svo fyrir og frá og sæti sínu
eftir hentugleikum. Þá er opnan-
leg sóllúga yfir bílstjóra og far-
þegasæti, sömuleiðis rafdrifin.
Í bílnum eru ljós leðursæti,
viðar áferð á innréttingum og
fjögurra arma leðurklætt að-
gerðastýri. Hægindi og aukabún-
aður er í slíku magni að ófært er
að telja það allt upp hér. Nægir
að nefna haganlegan skriðstilli,
bakkmyndavél, sjálfvirka tví-
skipta miðstöð, rafdrifin fram-
sæti, lyklalaust aðgengi (kjósi
maður að taka lykilinn ekki upp
úr vasanum nægir að taka í dyr
til að þær aflæsist og takkar við
hlið bílstjórasætis ræsa bílinn og
drepa á honum), aksturstölvu og
þar fram eftir götunum.
Í fyrstu óttaðist undirritaður
að jafn stór og þungur bíll myndi
reynast þunglamalegur í akstri.
Sá ótti reyndist ástæðulaus. Vélin
er með 233 hestafla TDi-dísilvél
sem með loftpúðafjöðrun gerir
að verkum að bíllinn er eins og
hugur manns, hvort heldur sem
er í innanbæjarskutli, þjóðvega-
akstri eða í torfærum.
Bíllinn er sjálfskiptur og má
segja að hann taki „virðulega“
af stað þegar hann er í „drive“
(D), en kjósi maður að láta
hann taka betur við sér, smellir
maður skiptistönginni í S-still-
ingu (sport) og hendist fram úr
eða stekkur af stað, rétt eins og
maður væri á sportbíl.
Loftpúðafjöðrun hækkar og
lækkar bílinn eftir óskum öku-
manns, en valið er um fjöðrun
á stórum upplýsingaskjá bílsins
(sem einnig er skjár bakkmynda-
vélarinnar). Einnig er hægt að
láta tölvu bílsins eftir að ráða
fjöðruninni. Þá getur ökumaður
skipt á milli sjálfskiptingar og
tiptronic skiptingar, en þá ræður
hann gírnum sjálfur.
Bíllinn er með sítengt fjórhjóla-
drif, en tölva deilir aflinu á milli
fram- og afturáss eftir þörfum
hverju sinni. Samkvæmt óform-
legri afl- og sprækleikakönnun
virðist bíllinn rétt rúmar átta
sekúndur að ná 100 kílómetra
hraða. Hlýtur það að teljast vel
af sér vikið af jafnstórum bíl.
Í sportstillingunni er vélin
heldur fljótari að taka við sér og
heldur sér á hærri snúningi. Tæp-
ast er þó ráðlegt að hafa bílinn
alltaf í sportgír því hann brennir
jú heldur meiri olíu þannig. Ann-
ars virðist eyðsla í blönduðum
akstri vera nálægt tíu lítrum á
hundraðið. Innanbæjar eyðir bíll-
inn um og yfir 12 lítrum (eftir
aksturslagi) og dettur svo niður
fyrir átta lítra á vegum úti.
Síðan er bara spurningin
hvernig manni lýst á verðmið-
ann, en um leið er ljóst að maður
fær töluvert fyrir þær tæpu níu
milljónir sem settar eru á bílinn.
Nýr og með sambærilegum bún-
aði er verðmiðinn á fimmtándu
milljón króna.
Voldugur og flottur
Audi Q7 TDi, árgerð 2007
Ásett verð: 8.950.000 krónur
Ekinn: 63.400 km
Lengd: 508,6 cm
Breidd: 198,3 cm
Litur: Rauður
Sætafjöldi: 5
Þyngd: 2.295 kg
Burðargeta: 695 kg
Slagrými: 2.967 cm3
Afl: 233 hö
Eldsneyti: Dísil
H E L S T U S T A Ð R E Y N D I R
STÓRGLÆSILEGUR Fallega rauður Audi Q7 jepplingurinn laðar til sín ófá augnatillit þeirra sem á annað borð hafa áhuga á bílum.
Bílnum fer jafn vel að bruna á þjóðvegum landsins, skjótast innanbæjar eða klöngrast ófærur. MARKAÐURINN/ÓKÁ
MÆLABORÐIÐ Upplýsingaskjár bílsins, þar sem hentugt er að flakka á milli útvarpsstöðva,
velja fjöðrun eftir aðstæðum, eða breyta öðrum stillingum, er líka skjár bakkmyndavélar.
MARKAÐURINN/ÓKÁ
MARKAÐURINN/LJÓSMYNDASAFN REYKJAVÍKUR
Álver rís í Straumsvík
Óli Kristján
Ármannsson
blaðamaður tekur
til kostanna notaða
bíla og metur hvort
þeir fái staðið undir
því að kallast for-
stjórabílar.
Í ár eru 47 ár liðin frá því fram-
kvæmdir við álverið í Straums-
vík hófust í útjaðri Hafnar-
fjarðar. Samningar um bygg-
ingu álversins höfðu staðið yfir
á milli svissneska fyrirtækisins
Alusuisse og Viðreisnarstjórnar-
innar svokölluðu, Sjálfstæðis-
flokks og Alþýðuflokks, um
nokkurra ára skeið.
Skrifað var undir árið 1966
og sá Búrfellsvirkjun álverinu
fyrir orku. Þegar álverið í
Straumsvík var tekið í notk-
un í maí árið 1970 var fram-
leiðslugetan 33 þúsund tonn á
ári í 120 kerum. Verksmiðjan
hefur verið stækkuð nokkrum
sinnum síðan þá.
Framleiðslugetan er 180 þús-
und tonn í dag. Stefnt er að því
að stækka það frekar, í 220
þúsund tonn á næstu tveimur
árum. - jab
Haldi lífeyrissjóðirnir áfram að
vaxa með sama hraða og þeir hafa
gert eftir hrun íslensku bank-
anna er líklegt að þeir nái sama
raunstyrk og fyrr eftir 12 til 24
mánuði, að því er fram kemur
í 31. tölublaði í efnahagsritsins
Vísbendingar. „Þetta þýðir að í
hruninu hafa þurrkast út þrjú til
fjögur ár,“ segir þar jafnframt.
Bent er á að við hrun efnahags-
kerfisins í október 2008 hafi líf-
eyrissjóðir landsmanna orðið
fyrir stóráfalli eins og allir
sem áttu eignir. „Á augabragði
skertust eignir lífeyrissjóðanna
um milli 15 og 20 prósent. Óvissa
ríkti um marga eignaliði og
nokkurn tíma tók að færa tapið
að fullu til bókar,“ segir þar og
áréttað að óvíst sé að enn séu öll
kurl komin til grafar. „Til dæmis
er enn óvissa um gengisvarna-
samninga sjóðanna, hvort þeir
muni þurfa að greiða bönkunum
háar fjárhæðir vegna þeirra eða
hvort fall bankanna hafi valdið
forsendubresti. Sjóðirnir hafa
þegar fært háar fjárhæðir til
gjalda vegna þessa.“
- óká
SEÐLAR Við hrun bankakerfisins 2008
skertust eignir lífeyrissjóða í einu vetfangi
um 15 til 20 prósent. MARKAÐURINN/STEFÁN
Ná sama styrk eftir
eitt til tvö ár