Fréttablaðið - 27.10.2010, Blaðsíða 16

27. október 2010 MIÐVIKUDAGUR16
timamot@frettabladid.is
Móðir okkar, tengdamóðir, amma og
langamma
Hólmfríður Sigfúsdóttir
andaðist aðfaranótt 16. október síðastliðinn.
Jarðarförin fer fram frá Neskirkju í Aðaldal
laugardaginn 30. október kl. 14.00.
Bryndís Halldóra Bjartmarsdóttir
Hólmfríður Bjartmarsdóttir Sigurður Ólafsson
Guðmundur Bjartmarsson
Hlaðgerður Bjartmarsdóttir Egill Þórir Einarsson
Sigfús Bjartmarsson Lóa Pind Aldísardóttir
barnabörn og barnabarnabörn
Ástkær móðir okkar, tengdamóðir,
amma og langamma,
Ragnheiður
Svanlaugsdóttir
hjúkrunarkona,
andaðist á hjúkrunarheimilinu Eir 20. október sl.
Útförin fer fram frá Langholtskirkju fimmtudaginn
28. október kl. 13.00.
Þórarinn Sveinsson Hildur Bernhöft
Svanlaugur Sveinsson Freyja Guðlaugsdóttir
barnabörn og fjölskyldur þeirra
Elskulegur fósturfaðir, afi, langafi
og bróðir,
Ólafur Hákon
Magnússon
Nýlendu 1, Sandgerði,
lést á Hjúkrunarheimilinu Garðvangi, Garði, mánu-
daginn 25. október. Útförin fer fram frá Hvalsneskirkju
þriðjudaginn 2. nóvember kl. 14.00.
Heiðar Guðjónsson
barnabörn, barnabarnabarn
og systkini hins látna.
Móðir okkar,
Kristjana Nanna Cortes
er látin. Jarðarförin auglýst síðar.
Garðar Cortes, Jón Kristinn Cortez.
Runólfur Sæmundsson
frá Vík í Mýrdal
verður jarðsunginn frá Víkurkirkju laugardaginn
30. október kl. 14.
Sigríður Karlsdóttir, Oddný Runólfsdóttir,
Karl Runólfsson, Sæmundur Runólfsson,
Runólfur Þór Runólfsson, tengdabörn og barnabörn.
Matvæladagur Matvæla- og næringar-
fræðafélags Íslands (MNÍ) er haldinn
á Hótel Hilton í dag og ber yfirskrift-
ina: Eru upplýsingar um næringu og
fæðubótarefni á villigötum? Haldið er
upp á daginn ár hvert en ávallt skipt
um þema. „Mér fannst umfjöllunar-
efnið sérstaklega áhugavert að þessu
sinni sem varð til þess að ég ákvað
að taka þátt í undirbúningi dagsins,“
segir Steinar B. Aðalbjörnsson íþrótta-
næringarfræðingur og markaðsstjóri
Matís. „Ég held að það hafi verið kom-
inn tími til að fjalla um þennan hluta
næringarfræðinnar enda veldur hann
hvað mestum deilum,“ segir Steinar.
Hann segir fólk skiptast í fylkingar
með og á móti fæðubótarefnum og var
ákveðið að reyna að skoða málið út frá
öllum hliðum, án fordóma. „Fræðasam-
félagið er oft svo fast í fræðunum en
við fræðingarnir verðum að gera okkur
grein fyrir því að ef við ætlum að hafa
einhver áhrif þá megum við ekki mála
okkur út í horn. Við verðum að taka
þátt í umræðunni og koma fram með
vísindaleg og málefnaleg rök.“
Steinar segir fræðimenn á sviði nær-
ingar- og læknavísinda stíga fram í
dag ásamt framleiðendum og seljend-
um fæðubótarefna, neytendum og fjöl-
miðlafólki. En hver ætli sé skoðun hans
á málinu? „Mér finnst fæðubótarefni
alveg eiga rétt á sér í einhverjum til-
fellum. Markaðssetningin nær hins
vegar til allra og á fólk stundum erf-
itt með að greina hvort efnin henti sér
eða ekki. Hinn almenni borgari er far-
inn að æfa mikið og orkuþörf þeirra
sem æfa hvað mest slagar upp í orku-
þörf afreksíþróttafólks. Ef fólk þarf á
fjögur til sex þúsund hitaeiningum á
dag að halda þá er spurning hvort það
nái að framfylgja þeirri þörf með því
að borða eingöngu hefðbundinn mat. Í
slíkum tilfellum geta fæðubótarefni átt
rétt á sér.“
Steinar segir að fæðubótarefnin séu
hins vegar jafn misjöfn og þau eru
mörg og á meðan sum gera gagn geta
önnur verið gagnslaus og jafnvel afar
óæskileg. „Má þar nefna fæðubótar-
efni sem innihalda koffín sem margir
neyta til að fá aukið úthald fyrir æfing-
ar. Fullorðnu fólki verður kannski ekki
meint af en börn og unglingar eiga alls
ekki að neyta slíkra efna. Þá er efedrín
því miður talsvert í umferð svo dæmi
séu nefnd. Auk þess eru fjölmörg fæðu-
bótarefni vita gagnslaus og er verst
þegar slíkar vörur eru markaðssett-
ar,“ segir Steinar og nefnir karnitín
sem dæmi. „Það er auglýst sem fitu-
brennsluefni og þykir skaðlaust í ráð-
lögðum neysluskömmtun. Það gerir
hins vegar ekkert gagn enda sér lík-
aminn um að framleiða nákvæmlega
jafn mikið af efninu og þarf. Kreatín
er hins vegar dæmi um efni sem sýnt
hefur verið fram á að gagnist til vöðva-
uppbyggingar og eftir að hafa kynnt
mér fjölda rannsókna á því hef ég ekki
fundið neitt sem gefur til kynna að það
sé hættulegt.“
Steinar segir umfram allt mikilvægt
að neytendur séu gagnrýnir í hugsun
og kynni sér kosti og galla fæðubótar-
efna. „Ég segi oft að ef eitthvað hljóm-
ar of vel til að vera satt þá er það lík-
lega raunin.“
Dagskrá matvæladagsins er öllum
opin og hefst klukkan 11.30.
