Fréttablaðið - 06.10.2010, Blaðsíða 14

14 6. október 2010 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Ólafur Þ.
Stephensen
olafur@frettabladid.is
SKOÐUN
Í níufréttum útvarps að morgni þriðju-dags var fjallað um mánudagsmótmæl-
in á Austurvelli. Þar voru um átta þúsund
manns. Boðskapurinn var einn: Við mót-
mælum ástandinu í samfélaginu. Ástæðurn-
ar voru fleiri, kannski allt að átta þúsund.
Eggjum var kastað. Líka grjóti. Málningu
slett. Það var mikið drasl eftir á Austurvelli
og við Alþingishúsið. Rúður voru brotnar
í húsinu, málning á veggjum. Hreinsunar-
deild Reykjavíkurborgar hóf störf strax um
nóttina og var enn að störfum morguninn
eftir. Deildin á skýra verkferla fyrir svona
verkefni, fara í gallana og ganga hreint til
verks.
Lögreglan var við störf á mótmælakvöldi.
Hún hafði góð tök á stöðunni, sagði lög-
reglustjórinn Stefán Eiríksson. Hún stóð
vörð um þinghúsið. Lögreglan nýtur mikils
trausts í samfélaginu. Líklega nýtur hreins-
unardeildin líka mikils trausts. Þau vita
hvað þau ætla að gera, stíga örugg skref og
vinna vinnuna sína. Þetta eru starfsmenn
á plani.
Í síðustu viku fór atkvæðagreiðsla á
Alþingi 63-0. Sextíu og þrír þingmenn
greiddu því atkvæði að vinna nauðsynlegar
umbætur á stjórnkerfinu í kjölfar Hruns-
ins. Þeirra er þörf. Í stefnuræðu sinni á
mánudaginn sagði Jóhanna Sigurðardótt-
ir frá því að bankarnir drægju lappirnar
þegar kæmi að sértækum úrræðum fyrir
fólk í vanda. Það gengur ekki.
Við spyrjum: Þurfum við ekki sérsveit
sem stendur vörð um hagsmuni almennings
í landinu, hagsmuni fólksins andspænis
hagsmunum banka og auðræðiskerfis sem
kallaði Hrunið yfir þjóðina? Þurfum við
ekki hreinsunardeild sem tekur til í bönk-
um og stjórnkerfi eftir Hrunið? Sem víkur
þeim frá sem hirða ekki um málefni ekkna
og munaðarleysingja, sem gæta ekki réttar
þeirra sem minnst mega sín?
Hvers vegna eru engir verkferlar til
í landinu fyrir slík verkefni? Hvar eru
starfsmennirnir sem eiga heima á því
plani? Við köllum eftir sérsveit mennskunn-
ar. Við köllum eftir hreinsunardeild rétt-
lætisins.
Hreinsunardeild réttlætisins
Mótmælin
Árni Svanur
Daníelsson og
Kristín Þórunn
Tómasdóttir
prestar
Þurfum við ekki
hreinsunardeild
sem tekur til í bönk-
um og stjórnkerfi eftir Hrunið?
Viðskipti við Kína -
Frumkvöðull deilir
reynslu sinni
Íslensk - kínverska viðskiptaráðið boðar til opins fundar um
viðskipti við Kína kl 16:00 þann 7. október n.k. á 9. hæð í Húsi
verslunarinnar, Kringlunni 7.
Fyrirlesari á fundinum verður Jóhannes Þórðarson,
Framkvæmdastjóri Mind.
Undanfarin 10 ár hefur Jóhannes starfað náið með fyrirtækum
í Asíu á sviði vöruþróunar og framleiðslu á tæknivörum og
leikföngum sem náð hafa fótfestu í Bandaríkjunum og Evrópu.
Meðal dreifiaðila má nefna Carrefour, Toys´r´us og Hamleys en
vel hefur tekist til í uppbyggingu á tengslaneti í vöruþróun, fram-
leiðslu, sölu og dreifingu. Á þessu tímabili hefur Jóhannes
starfað á Íslandi en rekið félag í Hong Kong með allt að 6
starfsmönnum. Vörur á hans vegum hafa selst í yfir 3 milljónum
eintaka bæði undir eigin vörumerkjum sem og annarra.
Fundargestir eru beðnir um að skrá sig á netfangið
elin@atvinnurekendur.is fyrir hádegi 7. október.
Þverskurður þjóðarinnar?
Helga Vala Helgadóttir laganemi
bloggaði í gær um þá staðreynd að
einungis einn af ellefu þingmönnum
í fjárlaganefnd Alþingis er kosinn til
þings af íbúum Reykjavíkur. Þessi
fulltrúi höfuðborgarbúa við meðferð
fjárlagafrumvarpsins næstu vikur er
stjórnarandstæðingurinn Ólöf
Nordal, varaformaður Sjálfstæðis-
flokksins. Afgangurinn af
höfuðborgarsvæðinu á svo einn
fulltrúa til viðbótar. Það er líka
stjórnarandstæðingur, Þór Saari,
þingmaður Hreyfingarinnar.