vera@frettabladid.is
MATVÆLADAGUR MNÍ: HALDINN Á HÓTEL HILTON Í DAG
Fræðimenn og framleiðendur
ræða notkun fæðubótarefna
KOSTIR OG GALLAR Fjallað verður um fæðubótarefni frá ýmsum hliðum á matvæladegi Mat-
væla- og næringarfræðafélags Íslands á Hótel Hilton í dag. FRÉTTABLAÐIÐ/STEFÁN
Lilja Steingrímsdóttir hjúkrunar-
fræðingur og Natalía Lazutkina,
viðskiptakona frá Rússlandi, kenna
öndunartækni á sjálfsstyrkingarnám-
skeiðum á vegum samtakanna Art
of living. Kennslan fer fram í Hlut-
verkasetrinu Borgartúni 1.
„Þessi námskeið eru kennd í 150
löndum um allan heim en öndunar-
tæknin kemur upphaflega frá Ind-
landi. Við leggjum áherslu á ungt fólk
en unga fólkið í dag er undir miklu
álagi og miklar kröfur gerðar til
þess,“ útskýrir Lilja. Hún segir önd-
unartæknina nýtast öllum við dagleg-
ar áskoranir.
„Við kennum fólki að nota
öndunarfærin, þetta flotta tæki í
brjóstholinu, til að slaka á og þar
af leiðandi ná mestum mögulegum
krafti og lífsgæðum. Fólk verður
markvissara og rólegra og á auðveld-
ara með að öðlast innri frið.“
Námskeiðin standa yfir í sex daga
og rennur ágóði af þátttökugjaldi til
uppbyggingar munaðarleysingja-
hæla fyrir börn, meðal annars í
Brasilíu, Suður-Ameríku og á Ind-
landi. Á mánudögum eru ókeypis
kynningar tímar milli klukkan 19 og
20 en næstu námskeið hefjast 9. nóv-
ember. Nánari upplýsingar má finna
á vef slóðunum www.artofliving.is og
www.artofliving.org.
Kenna indverska öndunartækni
ÖNDUN TIL VARNAR STREITU Lilja Steingríms-
dóttir og Natalía Lazutkina. FRÉTTABLAÐIÐ/ANTON
Þennan dag árið 1955 hlaut Halldór Kiljan Laxness
Nóbelsverðlaunin. Verðlaunin hlaut hann fyrir
litríkan sagnaskáldskap, sem endurnýjað hefði
stórbrotna íslenska frásagnarlist.
Hann tók við verðlaununum úr hendi Gústavs VI.
Svíakonungs. Prófessor Elias Wessén kynnti íslenska
skáldið í stuttri ræðu og komst svo að orði að enn
væru Íslendingar mestir norrænna bókmennta-
þjóða.
Í þakkarræðu sinni fjallaði Halldór um bók-
menntir frá Íslandi að fornu og nýju en eftirtektar-
verðar þóttu þakkir hans til þeirra mörgu sem gerðu
honum kleift að verða rithöfundur. Þakklæti hans til
ömmu sinnar Guðnýjar Klængsdóttur snerti marga
en hún var búsett á heimili foreldra hans, að Lax-
nesi í Mosfellsdal á uppvaxtarárum Halldórs. Hún
hafði mikið af uppeldi hans að segja og þakkaði
hann henni fyrir allar vísurnar og kveðskapinn sem
hún kenndi honum áður en hann varð læs en ekki
síst samlíðanina með hinum snauðu og smáu.
ÞETTA GERÐIST: 27. OKTÓBER ÁRIÐ 1955
Halldór Laxness hlýtur Nóbelinn
71 JOHN CLEESE leikarinn breski er 71 árs í dag.
„Sá sem hlær mest lærir best.“