Þingmenn allra Íslendinga?
Af ellefu þingmönnum sem vinna
úr fjárlagafrumvarpinu eru því níu
landsbyggðarþingmenn, þar af fimm
úr Norðausturkjördæmi. Gagnrýni
af þessu tagi er jafnan svarað með
því að þingmenn eigi að gæta
hagsmuna allra landsmanna, óháð
búsetu. Miðað við ástandið í
þjóðfélaginu og kröfur um
samstöðu og þjóðarsátt má
segja að nú reyni sem aldrei
fyrr á það hve stóru
hlutverki kjördæma-
pot gegnir í
fjárlagavinnu
alþingis-
manna.
Kynleg hagstjórn?
Fjármálaráðuneytið segir fjárlaga-
frumvarpið unnið í anda kynjaðrar
hagstjórnar, í samræmi við stefnu
ríkisstjórnarinnar. Í fjárlaganefnd
Alþingis eru tveir af sex fulltrúum
stjórnarflokkanna hins vegar konur,
báðar úr landsbyggðar kjördæmum.
Er það ekki svolítið kynlegt?
peturg@frettabladid.is
M
ótmælin við Alþingishúsið í fyrrakvöld eru til
merkis um mikla og djúpstæða óánægju í þjóð-
félaginu. Stjórnmálamennirnir sem sátu innan
dyra á meðan mótmælin fóru fram komust ekki hjá
því að heyra til mótmælendanna, sem framkölluðu
ærandi hávaða. Hitt er öllu mikilvægara, að þeir nái að hlusta eftir
innihaldi óánægjuhrópanna og bregðast við gagnrýninni.
Það er ekki alveg einfalt að skilgreina í hverju óánægjan felst
nákvæmlega. Mótmælendur virðast óhressir með mismunandi
hluti og að sumu leyti virðast kröfurnar líka mótsagnakenndar.
Óhætt virðist að kippa út úr dæminu nýnazistunum, þjóðernis-
sinnunum, anarkistunum, kommúnistunum og öllum hinum sér-
trúarsöfnuðunum sem eru alltaf
óánægðir hvort sem er, burtséð
frá því hvort kreppa er í þjóð-
félaginu eða ekki. Þeir sáu vafa-
laust bara góðan mótmælafund
og vildu vera með.
Stjórnmálamennirnir þurfa
hins vegar að komast að því hvað
hinn breiði fjöldi hefur að segja.
Í ummælum fólks sem tekið var
tali á Austurvelli var áberandi óánægja með stjórnmálamennina
upp til hópa og óþol gagnvart pólitíkinni eins og hún leggur sig.
Sjálfsagt hefur umræðan um landsdómsmálið verið kornið sem
fyllti mælinn hjá mörgum, af mismunandi ástæðum. Krafan um
kosningar er komin upp enn á ný.
Um leið heyrist skýrt sú krafa að gripið verði til aðgerða strax til
að bjarga heimilum í skuldavanda og koma í veg fyrir að fjölskyld-
ur missi heimili sín. Reyndar virðist óljóst hve stór sá hópur er,
eins og fram kemur í Fréttablaðinu í dag, og það verður að teljast
með nokkrum ólíkindum að enginn skuli vita almennilega umfang
vandans sem við er að etja. Vilji menn hins vegar að gripið verði til
aðgerða í snatri er sennilega misráðið að krefjast kosninga strax.
Stjórnmálamennirnir fara þá enn og aftur að eltast við skottið á
sjálfum sér næstu vikur og mánuði í stað þess að vinna skipulega
að þeim úrlausnarefnum sem fyrir liggja. Það er engan veginn
víst að nýtt fólk sem veldist til þingsetu í kosningum yrði fremur
vandanum vaxið en það sem nú situr á þingi.
Til þess að almenningur fái á tilfinninguna að stjórnmála-
mennirnir séu að hlusta á hann er ráð að þeir hætti að æpa hver á
annan. Þjóðin er komin með upp í kok af innbyrðis átökum, skæt-
ingi og yfirborðsmennsku á Alþingi. Nú eiga stjórn og stjórnar-
andstaða að ganga til samstarfs af fullum heilindum um að taka
á vanda þeirra verst settu og gera það hratt. Menn eiga að koma
sér saman um að gera ekki nein gylliboð eða fara út í lausnir sem
koma í bakið á skattgreiðendum, heldur gera það sem raunhæft
er og skynsamlegt.
Ummæli manna eftir fund stjórnar og stjórnarandstöðu í gær
benda til að enn séu menn að reyna að krækja sér í pólitísk prik
með því að berja á hinu liðinu. Það er misráðið, því að nú hafa
pólitíkusarnir einmitt fengið sitt síðasta tækifæri í bili.
Stjórnmálamenn heyrðu í mótmælendunum
– en hlusta þeir á hvað þeir hafa að segja?
Síðasta tækifæri
pólitíkusanna